HT తెలుగు మీకు నోటిఫికేషన్ పంపాలనుకుంటోంది. సబ్‌స్క్రైబ్ చేసుకోవడానికి సరే అని క్లిక్ చేయండి.
తెలుగు న్యూస్  /  బిజినెస్  /  Karnataka: కర్నాటకలో పెరిగిన పెట్రోల్, డీజిల్ ధరలు

Karnataka: కర్నాటకలో పెరిగిన పెట్రోల్, డీజిల్ ధరలు

HT Telugu Desk HT Telugu

15 June 2024, 18:32 IST

  • కర్నాటకలో డీజిల్, పెట్రోలు ధరలు పెరిగాయి. లీటర్ పెట్రోలుపై రూ. 3, లీటర్ డీజిల్ పై రూ. 3 పెంచుతూ రాష్ట్రంలోని కాంగ్రెస్ ప్రభుత్వం నిర్ణయం తీసుకుంది. ఈ రెండు పెట్రో ఉత్పత్తులపై అమ్మకపు పన్నును వరుసగా 29.84 శాతం, 18.44 శాతంగా సవరించింది.

కర్నాటకలో పెట్రోల్, డీజిల్ ధరల పెంపు
కర్నాటకలో పెట్రోల్, డీజిల్ ధరల పెంపు

కర్నాటకలో పెట్రోల్, డీజిల్ ధరల పెంపు

కర్నాటకలో పెట్రోల్, డీజిల్ ధరలు పెరిగాయి. రాష్ట్ర ప్రభుత్వం శనివారం అమ్మకపు పన్నును సవరించింది. అమ్మకపు పన్నును సవరించిన తరువాత పెట్రోల్ పై అమ్మకపు పన్ను 29.84% కి చేరింది. అలాగే, డీజిల్ పై అమ్మకపు పన్ను 18.44% కు చేరింది. కర్నాటక పెట్రోలియం డీలర్స్ అసోసియేషన్ ప్రకారం, పెట్రోల్ ధర రూ .3, డీజిల్ ధర రూ. 3.05 పెరిగే అవకాశం ఉంది. రాష్ట్రానికి అదనపు ఆదాయాన్ని సమకూర్చడమే లక్ష్యంగా కర్నాటక ఆర్థిక శాఖ ఈ నిర్ణయం తీసుకుంది.

ట్రెండింగ్ వార్తలు

Budget 2024: 18 సంవత్సరాల లోపు పిల్లల కోసం ‘ఎన్పీఎస్ - వాత్సల్య’ స్కీమ్; దీని ప్రయోజనాలేంటి?

Budget 2024: బడ్జెట్ 2024 తర్వాత స్మార్ట్ ఫోన్ ధరలు తగ్గుతాయా?.. ఆ ఆశలేం పెట్టుకోకండి

Budget 2024: ఫస్ట్ టైమ్ జాబ్ లో చేరినవారు కేంద్రం నుంచి నెల జీతం ఉచితంగా పొందడం ఎలా?

OnePlus Pad Price : వన్‌ప్లస్ ప్యాడ్‌పై మరోసారి తగ్గింపు.. ఈసారి ఎంత తగ్గించారంటే

తెలుగు రాష్ట్రాల కన్నా తక్కువే..

కర్నాటకలో పెట్రో ధరలు పెంచిన తరువాత కూడా, తెలుగు రాష్ట్రాల్లోని పెట్రో ధరల కన్నా తక్కువే ఉండడం విశేషం. ధరల పెంపు తరువాత బెంగళూరులో లీటర్ పెట్రోలు ధర రూ. రూ .99.84 నుండి రూ .102.84 కు పెరిగింది. అలాగే, లీటర్ డీజిల్ ధర రూ. రూ .85.93 నుండి రూ .88.95 కు పెరిగింది. పెట్రో ధరల పెంపు పై బెంగళూరు వాసులు తీవ్ర నిరసన వ్యక్తం చేస్తున్నారు. ‘‘సంపన్నులకు ఎంత ధర ఉన్నా సమస్య ఉండదు. మా లాంటి సామాన్యులకే సమస్య. నేను బీపీఓలో పనిచేస్తున్నాను. రూ.15 వేల జీతం. పెట్రోలు రేటు పెంచితే నాలాంటి వాళ్ల పరిస్థితి ఏంటి? ’’ అని చందన్ అనే చిరుద్యోగి ఆవేదన వ్యక్తం చేశారు. డీజిల్ ధరల పెంపుతో రవాణా, సరుకుల పంపిణీతో సహా వివిధ రంగాలపై ప్రతికూల ప్రభావం పడుతుంది. అది అంతిమంగా వినియోగదారుల పైననే పడుతుంది.

కేంద్రం నిర్ణయం

దేశీయంగా ఉత్పత్తి అయ్యే ముడిచమురుపై పన్నును టన్నుకు రూ.5,200 నుంచి రూ.3,250కు కేంద్ర ప్రభుత్వం తగ్గించిన కొద్ది గంటల్లోనే కర్నాటక ఈ నిర్ణయం తీసుకుంది. గత రెండు వారాల సగటు చమురు ధరల ఆధారంగా పన్ను రేట్లను ప్రతి 15 రోజులకు ఒకసారి సమీక్షిస్తారు. ఈ ఏడాది మార్చిలో ఇంధన ధరలను లీటరుకు రూ.2 మేరకు కేంద్రం తగ్గించింది. 2022 మే తర్వాత దేశవ్యాప్తంగా ఇంధన ధరలను తగ్గించడం ఇదే తొలిసారి. రష్యా-ఉక్రెయిన్ యుద్ధంపై భారత విదేశాంగ విధానం స్పష్టంగా లేకపోతే పెట్రోల్ ధరలు పెరిగేవని విదేశాంగ మంత్రి ఎస్ జైశంకర్ గత నెలలో వ్యాఖ్యానించారు. మే 21, 2022 న, కేంద్రం పెట్రోల్, డీజిల్ పై ఎక్సైజ్ సుంకాన్ని తగ్గించింది, ఫలితంగా ధరలు లీటరుకు రూ .8, రూ .6 తగ్గాయి. ఈ చర్య వల్ల ప్రభుత్వం ఏడాదికి సుమారు లక్ష కోట్ల రూపాయల ఆదాయం కోల్పోతుందని ఆర్థిక మంత్రి నిర్మలా సీతారామన్ తెలిపారు.

తదుపరి వ్యాసం