Stocks to buy today : ట్రేడర్స్​ అలర్ట్​- నేడు ఈ 3 స్టాక్స్​పై ఫోకస్​ చేయండి!

Stocks to buy today : దేశీయ స్టాక్​ మార్కెట్​లు గురువారం ట్రేడింగ్​ సెషన్​ని నష్టాల్లో ముగించాయి. బీఎస్​ఈ సెన్సెక్స్​ 151 పాయింట్లు పడి 82,201 వద్ద స్థిరపడింది. నిఫ్టీ50.. 54 పాయింట్లు పడి 25,145 వద్ద సెషన్​ని ముగించింది. బ్యాంక్​ నిఫ్టీ మాత్రం 73 పాయింట్లు పెరిగి 51,473 వద్దకు చేరింది.

నిఫ్టీ డైలీ క్యాండిల్​లో చిన్న నెగిటివ్​ క్యాండిల్​ ఏర్పడింది. అంతకు ముందు ట్రేడింగ్​ సెషన్​లోని హై ఇప్పుడు రెసిస్టెన్స్​గా పనిచేసింది.

"సాంకేతికంగా, ఈ నమూనా సుమారు 25,250 - 25,300 స్థాయిల వద్ద రెసిస్టెన్స్​ని అధిగమించడానికి మార్కెట్​లో బలం లేకపోవడాన్ని సూచిస్తుంది. అందువల్ల, భవిష్యత్తులో మార్కెట్​లో మరింత కన్సాలిడేషన్ ఆశించవచ్చు. నిఫ్టీ స్వల్పకాలిక ట్రెండ్ బలహీనంగా కొనసాగుతోంది,'' అని హెచ్​డీఎఫ్​సీ సెక్యూరిటీస్ సీనియర్ టెక్నికల్ రీసెర్చ్ అనలిస్ట్ నాగరాజ్ శెట్టి అన్నారు.

ఇదీ చూడండి:- Penny Stock : ఈ పెన్నీ స్టాక్‌ రెండ్రోజుల్లో 32 శాతం పెరిగింది.. ధర రూ.13.90

ఎఫ్​ఐఐలు.. డీఐఐలు..

గురువారం ట్రేడింగ్​ సెషన్​లో ఎఫ్​ఐఐలు రూ. 688.69 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 2970.74 కోట్లు విలువ చేసే షేర్లను కొనుగోలు చేశారు.

ఇక దేశీయ స్టాక్​ మార్కెట్​లు.. శుక్రవారం ట్రేడింగ్​ సెషన్​ని నష్టాల్లో ప్రారంభించే అవకాశం ఉంది. గిఫ్ట్​ నిఫ్టీ దాదాపు 80 పాయింట్ల నష్టంలో ఉండటం ఇందుకు కారణం.

అమెరికా స్టాక్​ మార్కెట్​లు..

గురువారం ట్రేడింగ్​ సెషన్​లో అమెరికా స్టాక్​ మార్కెట్​లు ఫ్లాట్​గా ముగిశాయి. డౌ జోన్స్​ 0.54శాతం పడింది. ఎస్​ అండ్​ పీ 500​ 0.3శాతం పడింది. టెక్​ ఇండెక్స్​ నాస్​డాక్​ 0.5 శాతం పెరిగింది.

మరోవైపు ఆసియా మార్కెట్​లు ఫ్లాట్​- మైల్డ్​ నెగిటివ్​ రేంజ్​లో ట్రేడ్​ అవుతున్నాయి.

స్టాక్స్​ టు బై..

ఎక్సైడ్ ఇండస్ట్రీస్ లిమిటెడ్ (ఎక్సైడ్): రూ.495 వద్ద కొనండి. రూ.520 టార్గెట్.. రూ.485 వద్ద స్టాప్ లాస్.

ఇండియన్ ఆయిల్ కార్పొరేషన్ లిమిటెడ్ (ఐఓసీ): రూ.181కే కొనండి. రూ.186 టార్గెట్.. రూ.177 వద్ద స్టాప్ లాస్​.

కన్సాయ్ నెరోలాక్ పెయింట్స్ లిమిటెడ్ (కాన్సాయ్): రూ.310 వద్ద కొనండి. రూ.330 టార్గెట్.. స్టాప్ లాస్ రూ.298.

(గమనిక:- ఇవి నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ తీసుకునే ముందు ట్రేడర్లకు సొంతంగా ఎనాలసిస్​ ఉండటం శ్రేయస్కరం.)