How to choose best electric car : ది బెస్ట్​ ఎలక్ట్రిక్​ కారును ఎంచుకోవడం ఎలా?

How to choose the best electric car : దేశంలో ఎలక్ట్రిక్​ వాహనాల రంగం రూపురేఖలు.. కొన్ని నెలల్లోనే పూర్తిగా మారిపోయాయి. ఒకప్పుడైతే.. ఒకటో, రెండో ఈవీలు ఉండేవి. కానీ ఇప్పుడు.. ఈ రంగంపై పట్టు సాధించే క్రమంలో.. ఆటో సంస్థలు ఎన్నో ఈవీ మోడల్స్​ను లాంచ్​ చేసేశాయి. రానున్న కాలంలో మరెన్నో ఈవీలు రోడ్ల మీద చక్కర్లు కొట్టనున్నాయి. అంతా బాగానే ఉంది కానీ.. ఇన్ని అప్షన్స్​లో.. మన అవసరాలకు తగ్గట్టుగా ఉండే మంచి ఎలక్ట్రిక్​ వాహనాన్ని ఎంచుకోవడం ఎలా? ఎలక్ట్రిక్​ వెహికిల్​ను తీసుకునే ముందు.. ఎలాంటి అంశాలను పరిగణలోకి తీసుకోవాలో ఇప్పుడు చూద్దాం..

ఛార్జింగ్​ ఫెసిలిటీ..

ఎలక్ట్రిక్​ వాహనాలను తీసుకునేటప్పుడు.. చూడాల్సిన కొన్ని కీలక అంశాల్లో ఛార్జింగ్​ ఇన్​ఫ్రాస్ట్రక్చర్​ ఒకటి. ఇంటికి దగ్గర్లో ఛార్జింగ్​ స్టేషన్స్​ ఉన్నాయా? ఉంటే.. ఎన్ని ఉన్నాయి? అన్నవి తెలుసుకోవాలి. అయితే.. కారును ఎక్కువ సేపు ఎక్కడ ఉంచుతామో.. అక్కడే ఛార్జింగ్​ ఫెసిలిటీ కూడా ఉంటే బాగుటుంది. ఛార్జింగ్​ స్టేషన్లతోనే పని జరగాలంటే.. అవి ఫాస్ట్​ ఛార్జింగ్​కు సపోర్ట్​ చేయాల్సి ఉంటుందని గుర్తుపెట్టుకోవాలి. లేకపోతే.. మనకున్న పనులను పక్కనపెట్టి.. కేవలం ఛార్జింగ్​ స్టేషన్లలోనే ఎక్కువ సమయం గడపాల్సి వస్తుంది. అదే.. ఇంట్లోనే ఛార్జింగ్​ ఫెసిలిటీ ఉంటే.. స్లో ఛార్జింగ్​ ఉన్నా పెద్దగా ఇబ్బందులు ఉండవు.

రేంజ్​..

Electric vehicles in India : ఎలక్ట్రిక్​ వాహనాల్లో మరో కీలక విషయం 'రేంజ్​'. సిటీలోనే నిత్యం తిరిగే కస్టమర్లు.. తక్కువ రేంజ్​ ఉన్న ఈవీలను ఎంచుకోవచ్చు. ఇంటి దగ్గరే ఛార్జింగ్​ చేసుకోవచ్చు కాబట్టి.. అప్​ అండ్​ డౌన్​కు సరిపోతుంది. కానీ దూర ప్రయాణాలు చేయాలని భావించే వారికి మాత్రం.. ఈవీ డ్రైవింగ్​ రేంజ్​ ఎక్కువగానే ఉండాలి. ఇది ఖర్చుతో కూడుకున్న వ్యవహారమే.

మార్కెట్​లో.. ది మోస్ట్​ అఫార్డిబుల్​ ఎలక్ట్రిక్​ వాహనాల లిస్ట్​ను తెలుసుకునేందుకు ఇక్కడ క్లిక్​ చేయండి.

ఈవీ టైప్​..

ప్రస్తుతం.. ఇండియాలో ఉన్న ట్రెండ్​ ప్రకారం.. కస్టమర్లు సెడాన్​, హ్యాచ్​బ్యాక్​ కన్నా ఎస్​యూవీలవైపే మొగ్గుచూపుతున్నారు. అందుకు తగ్గట్టుగానే.. సెడాన్​, హ్యాచ్​బ్యాక్​తో పోల్చుకుంటే.. ఎలక్ట్రిక్​ ఎస్​యూవీల ధరలు ఎక్కువగా ఉంటాయి. ప్రీమియం సెగ్మెంట్​లో అందుబాటులో ఉన్న ఈవీలు కూడా మార్కెట్​లో ఉన్నాయి. ప్రీమియం సెగ్మెంట్​ కార్లతో.. డ్రైవింగ్​ రేంజ్​ కూడా పెరుగుతుంది.

ఎలక్ట్రిక్​ వెహికిల ధర..

Electric vehicle prices in India : ఇండియాలో.. ప్రస్తుతం అత్యంత తక్కువ ధరకు దొరుకుతున్న వాహనం.. టాటా టియాగో ఈవీ. దీని ఎక్స్​షోరూం ధర.. ప్రస్తుతం రూ. 8.49లక్షలుగా ఉంది. కానీ ఇది కేవలం నగరంలో ప్రయాణాలకు మాత్రమే పనికొస్తుంది! దూర ప్రయాణాలు చేయాలని భావించే కస్టమర్లు.. టాటా నెక్సాన్​ ఈవీ మ్యాక్స్​ తరహా వాహనాలను ఎంచుకోవడం ఉత్తమం. టాటా నెక్సాన్​ ఈవీ మ్యాక్స్​ ఎక్స్​షోరూం ధర రూ. 18.34లక్షలుగా ఉంది.

ఇండియాలో ఈవీ మార్కెట్​కు బంగారు భవిష్యత్తు ఉందని అంచనాలు ఉన్నాయి. అందుకు తగ్గట్టుగానే ఆటో సంస్థల మధ్య పోటీ.. రోజురోజుకు పెరుగుతోంది. అదే సమయంలో ధరలు కూడా దిగొస్తున్నాయి. పైన చెప్పిన టిప్స్​ పాటించి.. మీ అవసరాలకు తగ్గట్టుగా.. సరైన ఎలక్ట్రిక్​ వాహనాన్ని ఎంపిక చేసుకోండి.