Nissan Magnite Geza : స్పెషల్​ ఎడిషన్​ నిస్సాన్​ మాగ్నైట్​ వచ్చేసింది.. ధర ఎంతంటే!

Nissan Magnite Geza special edition : ప్రముఖ ఆటోమొబైల్​ సంస్థ నిస్సాన్​.. కంపెనీకి బెస్ట్​ సెల్లింగ్​ మోడల్​గా ఉన్న మాగ్నైట్​కు స్పెషల్​ ఎడిషన్​ను లాంచ్​ చేసింది. ఈ నిస్సాన్​ మాగ్నైట్​ గెజా స్పెషల్​ ఎడిషన్​ ఎక్స్​షోరూం ధర రూ. 7.39లక్షలు. ఈ వెహికిల్​ బుకింగ్స్​ ప్రారంభమయ్యాయి. రూ. 11000 టోకెన్​ అమౌంట్​తో నిస్సాన్​ డీలర్​షిప్​షోరూమ్​లలో బుక్​ చేసుకోవచ్చు.

ఈ స్పెషల్​ ఎడిషన్​ నిస్సాన్​ మాగ్నైట్​ గెజాలో సరికొత్త ఆడియో- ఇన్ఫోటైన్​మెంట్​ సిస్టెమ్​లు హైలైట్​గా నిలుస్తున్నాయి. జపనీస్​ థియేటర్​, ఎక్స్​ప్రెసివ్​ మ్యూజిక్​ థీమ్స్​ స్ఫూర్తితో ఈ స్పెషల్​ ఎడిషన్​ను రూపొందించినట్టు సంస్థ చెబుతోంది.

నిస్సాన్​ మాగ్నైట్​ గెజా- ఫీచర్స్​..

ఈ స్పెషల్​ ఎడిషన్​ కాంపాక్ట్​ ఎస్​యూవీలో 9 ఇంచ్​ టచ్​స్క్రీన్​ ఇన్ఫోటైన్​మెంట్​ సిస్టెమ్​, వయర్​లెస్​ ఆండ్రాయిడ్​ ఆటో, యాపిల్​ కార్​ప్లే వంటివి వస్తున్నాయి. ఇవి.. జేబీఎల్​ స్పీకర్స్​కు కనెక్ట్​ అయ్యి ఉంటాయి. షార్క్​ ఫిన్​ యాంటీనా, యాప్​ ఆధారిత కంట్రోల్స్​తో యాంబియెంట్​ లైటింగ్​, రేర్​ పార్కింగ్​ కెమెరా లభిస్తున్నాయి. లేత గోధుమ రంగుతో కూడిన సీట్​ అప్​హోలిస్ట్రీ వస్తుండటంతో.. ఇంటీరియర్​ మరింత స్టైలిష్​గా మారింది.

ఇదీ చదవండి:- Maruti Suzuki Jimny launch: మారుతి జిమ్నీ లాంచ్ డేట్ వచ్చేసింది.. మహింద్ర థార్ కు గట్టి పోటీ

నిస్సాన్​ మాగ్నైట్​ స్పెషల్​ ఎడిషన్​ ఎస్​యూవీ..

Nissan Magnite Geza edition launch date : ఈ ఆల్​ న్యూ నిస్సాన్​ మాగ్నైట్​ గెజాలో 1.0 లీటర్​ నేచురల్లీ ఆస్పిరేటెడ్​ ఇంజిన్​, 1.0 లీటర్​ టర్బోఛార్జ్​డ్​ ఇంజిన్​ ఆప్షన్స్​ ఉన్నాయి. మొదటిది 71 బీహెచ్​పీ పవర్​ను, 96ఎన్​ఎం టార్క్​ను జనరేట్​ చేస్తుంది. ఇక రెండోది 98 బీహెచ్​పీ పవర్​ను, 160 ఎన్​ఎం టార్క్​ను జనరేట్​ చేస్తుంది. ఈ రెండింటిలోనూ 5 స్పీడ్​ మేన్యువల్​ గేర్​బాక్స్​ వస్తోంది. టర్బోఛార్జ్​డ్​ ఇంజిన్​లో సీవీటీ ఆటోమెటిక్​ ట్రాన్స్​మిషన్​ లభిస్తోంది.

ప్రస్తుతం.. నిస్సాన్​ మాగ్నైట్​ ఎక్స్​షోరూం ధర రూ. 6లక్షలు- రూ. 11.02లక్షల మధ్యలో ఉంది. నిస్సాన్​ మాగ్నైట్​.. మారుతీ సుజుకీ ఫ్రాంక్స్​, హ్యుందాయ్​ వెన్యూ, కియా సోనెట్​, సిట్రోయెన్​ సీ3, రెనాల్ట్​ ఖైగర్​, టాటా నెక్సాన్​లకు గట్టిపోటీనిస్తోంది.