Vivo V40e: 50 ఎంపీ డ్యూయల్ కెమెరా, 3డీ కర్వ్ డ్ అమోలెడ్ డిస్ ప్లే తో వివో వీ40ఈ లాంచ్

చైనీస్ టెక్ దిగ్గజం వివో తన వి 40 సిరీస్ ను భారతదేశంలో విస్తరించింది. తాజాగా, వివో వి 40 ఇ అనే ప్రీమియం మిడ్ రేంజ్ స్మార్ట్ ఫోన్ ను లాంచ్ చేసింది. గతంలో విడుదలైన వివో వీ40, వీ40 ప్రో స్మార్ట్ ఫోన్ ల తరహాలోనే ఇందులో కూడా మీడియాటెక్ డైమెన్సిటీ 7300 ప్రాసెసర్, డ్యూయల్ 50 ఎంపీ రియర్ కెమెరాలు, 5,500 ఎంఏహెచ్ బ్యాటరీ వంటి ప్రత్యేకతలున్నాయి.

వివో వీ40ఈ ధర

వివో వీ40ఈ స్మార్ట్ ఫోన్ 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.28,999 కాగా, 256 జీబీ స్టోరేజ్ వేరియంట్ ధర రూ.30,999 గా ఉంది. మింట్ గ్రీన్, రాయల్ బ్రాంజ్ అనే రెండు కలర్ ఆప్షన్లలో ఈ స్మార్ట్ ఫోన్ వినియోగదారులకు లభిస్తుంది. ఫ్లిప్ కార్ట్, వివో అధికారిక వెబ్సైట్ లో ఇప్పుడు ఈ వివో వి 40 ఇ స్మార్ట్ ఫోన్ ను ప్రీ-ఆర్డర్ చేసుకోవచ్చు. ఈ ఫోన్ అక్టోబర్ 2 నుండి అమ్మకానికి రానుంది. ఆరు నెలల వరకు నో కాస్ట్ ఈఎంఐ ప్లాన్లు, హెచ్డీఎఫ్సీ (HDFC BANK), ఎస్బీఐ (SBI) కార్డుల ద్వారా 10 శాతం డిస్కౌంట్ తో సహా ప్రత్యేక ఆఫర్లను కొనుగోలుదారులు సద్వినియోగం చేసుకోవచ్చు. అదనంగా, ఆన్ లైన్ కస్టమర్లకు ఎక్స్ఛేంజ్ బోనస్ అందుబాటులో ఉంది.

స్పెసిఫికేషన్లు, ఫీచర్లు

ఈ వివో (vivo) వీ40ఈ స్మార్ట్ ఫోన్ 6.77 అంగుళాల ఫుల్ హెచ్ డీ+ 3డీ కర్వ్ డ్ అమోలెడ్ డిస్ ప్లే కలిగిన వివో వీ40ఈ 120 హెర్ట్జ్ రిఫ్రెష్ రేట్, హెచ్ డీఆర్ 10+ కంపాటబిలిటీ, ఎస్ జీఎస్ సర్టిఫైడ్ లో బ్లూ లైట్ ఎమిషన్ తో హై క్వాలిటీ విజువల్ ఎక్స్ పీరియన్స్ ను యూజర్లకు అందిస్తుంది. వెట్ టచ్ కెపాసిటీ దీని ఒక ప్రత్యేకత. తడి చేతులతో కూడా ఫోన్ స్క్రీన్ ను ఉపయోగించవచ్చు. వివో వీ40ఈ స్మార్ట్ఫోన్లో 4ఎన్ఎం మీడియాటెక్ డైమెన్సిటీ 7300 ప్రాసెసర్, 8 జీబీ LPDDR4X ర్యామ్, 256 జీబీ వరకు యూఎఫ్ఎస్ 2.2 ఇంటర్నల్ స్టోరేజ్ ఉన్నాయి. తాజా ఆండ్రాయిడ్ 14 ఆపరేటింగ్ సిస్టంపై రూపొందించిన వివో కస్టమ్ ఫన్ టచ్ ఓఎస్ 14 ఆపరేటింగ్ సిస్టంపై ఈ ఫోన్ పనిచేయనుంది.

50 ఎంపీ డ్యుయల్ కెమెరా

50 మెగాపిక్సెల్ సోనీ ఐఎంఎక్స్ 882 ప్రైమరీ సెన్సార్ విత్ ఆప్టికల్ ఇమేజ్ స్టెబిలైజేషన్ (ois), 8 మెగాపిక్సెల్ అల్ట్రా-వైడ్ లెన్స్తో వి40ఇ డ్యూయల్ రియర్ కెమెరా సెటప్ ను ఈ స్మార్ట్ ఫోన్ లో అందించారు. ఇందులోని అదనపు ఆరా తక్కువ లైట్ ఉన్న పరిస్థితుల్లో మెరుగైన ఫ్లాష్ ను అందిస్తుంది. రియర్ కెమెరా మాదిరిగానే 4కే వీడియోను రికార్డ్ చేయగల 50 మెగాపిక్సెల్ సెల్ఫీ కెమెరాను ఈ ఫోన్ కలిగి ఉంది. ఏఐ ఎరేజర్, ఏఐ ఫోటో ఎన్హాన్సర్ వంటి అధునాతన ఏఐ ఫీచర్లు యూజర్లు ఫొటోలను సులభంగా ఎడిట్ చేసుకోవచ్చు.

5,500 ఎంఏహెచ్ బ్యాటరీ

రోజంతా యూజర్లను యాక్టివ్ గా ఉంచడానికి వివో వీ40ఈలో 80వాట్ ఫ్లాష్ ఛార్జింగ్ టెక్నాలజీతో కూడిన 5,500 ఎంఏహెచ్ బ్యాటరీ ఉంది. కనెక్టివిటీ విషయానికొస్తే, వివో వి 40ఇ డ్యూయల్ 5 జి, 4 జి ఎల్టిఇ, వై-ఫై, జిపిఎస్, బ్లూటూత్ 5.4, ఓటిజి మరియు యుఎస్బి టైప్-సి పోర్ట్తో వస్తుంది. అదనపు భద్రత కోసం, ఫోన్లో ఇన్-డిస్ప్లే ఫింగర్ ప్రింట్ సెన్సార్ ఉంది.