Redmi Note 13 Pro+ : 200ఎంపీ కెమెరాతో.. రెడ్​మీ నోట్​ 13 ప్రో+

Redmi Note 13 Pro+ : రెడ్​మీ నోట్​ 13 సిరీస్​ను ఇటీవలే చైనాలో లాంచ్​ చేసింది దిగ్గజ స్మార్ట్​ఫోన్​ తయారీ సంస్థ షావోమీ. రెడ్​మీ నోట్​ 12 సిరీస్​కు ఇది సక్సెసర్​గా వస్తోంది. ఇందులో స్టాండర్డ్​, ప్రో, ప్రో+ వేరియంట్లు ఉన్నాయి. వీటిల్లో టాప్​ ఎండ్​ మోడల్​.. రెడ్​మీ నోట్​ 13 ప్రో ప్లస్​కు మంచి డిమాండ్​ కనిపిస్తోంది. ఈ నేపథ్యంలో ఈ గ్యాడ్జెట్​ ఫీచర్స్​, ధర వంటి వివరాలను ఇక్కడ తెలుసుకుందాము..

రెడ్​మీ నోట్​ 13 ప్రో+ ఫీచర్స్​..

ఈ మొబైల్​లో 120 హెచ్​జెడ్​ రిఫ్రెష్​ రేట్​తో కూడిన 6.67 ఇంచ్​ కర్వ్​డ్​ అమోలెడ్​ డిస్​ప్లే ఉంటుంది. సెటర్​ అలైన్డ్​ పంచ్​ హోల్​ కటౌట్​ డిజైన్​ లభిస్తోంది. ఫింగర్​ప్రింట్​ స్కానర్​ సైతం వస్తోంది. 'నోట్​' సిరీస్​లో ఈ ఫీచర్​ ఉన్న తొలి గ్యాడ్జెట్​ ఇదే!

Redmi Note 13 Pro+ price in India : డిజైన్​ విషయానికొస్తే ఈ స్మార్ట్​ఫోన్​ రేర్​లో డ్యూయెల్​ టోన్​ డిజైన్​తో కూడిన ఫౌక్స్​ లెథర్​ టెక్స్​చర్​ వస్తోంది. ఐపీ68 డస్ట్​, వాటర్​ రెసిస్టెంట్​ దీని సొంతం.

ఈ రెడ్​మీ నోట్​ 13 ప్రో+ రేర్​లో లో 200ఎంపీ ప్రైమరీ, 8ఎంపీ అల్ట్రా వైడ్​, 2ఎంపీ షూటర్​ కెమెరా సెటప్​ ఉంటుంది. సెల్ఫీ, వీడియో కాల్స్​ కోసం ఫ్రెంట్​లో 16ఎంపీ కెమెరా వస్తోంది.

ఇదీ చూడండి:- Vivo T2 Pro 5G: వివో నుంచి మార్కెట్లోకి మరో కొత్త 5జీ ఫోన్; ధర కూడా అందుబాటు లోనే..

ఇక ఈ డివైజ్​లో మీడియాటెక్​ డైమెన్సిటీ 7200 అల్ట్రా ప్రాసెసర్​, 16జీబీ ర్యామ్​- 512జీబీ స్టోరేజ్​, 5000ఎంఏహెచ్​ బ్యాటరీ, 120వాట్​ ఫాస్ట్​ ఛార్జింగ్​ సపోర్ట్​ వంటివి లభిస్తున్నాయి. ఆండ్రాయిడ్​ 13 ఆధారిత ఎంఐయూఐ 14 సాఫ్ట్​వేర్​పై ఇది పనిచేస్తుంది. యూఎస్​బీ-సీ పోర్ట్​, 3.5ఎంఎం హెడ్​ఫోన్​ జాక్​, ఐఆర్​ బ్లాస్టర్​, 5జీ, వైఫై-6, బ్లూటూత్​ 5.3, ఎన్​ఎఫ్​సీ వంటి కనెక్టివిటీ ఫీచర్స్​ సైతం ఈ గ్యాడ్జెట్​లో ఉన్నాయి.

ఈ స్మార్ట్​ఫోన్​ ధర ఎంతంటే..

Redmi Note 13 Pro+ features : రెడ్​మీ నోట్​ 13 ప్రో+ 12జీబీ ర్యామ్​- 256జీబీ స్టోరేజ్​ వేరియంట్​ ధర 273 డాలర్లుగా ఉంది. ఇండియన్​ కరెన్సీలో అది సుమారు రూ. 22,700. 12జీబీ ర్యామ్​- 512జీబీ వేరియంట్​ ధర 300 డాలర్లు (సుమారు రూ. 25వేలు)గాను, 16జీబీ ర్యామ్​- 512 జీబీ స్టోరేజ్​ వేరియంట్​ ధర రూ. 314 డాలర్లు (సుమారు రూ. 26,100)గాను ఉంది.

చైనాలో ఈ మోడల్​ సేల్స్​ ఈ నెల 26న మొదలవుతాయి. కాగా.. ఇండియాతో పాటు ఇతర మార్కెట్ల​లో ఈ రెడ్​మీ నోట్​ 13 సిరీస్​ లాంచ్​కు సంబంధించిన వివరాలను సంస్థ ఇంకా ప్రకటించలేదు.