IPL 2024 points table : పంజాబ్​పై ముంబై గెలుపు.. ఐపీఎల్​ పాయింట్స్​ టేబుల్​లో భారీ మార్పులు

IPL 2024 points table today : ఐపీఎల్​ 2024లో పంజాబ్​ కింగ్స్​పై నెయిల్​ బైటింగ్​ థ్రిలర్​లో విజయం సాధించింది ముంబై ఇండియన్స్​. జస్ప్రీత్ బుమ్రా, గెరాల్డ్ రాణించడంతో ముంబై ఇండియన్స్ 9 పరుగుల తేడాతో పంజాబ్ కింగ్స్​పై విజయం సాధించింది. గురువారం జరిగిన మ్యాచ్​లో విజయంతో.. ముంబై ఇండియన్స్ రెండు కీలక పాయింట్లు సాధించి.. ఐపీఎల్ 2024 పాయింట్ల పట్టికలో ఏడో స్థానానికి పెరిగింది.

ఐపీఎల్ 2024 పాయింట్ల పట్టికలో.. ఫాఫ్ డూప్లెసిస్ సారథ్యంలోని రాయల్ ఛాలెంజర్స్ బెంగళూరు.. 2 పాయింట్లతో 10వ స్థానంలో ఉంది. ఆ జట్టు ఆడిన 7 మ్యాచుల్లో కేవలం 1 మ్యాచ్​ మాత్రమే విజయం సాధించింది. గురువారం ముంబై ఇండియన్స్​తో జరిగిన మ్యాచ్​లో ఐదో ఓటమిని చూసిన శిఖర్ ధావన్ సారథ్యంలోని పంజాబ్ కింగ్స్.. 9వ స్థానంలో ఉంది.

MS vs PBKS 2024 : శుభ్​మన్​ గిల్ నేతృత్వంలోని గుజరాత్ టైటాన్స్.. 6 పాయింట్లతో ఐపీఎల్ 2024 పాయింట్ల పట్టికలో 8వ స్థానంలో ఉండగా.. హార్దిక్ పాండ్యా సారథ్యంలోని ముంబై ఇండియన్స్​కి కూడా 6 పాయింట్లే ఉన్నాయి. కానీ నెట్​ రన్​ రేట్​ ఎక్కువగా ఉండటంతో.. ముంబై 7వ స్థానానికి చేరింది.

రిషబ్ పంత్ సారథ్యంలోని దిల్లీ క్యాపిటల్స్ ఇటీవల కొన్ని కీలక విజయాలు సాధించి.. ఆరు పాయింట్లతో -0.074 నెట్​ రన్​ రేట్​తో ఆరో స్థానంలో నిలిచింది. కేఎల్ రాహుల్ సారథ్యంలోని లక్నో సూపర్ జెయింట్స్ 6 పాయింట్లు, ఎన్ఆర్ఆర్ +0.038 పాయింట్లతో ఐపీఎల్ 2024 పాయింట్ల పట్టికలో 5వ స్థానంలో ఉంది.

ఇదీ చూడండి:- Rohit Sharma: ఇంపాక్ట్ ప్లేయ‌ర్ రూల్‌పై రోహిత్ శ‌ర్మ ఫైర్ - దూబే, సుంద‌ర్ లాంటి ఆల్‌రౌండ‌ర్ల‌కు ప్ర‌మాద‌క‌రం

ఐపీఎల్ 2024 పాయింట్ల పట్టికలో తాజా ర్యాంకింగ్స్ ఇలా ఉన్నాయి.

IPL 2024 latest updates : నాలుగో స్థానంలో ప్యాట్ కమిన్స్ సారథ్యంలోని సన్​రైజర్స్ హైదరాబాద్ ఐపీఎల్ 2024లో రికార్డు స్థాయి ఇన్నింగ్స్ ఆడిన విషయం తెలిసిందే. ఐపీఎల్ 2024 పాయింట్ల పట్టికలో ఆ జట్టుకు 8 పాయింట్లు, పాజిటివ్ ఎన్ఆర్ఆర్ 0.502 ఉన్నాయి. ఫలితంగా.. ఎస్​ఆర్​హెచ్​ 4వ స్థానంలో ఉంది. రుతురాజ్ గైక్వాడ్ సారథ్యంలోని చెన్నై సూపర్ కింగ్స్ 8 పాయింట్లతో పాయింట్ల పట్టికలో మూడో స్థానంలో ఉంది. ఎన్ఆర్ఆర్ +0.726తో కోల్​కతా నైట్ రైడర్స్ (కేకేఆర్) ఇప్పటివరకు ఐపీఎల్ 2024 పాయింట్ల పట్టికలో ఆధిపత్యం చెలాయించింది. 8 పాయింట్లతో ఐపిఎల్ 2024 పాయింట్ల పట్టికలో 2వ స్థానంలో బలంగా ఉంది.

12 పాయింట్లతో రాజస్థాన్​ రాయల్స్​ అగ్రస్థానంలో కొనసాగుతోంది. ఆడిన 7 మ్యాచుల్లో కేవలం ఒక్క మ్యాచ్​లో మాత్రమే ఓడిన ఆ జట్టు.. 0.677 పాజిటివ్ నెట్​ రన్​ రేట్​ను కలిగి ఉంది.

IPL 2024 orange cap lsit : ఇక ఐపీఎల్​ 2024 ఆరెంజ్​ క్యాప్​ విషయానికొస్తే.. ఆర్సీబీ విరాట్​ కోహ్లీ అగ్రస్థానంలో కొనసాగుతున్నాడు. ముంబై ఇండియన్స్​ బుమ్రా పర్పుల్​ క్యాప్​లో టాప్​లో ఉన్నాడు.