Tata Motors EV milestone : ఈవీ సెగ్మెంట్లో 'టాటా' హవా.. 50వేల కార్లు డెలివరీ!
30 December 2022, 7:55 IST
Share
- Tata Motors EV milestone : ఈవీ సెగ్మెంట్లో మరో మైలురాయిని అందుకుంది టాటా మోటార్స్. 50,000వ కారును డెలివరీ చేసింది.
50000వ టాటా ఈవీ కారును అందుకున్న సంస్థ ఛైర్మన్ ఎన్. చంద్రశేఖరన్
Tata Motors EV milestone : దేశంలోని ఎలక్ట్రిక్ వాహనాల సెగ్మెంట్లో టాటా మోటార్స్ హవా కొనసాగుతోంది! ఈ పరిశ్రమకు సంబంధించి.. అధిక మార్కెట్ షేరు కలిగి ఉన్న టాటా మోటార్స్, తాజాగా 50,000వ ఈవీని విక్రయించింది. టాటా నెక్సాన్ ఈవీకి సంబంధించిన ఈ వెహికిల్ను.. టాటా గ్రూప్ ఛైర్మన్ ఎన్. చంద్రశేఖరన్ అందుకున్నారు. ఈ విషయాన్ని ఈ దేశీయ దిగ్గజ ఆటో సంస్థ.. సోషల్ మీడియా ద్వారా వెల్లడించింది.
టాటా మోటార్స్కు సంబంధించి దేశంలో ప్రస్తుతం మూడు ఈవీలు ఉన్నాయి. అవి నెక్సాన్ ఈవీ, టిగోర్ ఈవీ, టియాగో ఈవీ. నెక్సాన్ ఈవీ రెండు వేరింట్లలో అందుబాటులో ఉంది. అవి.. నెక్సాన్ ఈవీ మ్యాక్స్, నెక్సాన్ ఈవీ ప్రైమ్.
Tata Nexon EV sales : టాటా మోటార్స్కు సంబంధించి.. బెస్ట్ సెల్లింగ్ ఎలక్ట్రిక్ వెహికిల్గా గుర్తింపు తెచ్చుకుంది నెక్సాన్ ఈవీ. అంతేకాకుండా.. ఇండియాలోనే టాప్ సెల్లింగ్ మోడల్గానూ పేరు సంపాదించుకుంది. దీని బట్టి.. ఈ నెక్సాన్ ఈవీకి ఎంత డిమాండ్ ఉందో అర్థం చేసుకోవచ్చు. ఎంజీ జెడ్ఎస్ ఈవీ, హ్యుందాయ్ కోనా ఈవీలకి గట్టి పోటీనిస్తోంది ఈ టాటా నెక్సాన్ ఈవీ. వాస్తవానికి.. నెక్సాన్ ఈవీతోనే ఎలక్ట్రిక్ వెహికిల్ సెగ్మెంట్లో బలమైన పట్టు సాధించగలిగింది టాటా మోటార్స్.
How to select the best Electric car : ది బెస్ట్ ఈవీని ఎంచుకోవడం ఎలా? అనే విషయం తెలుసుకునేందుకు ఇక్కడ క్లిక్ చేయండి.
టాటా నెక్సాన్ ఈవీ మ్యాక్స్ను ఒక్కసారి ఛార్జ్ చేస్తే.. 437కి.మీల దూరం ప్రయాణించగలదు. ఇందులో 40.5కేడబ్ల్యూహెచ్ బ్యాటరీ ప్యాక్ ఉంటుంది. ఈ ఏడాది మేలోనే దీనిని లాంచ్ చేసింది టాటా మోటార్స్. దీని ధర రూ. 17.74లక్షలు- రూ. 19.24లక్షలు(ఎక్స్షోరూం ప్రైజ్) మధ్యలో ఉంటుంది. నెక్సాన్ ఈవీకి హైఎండ్ మోడలే ఈ నెక్సాన్ ఈవీ మ్యాక్స్. నెక్సాన్ ఈవీ ప్రైమ్ అనేది లోయర్ వేరియంట్గా గుర్తింపు తెచ్చుకుంది.
Tata Motors EV sales : ఇక నెక్సాన్ ఈవీ గ్రాండ్ సక్సెస్ అవ్వడంతో.. టాటా మోటర్స్ వెనుదిరిగి చూసుకోలేదు! వెంటవెంటనే కొత్త కొత్త మోడల్స్ను లాంచ్ చేసింది. ఈ క్రమంలోనే టిగోర్ ఈవీ, టియాగో ఈవీ మార్కెట్లోకి వచ్చాయి. ఈ రెండింటికి ఓ ప్రత్యేకత కూడా ఉంది. దేశంలో లభిస్తున్న అత్యంత చౌకైన ఎలక్ట్రిక్ వాహనాలుగా ఈ రెండు గుర్తింపు తెచ్చుకోవడం విశేషం.
టాటా పంచ్ ఈవీ కూడా..!
Tata Punch EV : ఈవీ సెగ్మెంట్లో దూకుడు ప్రదర్శిస్తున్న టాటా మోటార్స్.. మరో ఎలక్ట్రిక్ వాహనాన్ని లాంచ్ చేసేందుకు ఏర్పాట్లు చేస్తోంది. ఏడాది క్రితం లాంచ్ అయిన టాటా పంచ్కు ఎలక్ట్రిక్ వర్షెన్ను తీసుకొస్తున్నట్టు ప్రకటించింది ఈ దిగ్గజ ఆటో సంస్థ. 2023 రెండో భాగంలో లాంచ్ అయ్యే అవకాశం ఉందని మార్కెట్లో అంచనాలు ఉన్నాయి. పూర్తి వివరాల కోసం ఇక్కడ క్లిక్ చేయండి.