Sovereign Gold Bond : సావరిన్​ గోల్డ్​ బాండ్​ సబ్​స్క్రిప్షన్​ షురూ.. ఇన్​వెస్ట్​ చేయాలా?

Sovereign Gold Bond subscription : 2023-24 ఆర్థిక ఏడాదికి సంబంధించిన సావరిన్​ గోల్డ్​ బాండ్​ (ఎస్​జీబీ) సిరీస్​ 3పై కీలక అప్డేట్​! ఈ ఎస్​జీబీ సబ్​స్క్రిప్షన్​.. సోమవారం మొదలైంది. సబ్​స్క్రిప్షన్​ విండో ఈ నెల 22 వరకు ఓపెన్​గా ఉండనుంది. 2023లో బంగారం ధరలు 10శాతం కన్నా ఎక్కువ పెరిగిన తరుణంలో.. సావరిన్​ గోల్డ్​ బాండ్​కు మంచి డిమాండ్​ కనిపిస్తుందని అధికారులు అభిప్రాయపడుతున్నారు.

సావరిన్​ గోల్డ్​ బాండ్​ ఇష్యూ ప్రైజ్​ గ్రాముకు రూ. 6,199గా ఉంది. దీనిపై ఆర్​బీఐ ప్రకటన చేయాల్సి ఉంది. సబ్​స్క్రిప్షన్​ మొదలయ్యే వారానికి చివరి మూడు వర్కింగ్​ డేస్​లో.. 999ప్యూరిటీతో కూడిన బంగారం ధరను యావరేజ్​ చేసి.. ఇష్యూ ప్రైజ్​ను ఫిక్స్​ చేస్తారు.

సావరిన్​ గోల్డ్​ బాండ్​తో ప్రయోజనం ఉందా?

Sovereign gold bond interest rate బంగారం ధర పెరిగినట్టే బాండ్ విలువ పెరుగుతూ ఉంటుంది. అలాగే వడ్డీకి వడ్డీ కూడా వస్తుంది. 2.5 శాతం వడ్డీ రేటుతో ఏటా వడ్డీ ఆదాయం పొందవచ్చు.

మెచ్యూరిటీ వరకు కొనసాగిస్తే కాపిటల్ గెయిన్స్ టాక్స్ నుంచి మినహాయింపు ఉంటుంది. కేంద్ర ప్రభుత్వం జారీ చేసే బాండ్లు కావడంతో మీ అసలు సొమ్ముకు ఎలాంటి ఢోకా ఉండదు.

ఫిజికల్‌గా బంగారం కొంటే ఉండే దొంగల భయం కూడా ఉండదు. లాకర్‌లో పెట్టేందుకు అయ్యే ఖర్చు కూడా తప్పుతుంది.

ఇప్పుడు ఇన్​వెస్ట్​ చేయొచ్చా?

Sovereign Gold Bond issue price : "ఎస్​జీబీలో ఇన్​వెస్ట్​మెంట్​ మంచి ఆప్షన్​ అవుతుంది. బంగారం వినియోగంలో ఇండియా అగ్రస్థానంలో ఉంది. అందుకే.. పసిడికి డిమాండ్​ తగ్గదు. ఇది.. బాండ్స్​కి మంచి విషయం. ఇన్​వెస్ట్​మెంట్​ పోర్ట్​ఫోలియో కూడా డైవర్సిఫైడ్​గా ఉంది. సావరిన్​ గోల్డ్​ బాండ్​ రికార్డు కూడా మెరుగ్గానే ఉంది. మంచి రిటర్నులు వస్తాయి," అని ఎస్​బీఐ సెక్యూరిటీస్​కి చెందిన సీబీఓ సురేశ్​ శుక్లా తెలిపారు.

"దీర్ఘకాలంలో గోల్డ్​తో మంచి రిటర్నులు వస్తాయి. ఇందులో సందేహం లేదు. ఇన్​ఫ్లేషన్​ని ఓడించే రిటర్నులు కూడా పొందొచ్చు. అందుకే.. బంగారంలో పెట్టుబడి అంటే.. సావరిన్​ గోల్డ్​ బాండ్స్​ మంచి ఆప్షన్​ అవుతాయి. మెచ్యూరిటీ వరకు హోల్డ్​ చేస్తే మంచి లాభాలు చూడొచ్చు," అని మైవెల్త్​గ్రోత్​.కామ్​ కో-ఫౌండర్​ హర్షద్​ చేతన్​వాలా అభిప్రాయపడ్డారు.

Sovereign gold bond scheme 2023 : ఇన్​వెస్ట్​మెంట్​కు గోల్డ్​ అనేది ఒక మంచి ఆప్షన్​. అయితే భారతీయుల్లో చాలా మంది ఫిజికల్​ గోల్డ్​ను కొంటుంటారు. అది ఇన్​వెస్ట్​మెంట్​కు అంత సరైనది కాదు. ఈ నేపథ్యంలో ఫిజికల్​ గోల్డ్​కు డిమాండ్​ను తగ్గించేందుకు.. ఈ సావరిన్​ గోల్డ్​ బాండ్​ స్కీమ్​ను 2015 నవంబర్​లో ప్రవేశపెట్టింది కేంద్రం.