Tata Punch facelift : టెస్ట్​ రన్​ దశలో టాటా పంచ్​ ఫేస్​లిఫ్ట్​.. లాంచ్​ ఎప్పుడు?

Tata Punch facelift 2024 launch date : ఇండియాలో బెస్ట్​ సెల్లింగ్​ ఎస్​యూవీగా ఉన్న టాటా పంచ్​కి ఫేస్​లిఫ్ట్​ వర్షెన్​ని తీసుకొస్తోంది టాటా మోటార్స్​. ఈ విషయంపై కొన్ని నెలలుగా బజ్​ నెలకొంది. ఇక ఇప్పుడు.. ఈ టాటా పంచ్​ ఫేస్​లిఫ్ట్​పై కీలక అప్డేట్​ బయటకి వచ్చింది. ఫేస్​లిఫ్ట్​ వర్షెన్​కి చెందిన ప్రోటోటైప్​ మోడల్​.. టెస్ట్​ డ్రైవ్​ చేస్తూ కనిపించింది! ఈ నేపథ్యంలో.. ఈ మోడల్​పై ఇప్పటివరకు ఉన్న వివరాలను ఇక్కడ తెలుసుకుందాము..

టాటా పంచ్​ ఫేస్​లిఫ్ట్​- ఈ విషయాలు తెలుసుకోండి..

2021 అక్టోబర్​లో టాటా పంచ్​ని లాంచ్​ చేసింది దిగ్గజ ఆటోమొబైల్​ సంస్థ టాటా మోటార్స్​. ఈ మైక్రో- ఎస్​యూవీ.. వెంటనే సూపర్​ హిట్​ అయిపోయింది. టాటా మోటార్స్​కు బెస్ట్​ సెల్లింగ్​గా నిలిచింది. గత నెలలో.. టాటా నెక్సాన్​ని వెనక్కి నెట్టి మరీ.. బెస్ట్​ సెల్లింగ్​ ఎస్​యూవీల్లో మొదటి స్థానాన్ని సంపాదించుకుంది.

ఈ నేపథ్యంలో.. టాటా పంచ్​ ఫేస్​లిఫ్ట్​పై అంచనాలు మరింత పెరిగాయి. దీని డిజైన్​ ఎలా ఉంటుంది? అని అందరు ఆసక్తిగా ఎదురుచూస్తున్నారు. ఇటీవలే లాంచ్​ అయిన టాటా పంచ్​ ఈవీ డిజైన్​ అదిరిపోయింది! ఈవీ వర్షెన్​ డిజైన్​నే.. సంస్థ టాటా పంచ్​ ఐసీఈ ఇంజిన్​ ఫేస్​లిఫ్ట్​కి కూడా వాడుతున్నట్టు టాక్​ నడుస్తోంది. లుక్స్​ షార్ప్​గా, బోల్డ్​గా ఉంటాయని సమాచారం.

Tata Punch facelift launch date : అయితే.. ఎలక్ట్రిక్​ వర్షెన్​లో ఉన్నట్టు.. ఐసీఈ పవర్డ్​ ఇంజిన్​ మోడల్​లో.. ఫుల్​ విడ్త్​ ఎల్​ఈడీ లైట్​ బార్​ ఉండకపోవచ్చని తెలుస్తోంది. టెస్ట్​ రన్​ దశలో కనిపించిన టాటా పంచ్​లో అలాయ్​ వీల్స్​ డిజైన్​ కొత్తగా కనిపిస్తున్నాయి.

ఇక టాటా పంచ్​ ఎస్​యూవీ ఫేస్​లిఫ్ట్​ ఇంటీరియర్​లో చాలా కొత్త ఫీచర్స్​ ఉంటాయని, ఇవి.. టాటా పంచ్​ ఈవీకి భిన్నంగా ఉంటాయని టాటా మోటార్స్​ ఇప్పటికే స్పష్టం చేసింది. టాటా నెక్సన్​, టాటా నెక్సాన్​ ఈవీ ఎక్విప్​మెంట్స్​ విషయంలోనూ ఇదే జరిగింది!

ఈవీ వర్షెన్​లోని కొన్ని ఫీచర్స్​ ఉన్నప్పటికీ.. ఐసీఈ ఇంజిన్​లో మరిన్న అడ్వాన్స్​డ్​ ఫీచర్స్​ వస్తాయని టాక్​ నడుస్తోంది.

టాటా పంచ్​ ఫేస్​లిఫ్ట్​- లాంచ్​ ఎప్పుడు?

Tata Punch facelift 2024 price : ప్రస్తుతం ఉన్న టాటా పంచ్​కి, టాటా పంచ్​ ఫేస్​లిఫ్ట్​కి మధ్య ఇంజిన్​ విషయంలో మార్పు కనిపించకపోవచ్చు. ప్రస్తుతం ఉన్న ఎస్​యూవీలో.. 1.2 లీటర్​, 3 సిలిండర్​, నేచురల్లీ ఆస్పిరేటెడ్​ పెట్రోల్​ ఇంజిన్​ ఉంటుంది. ఇది.. 86 బీహెచ్​పీ పవర్​ని, 113 ఎన్​ఎం టార్క్​ని జనరేట్​ చేస్తుంది. ఇందులో 5 స్పీడ్​ మేన్యువల్​, 5 స్పీడ్​ ఏఎంటీ గేర్​బాక్స్​ ఉంటుంది.

ఈ టాటా పంచ్​కి సీఎన్​జీ వేరియంట్​ కూడా ఉంది. ఇంకా చెప్పాలంటే.. ఐసీఈ, ఎలక్ట్రిక్​, సీఎన్​జీ వేరియంట్లు ఉన్న ఏకైక మోడల్​.. టాటా పంచ్​ ఎస్​యూవీ.

ఇక.. ఈ టాటా పంచ్​ ఫేస్​లిఫ్ట్​.. 2025 మధ్యలో లాంచ్​ అవ్వొచ్చని టాక్​ నడుస్తోంది. దీనిపై సంస్థ ఇంకా అధికారిక ప్రకటన చేయలేదు.

కాగా.. సబ్​- కాంపాక్ట్​ ఎస్​యూవీలోని హ్యుందాయ్​ ఎక్స్​టర్​, సిట్రోయెన్​ సీ3కి.. ఇప్పటికే బీభత్సమైన పోటీని ఇస్తోంది టాటా పంచ్​. ఫేస్​లిఫ్ట్​ వర్షెన్​ కూడా.. అంచనాలు తగ్గతని మార్కెట్​ వర్గాలు భావిస్తున్నాయి.