Hyundai Exter CNG vs Tata Punch iCNG : ఎక్స్​టర్​ వర్సెస్​ పంచ్​- సీఎన్​జీ మోడల్స్​లో ఏది బెస్ట్​?

Hyundai Exter CNG vs Tata Punch iCNG : ఇండియా ఆటోమొబైల్​ మార్కెట్​లోని సీఎన్​జీ సెగ్మెంట్​లో లేటెస్ట్​గా ఎంట్రీ ఇచ్చింది టాటా పంచ్​. ఈ మచ్​ అవైటెడ్​ పంచ్​ ఐసీఎన్​జీ మోడల్​పై కస్టమర్లలో ఆసక్తి పెరుగుతోంది. ఈ నేపథ్యంలో ఇటీవలే లాంచ్​ అయిన హ్యుందాయ్​ ఎక్స్​టర్​ సీఎన్​జీతో పంచ్​ను పోల్చి, ఈ రెండిట్లో ఏది బెస్ట్​? అన్నది ఇక్కడ తెలుసుకుందాము..

ఈ రెండు వాహనాల డైమెన్షన్స్​ ఏంటి..?

హ్యుందాయ్​ ఎక్స్​టర్ సీఎన్​జీ​లో హాలోజెన్​ హెడ్​ల్యాంప్స్​, హెచ్​ షేప్​ ఎల్​ఈడీ డీఆర్​ఎల్స్​, గ్లాస్​ బ్లాక్​ గ్రిల్​, స్కల్ప్​టెడ్​ బానెట్​, పారామెట్రిక్​ డిజైన్​ ఎలిమెంట్స్​, 15 ఇంచ్​ డ్యూయెల్​ టోన్​ అలాయ్​ వీల్స్​ వస్తున్నాయి. ఈ ఎస్​యూవీ పొడవు 3,815ఎంఎం. వెడల్పు 1,700 ఎంఎం. ఎత్తు 1,631ఎంఎం. వీల్​బేస్​ 2,450ఎంఎం.

Hyundai Exter CNG price : ఇక టాటా పంచ్​ ఐసీఎన్​జీలో​ బంపర్​ మౌంటెడ్​ ప్రొజెక్టర్​ హెడ్​లైట్స్​, క్లామ్​షెల్​ బానెట్​, స్లీక్​ గ్రిల్​, రూఫ్​ రెయిల్స్​, వ్రాప్​ అరౌండ్​ టెయిల్​లైట్స్​, ఎల్​ఈడీ ఎలిమెంట్స్​, 15 ఇంచ్​ డైమెండ్​ కట్​ అలాయ్​ వీల్స్​ లభిస్తున్నాయి. ఈ వెహికిల్​ పొడవు 3,827 ఎంఎం. వెడల్పు 1,742ఎంఎం. ఎత్తు 1,615 ఎంఎం. వీల్​బేస్​ 2,445 ఎంఎం.

ఈ రెండు మైక్రో ఎస్​యూవీల ఫీచర్స్​ ఏంటి..?

హ్యుందాయ్​ కొత్త ఎస్​యూవీ 5 సీటర్​ కేబిన్​లో ఆల్​-బ్లాక్​ డాష్​బోర్డ్​, సెమీ లెథరేట్​ అప్​హోలిస్ట్రీ, డ్యూయెల్​ కెమెరా డాష్​క్యామ్​, వాయిస్​ ఎనెబుల్డ్​ సింగిల్​ పేన్​ సన్​రూఫ్​, డిజిటల్​ ఇన్​స్ట్రుమెంట్​ క్లస్టర్​, 8 ఇంచ్​ ఇన్ఫోటైన్​మెంట్​ ప్యానెల్​ వస్తోంది.

మరోవైపు టాటా పంచ్​ మైక్రో ఎస్​యూవీలో డ్యూయెల్​ టోన్​ డాష్​బోర్డ్​, ఎలక్ట్రిక్​ సన్​రూఫ్​, కూల్డ్​ గ్లోవ్​బాక్స్​, ఐఆర్​ఏ కనెక్టెడ్​ కార్​ టెక్నాలజీ, 7.0 ఇంచ్​ ఇన్ఫోటైన్​మెంట్​ కన్సోల్​, సన్​రూఫ్​ లభిస్తోంది.

ఇదీ చూడండి:- Hyundai exter price : హైదరాబాద్​లో హ్యుందాయ్​ ఎక్స్​టర్​ ఆన్​రోడ్​ ప్రైజ్​ వివరాలివే!

వీటి మైలేజ్​ వివరాలివే..

హ్యుందాయ్​ ఎక్స్​టర్​ సీఎన్​జీలో 1.2 లీటర్​, 4 సిలిండర్​ ఇంజిన్​ ఉంటుంది. ఇది 67 హెచ్​పీ పవర్​ను, 95 ఎన్​ఎం టార్క్​ను జనరేట్​ చేస్తుంది. 5 స్పీడ్​ మేన్యువల్​/ ఆటోమెటిక్​ గేర్​బాక్స్​ దీని సొంతం. దీని మైలేజ్​ 27.1 కేఎం/కేజీగా ఉంది.

Tata Punch iCNG price : ఇక టాటా పంచ్​ ఐసీఎన్​జీ మోడల్​లో 1.2 లీటర్​ రెవెట్రాన్​, 3 సిలిండర్​ ఇంజిన్​ లభిస్తోంది. ఇది 72 హెచ్​పీ పవర్​ను, 103 ఎన్​ఎం టార్క్​ను జనరేట్​ చేస్తుంది. 5 స్పీడ్​ మేన్యువల్​ గేర్​బాక్స్​ దీని సొంతం. దీని మైలేజ్​పై ప్రస్తుతం క్లారిటీ లేదు. అయితే ఇది 26-27 కేఎం/కేజీగా ఉండొచ్చు.

కాగా.. ఎక్స్​టర్​లో సింగిల్​ సీఎన్​జీ సిలిండర్​ వస్తోంది. టాటా పంచ్​ ఐసీఎన్​జీలో రెండు చిన్న సైజు సిలిండర్​లు వస్తున్నాయి.

ఈ ఎస్​యూవీల ధరలెంత..?

Hyundai Exter CNG mileage : హ్యుందాయ్​ కొత్త ఎస్​యూవీలోని సీఎన్​జీ వర్షెన్​ ఎక్స్​షోరూం ధర రూ. 8.23లక్షలు- రూ. 8.96లక్షల మధ్యలో ఉంటుంది. మరోవైపు టాటా పంచ్​ కొత్త సీఎన్​జీ మోడల్​ ఎక్స్​షోరూం ధర రూ. 7.1లక్షలు- రూ. 9.68లక్షల మధ్యలో ఉంటుంది.