Tata Punch iCNG : సన్​రూఫ్​తో టాటా పంచ్​ ఐసీఎన్​జీ లాంచ్​.. ధర ఎంతంటే!-tata punch icng launched price is 7 10 lakh comes with a sunroof ,బిజినెస్ న్యూస్
తెలుగు న్యూస్  /  బిజినెస్  /  Tata Punch Icng : సన్​రూఫ్​తో టాటా పంచ్​ ఐసీఎన్​జీ లాంచ్​.. ధర ఎంతంటే!

Tata Punch iCNG : సన్​రూఫ్​తో టాటా పంచ్​ ఐసీఎన్​జీ లాంచ్​.. ధర ఎంతంటే!

Sharath Chitturi HT Telugu
Aug 04, 2023 01:41 PM IST

Tata Punch iCNG launched : టాటా పంచ్​ ఐసీఎన్​జీ మోడల్​ తాజాగా లాంచ్​ అయ్యింది. దీని ధరతో పాటు ఇతర వివరాలను ఇక్కడ తెలుసుకుందాము..

టాటా పంచ్​ ఐసీఎన్​జీ లాంచ్​.. ధర ఎంతంటే!
టాటా పంచ్​ ఐసీఎన్​జీ లాంచ్​.. ధర ఎంతంటే!

Tata Punch iCNG launched : ఇండియా ఆటోమొబైల్​ మార్కెట్​లో మచ్​ అవైటెడ్​ మోడల్​.. టాటా పంచ్​ ఐసీఎన్​జీని శుక్రవారం లాంచ్​ చేసింది దిగ్గజ ఆటోమొబైల్​ సంస్థ టాటా మోటార్స్​. మూడు వేరియంట్లలో (ప్యూర్​, అడ్వెంచర్​, అకంప్లీష్డ్​) ఇది అందుబాటులో ఉండనుంది. ఈ మోడల్​ పూర్తి వివరాలు ఇక్కడ తెలుసుకుందాము..

ఈ సీఎన్​జీ కారు హైలైట్స్​ ఇవే..

టాటా పంచ్​ ఐసీఎన్​జీలో 1.2 లీటర్​, 3 సిలిండర్​ ఇంజిన్​ ఉంటుంది. పెట్రోల్​ మోడ్​లో.. ఇది 84.82 బీహెచ్​పీ పవర్​ను, 113 ఎన్​ఎం టార్క్​ను జనరేట్​ చేస్తుంది. సీఎన్​జీ మోడ్​లో దీని పవర్​ 75.94, టార్క్​ 97 ఎన్​ఎంగా ఉంటుంది. 5 స్పీడ్​ ఏఎంటీ గేర్​బాక్స్​ దీని సొంతం. మేన్యువల్​ గేర్​ బాక్స్​ ఉండదు.

ఈ కారులో డ్యూయెల్​ సిలిండర్​ టెక్నాలజీ ఉండటం హైలైట్​. భారీ సీఎన్​జీ సిలిండర్​ స్థానంలో రెండు చిన్న (30లీటర్లు) సిలిండర్లు ఉంటాయి. అంటే.. సిలిండర్ల కెపాసిటీ 60లీటర్లు. పైగా.. బూట్​ స్పేస్​ ఎక్కువగానే ఉండనుంది.

ఇదీ చూడండి:- Most affordable CNG cars : దేశంలో అత్యంత చౌకైన సీఎన్​జీ కార్లు ఇవే..

Tata Punch iCNG mileage : టాటా పంచ్​ సీఎన్​జీ మోడల్​లో లీక్​ డిటెక్షన్​ ఫీచర్​ వస్తోంది. అంతేకాకుండా హై క్వాలిటీ స్టెయిన్​లెస్​ స్టీల్​, రస్ట్​ రెసిస్టెంట్​ మెటీరియల్​ను ఉపయోగించారు. థర్మల్​ ఇన్సిడెంట్​ ప్రొటెక్షన్​ కూడా లభిస్తోంది. ఫ్యూయెల్​ లిడ్​ ఓపెన్​ ఉండగా.. కారు స్టార్ట్​ అవ్వకుండా ఉండేందుకు, ప్రత్యేక మైక్రో స్విచ్​ను కూడా ఇచ్చింది టాటా మోటార్స్​. సన్​రూఫ్​ ఫీచర్​ కూడా ఇందులో ఉంటుండటం మరో హైలైట్​!

ఐసీఎన్​జీ బ్యాడ్జింగ్​ను మినహాయిస్తే డిజైన్​, ఇంటీరియర్​లో పెద్దగా మార్పులు జరగలేదు. కేబిన్​లో సీఎన్​జీ బటన్​ వస్తోంది. సీఎన్​జీ గేర్​ను చూపించే విధంగా.. ఇన్​స్ట్రుమెంట్​ క్లస్టర్​ను అప్డేట్​ చేసింది సంస్థ.

కొత్త కారు ధర ఎంతంటే..

Tata Punch iCNG price in India : టాటా పంచ్​ ఐసీఎన్​జీని జనవరిలో జరిగిన 2023 ఆటో ఎక్స్​పోలో ప్రదర్శించింది టాటా మోటార్స్​. ఇక తాజాగా లాంచ్​ చేసింది. దీని ఎక్స్​షోరూం ధర రూ. 7.10లక్షలు- రూ. 9.68లక్షల మధ్యలో ఉంటుంది. మూడు వేరియంట్లతో పాటు అడ్వెంచర్​ రిథమ్​, అకంప్లీష్డ్​ డాజిల్​ ఎస్​ ప్యాక్​లో కూడా ఈ మోడల్​ అందుబాటులో ఉండనుంది.

టాటా మోటార్స్​కు ప్రస్తుతం టియాగో ఐసీఎన్​జీ, టిగోర్​ ఐసీఎన్​జీ మోడల్స్​ ఉన్నాయి. ఇక మూడో మోడల్​గా మార్కెట్​లోకి వస్తోంది ఈ టాటా పంచ్​ ఐసీఎన్​జీ.

WhatsApp channel

సంబంధిత కథనం