Redmi K60 Ultra : రెడ్​మీ కే60 అల్ట్రా లాంచ్​ రేపే.. ఈ ఫీచర్స్​తో!

Redmi K60 Ultra : షావోమీకి చెందిన రెడ్​మీ నుంచి సరికొత్త స్మార్ట్​ఫోన్..​ మార్కెట్​లోకి అడుగుపెట్టనుంది. ఈ రెడ్​మీ కే60 అల్ట్రా.. ఆగస్ట్​ 14న చైనాలో లాంచ్​కానుంది. ఈ నేపథ్యంలో ఈ మోడల్​పై ఇప్పటివరకు ఉన్న వివరాల గురించి ఇక్కడ తెలుసుకుందాము..

ఈ కొత్త స్మార్ట్​ఫోన్​ ఫీచర్స్​​ ఇవే..?

ఈ రెడ్​మీ కే60 అల్ట్రా.. గతేడాది లాంచ్​ అయిన రెడ్​మీ కే50 అల్ట్రాకు సక్సెసర్​గా రానుంది. కే50 అల్ట్రా.. చైనా మార్కెట్​కే పరిమితమైంది. ఇక కొత్త మొబైల్​ కూడా అక్కడే లభించొచ్చు. అయితే.. కే50 అల్ట్రాకు స్వల్ప మార్పులు చేసి షావోమీ 12టీ ప్రోగా అంతర్జాతీయ మార్కెట్​లో లాంచ్​ చేసింది సంస్థ. కొత్త డివైజ్​ విషయంలోనూ ఇదే జరగొచ్చు! చైనాలో లాంచ్​ తర్వాత.. షావోమీ 13టీ ప్రో పేరుతో మొబైల్​ను లాంచ్​ చేయాలని సంస్థ భావిస్తున్నట్టు సమాచారం.

Redmi K60 Ultra features : ఇక స్పెసిఫికేషన్స్​ విషయానికొస్తే.. ఈ రెడ్​మీ కే60 అల్ట్రాలో 6.67 ఇంచ్​ ఓఎల్​ఈడీ డిస్​ప్లే ఉండనుంది. పిక్సెల్​వర్క్స్​ ఎక్స్​7 డిస్​ప్లే చిప్​.. ఈ ప్యానెల్​లో ఉంటుంది. కెమెరా వివరాలపై ప్రస్తుతం సమాచారం లేదు. అయితే ఇందులో 50ఎంపీ ప్రైమరీ కెమెరా ఉంటుందని, దీనితో 8కే వీడియోలు షూట్​ చేయవచ్చని తెలుస్తోంది. ఫ్రెంట్​ కెమెరాపైనా క్లారిటీ లేదు.

ఇక ఈ కొత్త స్మార్ట్​ఫోన్​.. సియాన్​, బ్లాక్​ షేడ్స్​లో అందుబాటులోకి రానుంది. స్పెషల్ వైట్​ వర్షెన్​ కూడా వస్తుందని తెలుస్తోంది. ​సెంట్రల్​ అలైన్డ్​ పంచ్​ హోల్​, స్లిమ్​ బెజెల్స్​, అండర్​- డిస్​ప్లే ఫింగర్​ప్రింట్​ స్కానర్​లు ఫ్రెంట్​లో వస్తాయి. ఐపీ68 రేటింగ్​ డస్ట్​, వాటర్​ రెసిస్టెన్స్​ సేఫ్టీ ఈ మొబైల్​కు లభిస్తుందని సమాచారం.

Redmi K60 Ultra price : ఈ రెడ్​మీ కే60 అల్ట్రాలో డైమెన్సిటీ 9200 ప్లస్​ చిప్​సెట్​ ఉంటుందని రూమర్స్​ ఉన్నాయి. 24జీబీ ఎల్​పీడీడీఆర్​5ఎక్స్​ ర్యామ్​, 1 టీపీ యూఎఫ్​ఎస్​ 4.0 స్టోరేజ్​ వంటివి ఇందులో ఉంటాయని సంస్థ ఇప్పటికే కన్ఫర్మ్​ చేసింది. ఆండ్రాయిడ్​ 13 ఓఎస్​ సాఫ్ట్​వేర్​పై ఇది పనిచేస్తుంది.

ఈ మొబైల్​ బ్యాటరీ కెపాసిటీపై ప్రస్తుతం ఎలాంటి సమాచారం లేదు. కాకాపోతే దీనికి 120వాట్​ ఫాస్ట్​ ఛార్జింగ్​ కెపాసిటీ ఉంటుందని వార్తలు వస్తున్నాయి. డ్యూయెల్​ సిమ్​, 5జీ, వైఫై 6ఈ, బ్లూటూత్​ 5.3, ఐఆర్​ బ్లాస్టర్​, యూఎస్​బీ- సీ పోర్ట్​, డ్యూయెల్​ స్టీరియో స్పీకర్స్​ వంటి కనెక్టివిటీ ఫీచర్స్​ ఇందులో ఉండే అవకాశం ఉంది.

ఈ స్మార్ట్​ఫోన్​ ధర ఎంత ఉంటుంది?

Redmi K60 Ultra price in India : చైనాలో రెడ్​మీ కే60 అల్ట్రా ధర 3వేల యువాన్​లుగా ఉండొచ్చని సమాచారం. అంటే ఇండియన్​ కరెన్సీలో అది దాదాపు రూ. 35వేలు.

ఇక సోమవారం జరగనున్న ఈవెంట్​తో ఈ మోడల్​పై పూర్తి క్లారిటీ వస్తుంది. ఇదే ఈవెంట్​లో షావోమ మిక్స్​ ఫోల్డ్​ 3 ఫోల్డెబుల్​ ఫోన్​, ప్యాడ్​ 6 మ్యాక్స్​ ట్యాబ్​, షావోమ బ్యాండ్​ 8 ప్రో వంటి గ్యాడ్జెట్స్​ని కూడా రిలీజ్​ చేసేందుకు సంస్థ ఏర్పాట్లు చేసుకుంటోంది.