Vivo V40e: త్వరలో భారత్ లో వివో వీ40ఈ స్మార్ట్ ఫోన్ లాంచ్: స్పెసిఫికేషన్లు, ఫీచర్లు ఇవే..

భారతదేశంలో వివో వీ 40 సిరీస్ లాంచ్ తర్వాత, కంపెనీ రాబోయే రోజుల్లో భారత్ లో మరొక మోడల్ వివో వీ 40 ఇ ను విడుదల చేయడానికి సిద్ధంగా ఉంది. గత కొన్ని రోజులుగా రాబోయే వివో స్మార్ట్ ఫోన్ గురించి అనేక లీకులు, పుకార్లు చక్కర్లు కొడుతున్నాయి. అయితే, ఇప్పుడు వివో వీ 40 ఇ త్వరలో భారతదేశంలో లాంచ్ అవుతుందని కంపెనీ అధికారికంగా ధృవీకరించింది. ఈ స్మార్ట్ ఫోన్ లో ఉండనున్న కొన్ని స్పెసిఫికేషన్లు, ఫీచర్లను కూడా వెల్లడించింది.

వివో వి 40 ఇ స్పెసిఫికేషన్లు, ఫీచర్లు

వివో (vivo) రాబోయే వివో వి 40ఇ కోసం ప్రత్యేక మైక్రోసైట్ ను రూపొందించింది. భారతదేశంలో ఈ స్మార్ట్ ఫోన్ అధికారిక లాంచ్ తేదీని ఇంకా ప్రకటించనప్పటికీ, ఈ స్మార్ట్ఫోన్ లోని కొన్ని స్పెసిఫికేషన్లను వివో వెల్లడించింది. ఈ స్మార్ట్ ఫోన్ 0.749 సెంటీమీటర్ల మందం, 183 గ్రాముల బరువుతో స్లిమ్ ప్రొఫైల్ తో వస్తుంది. వివో వీ40ఈ స్మార్ట్ ఫోన్ లో 6.77 అంగుళాల 3డీ కర్వ్డ్ డిస్ప్లే, 120 హెర్ట్జ్ రిఫ్రెష్ రేట్ ఉండనుంది . డ్యూయల్ కెమెరా సెటప్ తో వస్తున్న ఈ స్మార్ట్ ఫోన్ కెమెరా ఫీచర్లను కూడా వివో వెల్లడించింది. వీటిలో ప్రధాన కెమెరా సామర్థ్యం 50 మెగా పిక్సెల్ కాగా, దీంతోపాటు సోనీ ఐఎంఎక్స్ 882 సెన్సార్, 2ఎక్స్ పోర్ట్రెయిట్ మోడ్ కూడా ఇందులో ఉండనున్నాయి. ఇందులో 8 మెగాపిక్సెల్ అల్ట్రావైడ్ కెమెరా, సెల్ఫీల కోసం 50 మెగాపిక్సెల్ ఐ-ఏఎఫ్ కెమెరా కూడా ఉండనుంది.

వివో వి 40ఇ ఇతర ఫీచర్లు

వివో వి 40ఇ స్మార్ట్ ఫోన్ (smartphone) లో 8 జిబి ర్యామ్, 256 జిబి వరకు ఇంటర్నల్ స్టోరేజ్ ఉన్న మీడియాటెక్ డైమెన్సిటీ 7300 చిప్ సెట్ ఉంటుందని పుకార్లు సూచిస్తున్నాయి. అదనంగా, వివో వీ 40 ఇ లో 4500నిట్స్ పీక్ బ్రైట్నెస్ ఉంటుందని భావిస్తున్నారు. కంపెనీ వెబ్సైట్ ప్రకారం, వివో వి 40ఇ రెండు రంగుల్లో లాంచ్ అవుతుంది. అవి రాయల్ బ్రాంజ్, మింట్ గ్రీన్. వివో వీ40ఈ స్మార్ట్ ఫోన్లో 5500 ఎంఏహెచ్ బ్యాటరీ ఉంటుందని కంపెనీ వెల్లడించింది. ఈ స్మార్ట్ ఫోన్ (smart phones launch) 98 గంటల మ్యూజిక్ ప్లేబ్యాక్, 20 గంటల యూట్యూబ్ ప్లేబ్యాక్ ను అందిస్తుందని వివో పేర్కొంది.