Ola S1X price drop : భారీగా తగ్గిన ఓలా ఎలక్ట్రిక్​ స్కూటర్ల ధరలు.. కొనాలంటే ఇదే రైట్​ టైమ్​!

Ola S1X on road price : భారత కస్టమర్లకు క్రేజీ న్యూస్​ ఇచ్చింది దిగ్గజ ఎలక్ట్రిక్​ స్కూటర్ల తయారీ సంస్థ ఓలా ఎలక్ట్రిక్​. తన పోర్ట్​ఫోలియోలో బెస్ట్​ సెల్లింగ్​ మోడల్స్​లో ఒకటైన ఓలా ఎస్​1ఎక్స్​ ధరలను తగ్గిస్తున్నట్టు ప్రకటించింది. ఫలితంగా.. ఇప్పుడు రూ. 69,999 (ఎక్స్​షోరూం ధర) నుంచే ఓలా ఎస్​1ఎక్స్​ ఈ-స్కూటర్​ అందుబాటులో ఉండనుంది. ఇతర వేరియంట్ల ధరల వివరాలను ఇక్కడ తెలుసుకోండి..

ఓలా ఎలక్ట్రిక్​ స్కూటర్లపై ధర తగ్గింపు..

రూ. 1,09,000గా ఉన్న ఓలా ఎస్​1ఎక్స్​ 4 కేడబ్ల్యూహెచ్​ వేరియంట్​ రూ. 10వేలు తగ్గి రూ. 99,999కి చేరింది. ఇక 3 కేడబ్ల్యూహెచ్​ వేరియంట్​ ధర రూ. 84,999గా ఉంది. అన్నింటికన్న తక్కువ ధర ఉన్న వేరియంట్​.. ఓలా ఎస్​1ఎక్స్​ 2కేడబ్ల్యూ ఎలక్ట్రిక్​ స్కూటర్​. దీని ధర రూ. 69,999. ఇవన్నీ ఎక్స్​షోరూం ధరలను గుర్తుపెట్టుకోవాలి.

ఓలా ఎస్​1ఎక్స్​.. 7 కలర్స్​లో అందుబాటులో ఉంది. వీటి డెలివరీ.. వచ్చే వారం ప్రారంభమవుతుందని సంస్థ వెల్లడించింది.

ఎస్​1ఎక్స్​ ఈ-స్కూటర్​లో 5 ఇంచ్​ స్క్రీన్​, 34 లీటర్​ బూట్​ స్పేస్​, ఓలా ఐకానిక్​ హెడ్​ల్యాంప్​, గ్రాబ్​ రెయిల్​ వంటివి వస్తున్నాయి.

Ola electric latest news : ఇక 4 కేడబ్ల్యూహెచ్​ వేరియంట్​ రేంజ్​ 190 కి.మీలుగా ఉంది. 2 కేడబ్ల్యూహెచ్​, 3 కేడబ్ల్యూహెచ్​ స్కూటర్లను ఒక్కసారి ఛార్జ్​ చేస్తే.. వరుసగా 95 కి.మీలు, 143 కి.మీలు ప్రయాణించవచ్చు. 2, 3 కేడబ్ల్యూ వేరియంట్లకు ఫిజికల్​ కీ వస్తుంది.

ఇదీ చూడండి:- 2024 Maruti Suzuki Swift : సరికొత్తగా మారుతీ సుజుకీ స్విఫ్ట్​.. వచ్చే నెలలో లాంచ్​!

తమ పోర్ట్​ఫోలియోలోని ఎలక్ట్రిక్​ స్కూటర్ల​ ధరలను తగ్గించడం ఓలా ఎలక్ట్రిక్​కి ఇది మొదటిసారి కాదు. ఈ ఏడాది ఫిబ్రవరిలో.. ఎస్​1ఎక్స్​+, ఎస్​1 ఎయిర్​, ఎస్​1 ప్రో ధరలను తగ్గించింది. మరీ ముఖ్యంగా.. ఎస్​1ఎక్స్​+ ధరను రూ. 25వేల వరకు తగ్గించడం విశేషం.

అంతేకాదు.. 8ఏళ్లు లేదా 60వేల కి.మీలతో ఎక్స్​టెండెడ్​ బ్యాటరీ వారెంటీని కూడా ప్రవేశపెట్టింది ఓలా ఎలక్ట్రిక్​ సంస్థ. ఎలాంటి అదనపు ఛార్జీలు లేకుండానే ఈ సేవలను అందిస్తుండటం విశేషం.

ఎందుకు ధరలను తగ్గిస్తోంది..?

Ola S1X price cut : ఇండియన్​ 2 వీలర్​ ఎలక్ట్రిక్​ సెగ్మెంట్​లో రారాజుగా కొనసాగుతోంది ఓలా ఎలక్ట్రిక్. ఈ సంస్థకు.. అత్యధిక మార్కెట్​ షేరు ఉంది. కానీ ఇటీవలి కాలంలో.. టీవీఎస్​, బజాజ్​, ఏథర్​ ఎనర్జీ వంటి సంస్థల నుంచి తీవ్ర పోటీ ఎదుర్కొంటోంది ఓలా ఎలక్ట్రిక్​. పోటీని తట్టుకుని, నెంబర్​ 1గా కొనసాగేందుకు ప్రయత్నిస్తున్న ఆ సంస్థ.. కస్టమర్లను ఆకర్షించేందుకు ఈ విధంగా ప్రైజ్​ కట్​, డిస్కౌంట్స్​, ఆఫర్స్​ ఇస్తోందని మార్కెట్​ వర్గాలు భావిస్తున్నాయి.

ఓలా ఎలక్ట్రిక్​ వాహనాల ధరల తగ్గింపుతో ఈ-స్కూటర్ల తయారీ సంస్థ మధ్య పోటీ మరింత పెరుగుతుందనడంలో సందేహం లేదు. ఇది కస్టమర్లకు ఒకింత మంచి విషయమే! ధరలు తగ్గితే, కొత్త ఈ-స్కూటర్​ కొనాలనుకునే వారికి ఖర్చులు తగ్గుతాయి.