Redmi 13C : అదిరిపోయే ఫీచర్స్​తో రెడ్​మీ 13సీ.. త్వరలోనే లాంచ్​!

Redmi 13C : అంతర్జాతీయ మార్కెట్​లో.. వరుస స్మార్ట్​ఫోన్స్​ లాంచ్​కు సిద్ధమవుతోంది రెడ్​మీ సంస్థ. వీటిల్లో.. రెడ్​మీ 13సీపై సర్వత్రా ఆసక్తి నెలకొంది. అందుకు తగ్గట్టుగానే.. ఈ గ్యాడ్జెట్​కు సంబంధించిన కొన్ని ఫీచర్స్​ ఇటీవలే లీక్​ అయ్యాయి. ఇక ఇప్పుడు.. ఈ మోడల్​కి చెందిన ఫొటోలను రెడ్​మీ సంస్థ అధికారికంగా రివీల్​ చేసింది. ఆ విశేషాలు..

రెడ్​మీ 13సీ విశేషాలు..

"రెడ్​మీ 13సీ వచ్చేస్తోంది. చాలా కలర్​ ఆప్షన్స్​ ఇందులో ఉంటాయి. స్టైల్​ ఫ్రెష్​గా ఉంటుంది. పర్ఫార్మెన్స్​ స్టేబుల్​గా ఉంటుంది. స్క్రీన్​ స్మూత్​గా ఉంటుంది," అని ట్విట్టర్​లో పోస్ట్​ చేసింది ఈ ప్రముఖ స్మార్ట్​ఫోన్​ తయారీ సంస్థ.

Redmi 13C launch date in India : రెడ్​మీ రివీల్​ చేసిన రెడ్​మీ 13సీ స్మార్ట్​ఫోన్​ రేర్​, ఫ్రెంట్​ ప్యానెల్స్​ కనిపిస్తున్నాయి. ఫ్రెంట్​లో వాటర్​ డ్రాప్​ నాచ్​ కెమెరా డిజైన్​ ఉంటుంది. రేర్​లో బ్లాక్​, బ్లూ, లైట్​ గ్రీన్​, లైట్​ బ్లూ షేడ్​ కలర్​ ఆప్షన్స్​ వస్తున్నాయి. పోకో ఎఫ్​5లోని స్నోస్టార్మ్​ కలర్​ను ఈ బ్లూ షేడ్​ గుర్తుచేస్తోంది.

రెడ్​మీ 13సీపై వచ్చిన లీక్స్​ ప్రకారం.. ఈ మొబైల్​లో 6.59 ఇంచ్​ ఫుల్​ హెచ్​డీ+ ఐపీఎస్​ డిస్​ప్లే ఉంటుంది. 90హెచ్​జెడ్​ రిఫ్రెష్​ రేట్​తో వస్తోంది. ఇక ఈ మోడల్​ రైర్​లో 50ఎంపీ ప్రైమరీ, 8ఎంపీ అల్ట్రా-వైడ్​, 2ఎంపీ డెప్త్​ సెన్సార్​తో కూడిన ట్రిపుల్​ కెమెరా సెటప్​ వస్తోంది. సెల్ఫీ, వీడియో కాల్స్​ కోసం ఇందులో 8ఎంపీ ఫ్రెంట్​ కెమెరా వస్తుందని తెలుస్తోంది.

ఇదీ చూడండి:- Redmi Note 13 Pro+ : 200ఎంపీ కెమెరాతో.. రెడ్​మీ నోట్​ 13 ప్రో+

Redmi 13C release date : ఇక ఈ రెడ్​మీ 13సీలో హీలియో జీ85 ప్రాసెసర్​ ఉంటుంది. 8జీబీ ర్యామ్​- 256జీబీ స్టోరేజ్​ దీని సొంతం. మైక్రోఎస్​డీ కార్డు స్లాట్​ కూడా వస్తుండటం హైలైట్​! ఆండ్రాయిడ్​ 13 అధారిత ఎంఐయూఐ ఆపరేటింగ్​ సిస్టెమ్​పై ఈ మోడల్​ పనిచేస్తుంది. 5000ఎంఏహెచ్​ బ్యాటరీ, 18వాట్​ ఛార్జింగ్​ సపోర్ట్​, యూఎస్​బీ టైప్​ సీ పోర్ట్​ వంటివి ఇందులో భాగం.

Redmi 13C price in India : కాగా.. ఈ రెడ్​మీ 13సీ లాంచ్​ డేట్​పై ప్రస్తుతం క్లారిటీ లేదు. కానీ, త్వరలోనే ఈ మోడల్​ మార్కెట్​లోకి అందుబాటులోకి వస్తుందని మార్కెట్​ వర్గాలు భావిస్తున్నాయి. లాంచ్​ డేట్​ దగ్గర పడే కొద్దీ.. ఈ మోడల్​కు చెందిన ఇతర ఫీచర్స్​, ధర వంటి వివరాలపై ఓ క్లారిటీ వస్తుంది.