Hyundai Exter price hike : పెరిగిన హ్యుందాయ్​ ఎక్స్​టర్​ ధర.. కస్టమర్లకు షాక్​!

Hyundai Exter price hike : పండుగ సీజన్​లో ఆఫర్స్​, డిస్కౌంట్స్​ కోసం ఎదురుచూస్తున్న కస్టమర్లకు దిగ్గజ ఆటోమొబైల్​ సంస్థ హ్యుందాయ్​ షాక్​ ఇచ్చింది. ఇటీవలే లాంచ్​ అయిన హ్యుందాయ్​ ఎక్స్​టర్​ ఇంట్రొడక్టరీ ప్రైజ్​ ముగిసినట్టు వెల్లడించింది. ఈ నేపథ్యంలో ఈ మైక్రో-ఎస్​యూవీ ధరను తొలిసారి పెంచింది. ఆ వివరాల్లోకి వెళితే..

ఎక్స్​టర్​ ధర ఎంత పెరిగిందంటే..

హ్యుందాయ్​ ఎక్స్​టర్​లో ఆరు వేరియంట్లు ఉన్నాయి. అవి.. ఈఎక్స్​, ఈఎక్స్​ (ఓ), ఎస్​, ఎస్​ఎక్స్​, ఎస్​ఎక్స్​ (ఓ), ఎస్​ఎక్స్​ (ఓ) కనెక్ట్​. ఇక ఎస్​ఎక్స్​ (ఓ) ఎంటీ డ్యూయెల్​-టోన్​ వర్షెన్​ ధర అత్యధికంగా రూ. 16వేలు పెరిగింది. టాప్​ ఎండ్​ మోడల్​ ఎస్​ఎక్స్​ (ఓ) కనెక్ట్​ ఏఎంటీ డ్యూయెల్​ టోన్​ వర్షెన్​ ధర రూ. 5వేలు పెరిగింది.

Hyundai Exter price Hyderabad : ఈ హ్యుందాయ్​ ఎక్సటర్​లో అట్లాస్​ వైట్​, కాస్మిక్​ బ్లూ, ఫెర్రీ రెడ్​, రేంజర్​ ఖాఖీ, స్టేరీ నైట్​, టైటాన్​ గ్రే, అట్లాస్​ బ్లాక్​ విత్​ ఎబిస్​ బ్లాక్​, కాస్మిక్​ బ్లూ విత్​ ఎబిస్​ బ్లాక్​, రేంజర్​ ఖాఖీ విత్​ ఎబిస్​ బ్లాక్​ వంటి కలర్​ ఆప్షన్స్​ ఉన్నాయి. కస్టమర్లు తమ ఇంట్రెస్ట్​కి తగ్గ కలర్​ను ఎంచుకోవచ్చు.

ఈ హ్యుందాయ్​ ఎక్స్​టర్​ ఎస్​యూవీలో 1.2 లీటర్​, 4 సిలిండర్​, నేచురల్లీ ఆస్పిరేటెడ్​ పెట్రోల్​ ఇంజిన్​ ఉంటుంది. ఇది 82 హెచ్​పీ పవర్​ను, 114 ఎన్​ఎం టార్క్​ను జనరేట్​ చేస్తుంది. సీఎన్​జీ వేరియంట్​ కూడా లభిస్తోంది.

ఇండియా ఆటోమొబైల్​ మార్కెట్​లో.. టాటా పంచ్​, సిట్రోయెన్​ సీ3కి ఈ హ్యుందాయ్​ ఎక్స్​టర్​ గట్టిపోటీనిస్తుందని మార్కెట్​ వర్గాలు భావిస్తున్నాయి.

వెయిటింగ్​ పీరియడ్​ ఎక్కువే..!

Hyundai Exter waiting period : ఇండియా ఆటోమొబైల్​ మార్కెట్​లో ఎస్​యూవీ సెగ్మెంట్​కు మంచి డిమాండ్​ కనిపిస్తోంది. ఇక కొత్తగా లాంచ్​ అవుతున్న మోడల్స్​పై కస్టమర్లు అధికంగా ఫోకస్​ చేస్తున్నాయి. ఈ నేపథ్యంలో.. జులైలో మార్కెట్​లో అడుగుపెట్టిన హ్యుందాయ్​ ఎక్స్​టర్​ ఎస్​యూవీకి బీభత్సమైన డిమాండ్​ లభిస్తోంది. ఈ మోడల్​లోని పలు వేరియంట్స్​కు ఇప్పటికే 1 ఏడాది వెయిటింగ్​ పీరియడ్​ నడుస్తుండటం విశేషం! పూర్తి వివరాల కోసం ఇక్కడ క్లిక్​ చేయండి.