IPL 2024 : సిక్స్ల మోత.. రికార్డు రన్ రేట్.. కానీ సెంచరీ నిల్!
06 April 2024, 7:12 IST
Share
- IPL 2024 Early Trends : ఐపీఎల్ 2024లో రికార్డు స్థాయి రన్- రేట్లు నమోదవుతున్నాయి. బ్యాటర్లు సిక్సర్ల మీద సిక్సర్లు బాదుతున్నారు. కానీ ఇప్పటివరకు ఒక్క సెంచరీ కూడా నమోదవ్వలేదు!
ఐపీఎల్ 2024లో పరుగుల వరద..
IPL 2024 analysis : ఐపీఎల్ 2024 దుమ్మురేపుతోంది! ఇండియన్ ప్రీమియర్ లీగ్ 17వ ఎడిషన్లో పరుగల వరద కనిపిస్తోంది. ఇదే కొనసాగితే.. ఐపీఎల్ చరిత్రలోనే ది బెస్ట్ రన్ రేట్ కలిగిన సీజన్గా 17వ ఎడిషన్ నిలుస్తుంది! ఇదంతా.. ఇప్పటివరకు ఒక్క సెంచరీ కూడా నమోదవ్వకుండా జరగడం విశేషం.
రన్ రేట్ సూపరో.. సూపరు..
ఐపీఎల్ 2024 మొదటి 17 మ్యాచ్లను ఎనాలసిస్ చేస్తే.. రికార్డు స్థాయి రన్ రెట్ నమోదైంది. ఈ సీజన్లోని మొదటి 17 మ్యాచ్లలో యావరేజ్ రన్ రేట్ 8.84గా ఉంది. బ్యాటర్ల బాదుడు ఈ విధంగానే కొనసాగితే.. హయ్యెస్ట్ రన్ రేట్ నమోదైన సీజన్గా ఐపీఎల్ 2024 నిలుస్తుంది. 2023 సీజన్లో రనర్ రేట్ 8.5గా ఉంది. ఇప్పటివరకు ఇదే అత్యధికం.
ఇక గత ఐదు ఐపీఎల్ ఎడిషన్స్ని పరిశీలిస్తే.. 2019లో 8.02గా ఉన్న రన్ రేట్.. 2020లో 7.9కి పడింది. 2021లో అయితే మరింత కిందకు పడి 7.62గా నమోదైంది. కానీ ఆ సమయంలో కొవిడ్ సంక్షోభం ఉందని గుర్తుపెట్టుకోవాలి.
IPL 2024 stats in Telugu : ఇక 2022లో రన్ రేట్ మళ్లీ పుంజుకుని 8.04కి చేరింది. 2023లో అది 8.5గా నమోదైంది. ఆసక్తికర విషయం ఏంటంటే.. ఐపీఎల్ 2023లో జరిగిన మొదటి 17 మ్యాచ్లలో రన్ రేట్ 8.95శాతంగా ఉండేది. అంటే ప్రస్తుత సీజన్ కన్నా ఎక్కువే!
ఇదీ చూడండి:- SRH vs CSK Live: ఉప్పల్లో మరో గెలుపు.. చెన్నై సూపర్ కింగ్స్‌ను చిత్తుగా ఓడించిన సన్ రైజర్స్ హైదరాబాద్
సిక్స్ల మోత.. కానీ సెంచరీ నిల్!
ఐపీఎల్ 2024లో ఇప్పటివరకు 312 సిక్స్లు బాదారు. ఏ సీజన్లోనైనా (మొదటి 17 మ్యాచ్లు) ఇదే అత్యధికం. ఐపీఎల్ 2023లో అది 259గా ఉండేది.
ఇక ఐపీల్ చరిత్రలోనే అత్యధిక టోటల్స్ కూడా ఈ సీజన్లోనే నమొదయ్యాయి. ఎస్ఆర్హెచ్ ఏకంగా 277 కొట్టి అందరిని ఆశ్చర్యపరిస్తే.. వారం తిరగకుండానే కేకేఆర్ 272 బాదింది.
IPL score : ఆశ్చర్యకరమైన విషయం ఏంటంటే.. ఐపీఎల్ 2024లో పరుగల ప్రవాహం కనిపిస్తున్నప్పటికీ.. ఇంకా ఒక్క సెంచరీ కూడా నమోదు కాలేదు! వాస్తవానికి ఇది 2023 సీజన్లో కూడా కనిపించింది. ఐపీఎల్ 2023 19వ మ్యాచ్లో తొలి సెంచరీ నమోదైంది. కేకేఆర్పై ఎస్ఆర్హెచ్ బ్యాటర్ హారీ బ్రూక్ సెంచరీ కొట్టాడు.
వాస్తవానికి బ్యాటర్లు సెంచరీల కన్నా స్ట్రైక్ రేట్పై ఎక్కువ ఫోకస్ చేస్తున్నారు. టీ20 ఫార్మాట్కు కట్టుబడి.. వచ్చామా, బాదామా, వెళ్లామా అన్నట్టు ఉంటున్నారు. అందుకే.. సెంచరీలు లేకపోయినా, అత్యధిక పరుగులు రాబడుతున్నారు.
మరి ఐపీఎల్ మిగిలిన మ్యాచ్లలో కూడా ఇదే కొనసాగితే.. 17వ ఎడిషన్లో చాలా రికార్డులు బ్రేక అవ్వడం ఖాయం!