Upcoming smartphones in June : జూన్​లో లాంచ్​ అవుతున్న స్మార్ట్​ఫోన్స్​ ఇవే..!

smartphones launch in June : మే నెలలో.. ఇండియా స్మార్ట్​ఫోన్​ మార్కెట్​లోకి పలు ఆకర్షణీయమైన మోడల్స్​ అడుగుపెట్టాయి. ఇక జూన్​లోనూ ఇది కొనసాగనుంది! స్మార్ట్​ఫోన్​ ప్రియులు ఎంతగానో ఎదురుచూస్తున్న పలు ఆసక్తికర స్మార్ట్​ఫోన్స్​.. జూన్​లో లాంచ్​కు సిద్ధమవుతున్నాయి. ఆ వివరాలు..

రియల్​మీ 11 ప్రో సిరీస్​..

రియల్​మ 11 ప్రో సిరీస్​ జూన్​లో 8న ఇండియాలో లాంచ్​ అయ్యే అవకాశాలు ఉన్నాయి. ఈ సిరీస్​లో రియల్​మీ 11 ప్రో, 11 ప్రో ప్లస్​ మోడల్స్​ ఉండనున్నాయి.

ఈ రెండు గ్యాడ్జెట్స్​ ఇప్పటికే చైనాలో లాంచ్​ అయ్యాయి. వీటిల్లో 120హెచ్​జెడ్​ రిఫ్రెష్​ రేట్​తో కూడిన 6.7 ఇంచ్​ ఫుల్​ హెచ్​డీ+ కర్వ్​డ్​ అమోలెడ్​ స్క్రీన్​, డైమెన్సిటీ 7050 ఎస్​ఓసీ, ఎల్​పీడీడీఆర్​4ఎక్స్​ ర్యామ్​, యూఎఫ్​ఎస్​ 3.1 స్టోరేజ్​, 5000ఎంఏహెచ్​ బ్యాటరీ, 100వాట్​ ఫాస్ట్​ ఛార్జింగ్​ సపోర్ట్​, ఆండ్రాయిడ్​ 13 వంటి ఫీచర్స్​ ఉన్నాయి.

11 ప్రోలో 100ఎంపీ ప్రైమరీ, 2ఎంపీ సెకండరీ కెమెరా లెన్స్​లు ఉండనున్నాయి. సెల్ఫీ కోసం 16ఎంపీ కెమెరా వస్తోంది. ఇక 11 ప్రో ప్లస్​లో 200ఎంపీ ప్రైమరీ, 8ఎంపీ అల్ట్రావైడ్​, 2ఎంపీ మాక్రో లెన్స్​లు వస్తున్నాయి. సెల్ఫీ కోసం 32ఎంపీ కెమెరా లభిస్తోంది.

ఐకూ నియో 7 ప్రో..

నియో 7 ప్రో మోడల్​ను ఐకూ సంస్థ జూన్​లో లాంచ్​ చేసే అవకాశం ఉంది. అయితే.. ఈ స్మార్ట్​ఫోన్​కు నియో 8 లేదా నియో 7 రేసింగ్​ ఎడిషన్​ అన్న పేరు పెట్టొచ్చు. ఇందులో స్నాప్​డ్రాగన్​ 8+ జెన్​ 1, 8జీబీ ర్యామ్​, ఆండ్రాయిడ్​ 13, 6.7 ఇంచ్​ అమోలెడ్​ డిస్​ప్లే, 5000ఎంఏహెచ్​ బ్యాటరీ, 120వాట్​ ఫాస్ట్​ ఛార్జింగ్​ వంటివి ఫీచర్స్​గా ఉండొచ్చు. ధర రూ. 30వేలు- రూ. 35వేల మధ్యలో ఉండొచ్చు.

ఇదీ చూడండి:- Tecno Camon 20 series : టెక్నో కామెన్​ 20 సిరీస్​ లాంచ్​.. హైలైట్స్​ ఇవే..!

శామ్​సంగ్​ గెలాక్సీ ఎఫ్​54..

ఇండియాలో శామ్​సంగ్​ గెలాక్సీ సిరీస్​కు మంచి డిమాండ్​ ఉంది. ఈ నేపథ్యంలో గెలాక్సీ ఎఫ్​54ను లాంచ్​ చేసేందుకు సంస్థ ఏర్పాట్లు చేసుకుంటోంది. జూన్​లో ఇది లాంచ్​ అవ్వొచ్చు. ఇందులో 120హెచ్​జెడ్​ రిఫ్రెష్​ రేట్​తో కూడిన 6.7ఇంచ్​ ఫుల్​హెచ్​డీ+ అమోలెడ్​ డిస్​ప్లే, ఎక్సినోస్​ 1380 ఎస్​ఓసీ, 8జీబీ ర్యామ్​, 128జీబీ- 256జీబీ స్టోరేజ్​, 6000ఎంఏహెచ్​ బ్యాటరీ, 25వాట్​ ఫాస్ట్​ ఛార్జింగ్​ సపోర్ట్​, ఆండ్రాయిడ్​ 13 సాఫ్ట్​వేర్​ వంటివి ఉంటాయి. ధర రూ. 27వేల వరకు ఉండొచ్చు.

ఒప్పో రెనో 10 సిరీస్​..

Upcoming smartphones in June : ఒప్పో రెనో 10 సిరీస్​.. చైనాలో లాంచ్​ అయ్యింది. ఇక జూన్​ చివరి నాటికి ఇండియాలోకి అడుగుపెట్టనుంది! ఇందులో రెనో 10, 10 ప్రో, 10 ప్రో ప్లస్​ వంటి స్మార్ట్​ఫోన్స్​ ఉండనున్నాయి. వీటిల్లో స్నాప్​డ్రాగన్​ 778జీ, స్నాప్​డ్రాగన్​ 8+ జెన్​ 1 చిప్​సెట్స్​ ఉంటాయని తెలుస్తోంది.

వన్​ప్లస్​ నార్డ్​ 3..

స్మార్ట్​ఫోన్​ ప్రియులు ఎంతగానో ఎదురుచూస్తున్న వన్​ప్లస్​ నార్డ్​ 3 ఫోన్​.. జూన్​లో లాంచ్​కానుంది. లాంచ్​డేట్​పై ఇంకా అధికారిక ప్రకటన రాలేదు. కానీ జూన్​లోనే దీని లాంచ్​ ఉంటుందని తెలుస్తోంది. చైనాలోని ఏస్​ 2వీని రిబ్రాండ్​ చేసి ఇండియాలో నార్డ్​ 3గా లాంచ్​ చేస్తారని సమాచారం. దీని ధర రూ. 35వేల వరకు ఉండొచ్చు. ఇందులో 120హెచ్​జెడ్​ రిఫ్రెష్​ రేట్​తో కూడిన 6.74 ఇంచ్​ ఫుల్​ హెచ్​డీ+ అమోలెడ్​ స్క్రీన్​, 64ఎంపీ ప్రైమరీ కెమెరా, డైమెన్సిటీ 9000 ఎస్​ఓసీ, 5000ఎంఏహెచ్​ బ్యాటరీ, 80వాట్​ ఫాస్ట్​ ఛార్జింగ్​ వంటి ఫీచర్స్​ ఉండొచ్చు.