Tips to improve car mileage : ఏ గేర్​లో నడిపితే కారు మైలేజ్​ పెరుగుతుంది?-tips to improve mileage of a car know which gear helps in extracting best fuel efficiency ,బిజినెస్ న్యూస్
తెలుగు న్యూస్  /  Business  /  Tips To Improve Mileage Of A Car Know Which Gear Helps In Extracting Best Fuel Efficiency

Tips to improve car mileage : ఏ గేర్​లో నడిపితే కారు మైలేజ్​ పెరుగుతుంది?

Sharath Chitturi HT Telugu
Apr 23, 2023 08:15 AM IST

Tips to improve mileage of a car : మీరు కొత్తగా కారు కొన్నారా? మైలేజ్​ సరిగ్గా రావడం లేదా? అయితే గేర్​కు సంబంధించిన ఈ టిప్​ పాటించండి..

ఏ గేర్​లో నడిపితే కారు మైలేజ్​ పెరుగుతుంది?
ఏ గేర్​లో నడిపితే కారు మైలేజ్​ పెరుగుతుంది? (HT AUTO)

Tips to improve mileage of a car : ఇంధన ధరలు ఎప్పటికప్పుడు మారుతూ ఉంటాయి. ఫలితంగా ప్రజల జేబుల నుంచి ఒక్కోసారి ఎక్కువ ఖర్చు అవుతుంటుంది. అందుకే చాలా మంది.. మంచి మైలేజ్​ ఇచ్చే వాహనాలను కొనాలని భావిస్తుంటారు. అయితే.. కొన్ని టిప్స్​ పాటించి మైలేజ్​ని పెంచుకోవచ్చు. ముఖ్యంగా మేన్యువల్​ గేర్​బాక్స్​ ఉండే వాహనాల్లో.. గేర్​ను షిఫ్ట్​ చేసే ప్రక్రియతోనూ మైలేజ్​ ప్రభావితమవుతుంది. ఈ నేపథ్యంలో.. అసలు ఏ గేర్​లో కారు నడిపితే మంచి మైలేజ్​ వస్తుంది? అన్న విషయం ఇక్కడ తెలుసుకుందాము..

ట్రెండింగ్ వార్తలు

మీ కారు మైలేజ్​ను పెంచుకోండి ఇలా..

How to shift gears in car : పెద్ద నెంబర్​ గేర్​లు ఉండి, మాటిమాటికి వాటిని షిఫ్ట్​ చేయకుండా ఉంటే.. ఫ్యూయెల్​ ఎఫీషియన్సీ పెరుగుతుందని అందరికి తెలిసిన విషయమే. అయితే ఇది హైవేలో తప్పిస్తే, నగరాల్లో పాటించడం చాలా కష్టమవుతుంది. ట్రాఫిక్​ నేపథ్యంలో ఎప్పటికప్పుడు గేర్​లు మారుస్తూనే ఉండాలి. ట్రాఫిక్​ వల్ల పెద్ద నెంబర్​ గేర్​లు కూడా వేయలేము. కాదని హై గేర్​లో నడిపితే.. బండి తొందరంగా పాడైపోతుంది.

ఇదీ చదవండి:- Best mileage cars in India : ది బెస్ట్​ మైలేజ్​ ఇస్తున్న కార్స్​ ఇవే..

నగరాల్లో, ముఖ్యంగా ట్రాఫిక్​లో 1,2 నెంబర్​ గేర్​లనే ఉపయోగించాల్సి వస్తుంది. 3వ గేర్​ కూడా డ్రైవర్లు వాడుతుంటారు. 4వ గేర్​ వచ్చేసరికి, మళ్లీ ట్రాఫిక్​ మొదలైపోతుంది! అయితే ఇక్కడే ఒక చిన్న టిప్​ ఉపయోగపడుతుంది. గేర్​ మారుస్తున్నప్పుడు ఇంజిన్​ రిథమ్​ను పరిశీలించాలి. ఎక్కడ ఇంజిన్​ స్మూత్​గా, ఒత్తిడి లేకుండా ముందుకెళుతుందో చూడాలి. గేర్​ మారుస్తున్నప్పుడు.. ఎలాంటి జెర్క్​లు రాకుండా, వాహనం స్మూత్​గా వెళుతుందో డ్రైవర్​ గమనించాలి. అవకాశం ఉన్నప్పుడల్లా ఆ గేర్​లో బండిని నడిపిస్తే.. మైలేజ్​ కాస్త పెరిగే అవకాశం ఉంటుంది.

How to improve car mileage : కారును జీరో స్పీడ్​ నుంచి ముందుకు తీసేందుకు మొదటి గేర్​ను ఉపయోగించాలి. అయితే కొందరు రెండో గేర్​ నుంచి పని మొదలుపెడతారు! ఇది సరైన పద్ధతి కాదు. ఇంజిన్​పై అధిక ఒత్తిడి పడుతుంది. మొదటి గేర్​లో టార్క్​ ఎక్కువగా ఉండటంతో.. బండి సులభంగా ముందుకు కదులుతుంది. అద విధంగా 2వ గేర్​.. ట్రాఫిక్​లో ఉపయోగించవచ్చు. నిదానంగా బండిని ముందుకు తీసేందుకు ఇది ఉపయోగపడుతుంది. కారు స్పీడ్ 40-45కేఎంపీహెచ్​ అందుకున్నప్పుడు.. 3వ గేర్​ వేసుకోవచ్చు. అయితే.. ఇవన్నీ ఒక్కో కారులో ఒక్కో విధంగా ఉంటుంది. మీరు మీ కారు రిథమ్​ను గుర్తించి, అందుకు తగ్గట్టుగా గేర్​ను షిఫ్ట్​ చేస్తూ ఉంటే.. మైలేజ్​ పెరుగుతుంది!​

WhatsApp channel

సంబంధిత కథనం