Honor pad X9 : హానర్​ ప్యాడ్​ ఎక్స్​9 బుకింగ్స్​ షురూ.. ఈ ట్యాబ్లెట్​ను కొనొచ్చా?

Honor pad X9 : ప్యాడ్​ ఎక్స్​9 పేరుతో సరికొత్త ట్యాబ్లెట్​ను ఇండియాలో లాంచ్​ చేస్తున్నట్టు ఇటీవలే ప్రకటించింది హానర్​ సంస్థ. ఇక ఇప్పుడు.. ఈ మోడల్​కు సంబంధించిన ప్రీ ఆర్డర్స్​ మొదల్యాయి. ఈ నేపథ్యంలో ఈ గ్యాడ్జెట్​ ఫీచర్స్​ వివరాలు ఇక్కడ తెలుసుకుందాము..

ఈ ట్యాబ్​లో ఏముంది..?

హానర్​ ప్యాడ్​ ఎక్స్​9కు స్లీక్​ ప్రొఫైల్​ లభిస్తోంది. దీని థిక్​నెస్​ 6.9ఎంఎం, బరువు 495గ్రాములు. ఇందులో మెటల్​ యూనిబాడీ డిజైన్​ ఉంది. స్క్రీన్​ టు బాడీ రేషియో 86శాతంగా ఉంది. ఇక ఈ ట్యాబ్​లో 11.5 ఇంచ్​ 2కే ఐపీఎస్​- ఎల్​సీడీ స్క్రీన్​ లభిస్తోంది. 120 హెచ్​జెడ్​ రిఫ్రెష్​ రేట్​, 400 నిట్స్​ బ్రైట్​నెస్​తో వస్తోంది.

Honor pad X9 price : ఈ డివైజ్​లో 6 స్పీకర్లు, హై- రిస్​ ఆడియో, హానర్​కు చెందిన లిసెన్​ ఆడియో అల్గారిథం వంటి ఫీచర్స్​ ఉన్నాయి. ఇక ఇందులో 5ఎంపీ రేర్​ కెమెరా, 5ఎంపీ ఫ్రెంట్​ కెమెరా లభిస్తోంది.

మరోవైపు ఈ హానర్​ ప్యాడ్​ ఎక్స్​9లో స్నాప్​డ్రాగన్​ 685 ప్రాసెసర్​ వస్తోంది. 4జీబీ ర్యామ్​- 128జీబీ స్టోరేజ్​తో మార్కెట్​లోకి అడుగుపెట్టే అవకాశం ఉంది. 3జీబీ వర్చ్యువల్​ ర్యామ్​ కూడా లభిస్తుందని సమాచారం. ఆండ్రాయిడ్​ 13 ఆధారిత మ్యాజిక్​ యూఐ 7.1 సాఫ్ట్​వేర్​ ఇందులో ఉండనుంది. 7,250 ఎంఏహెచ్​ బ్యాటరీ దీని సొంతం. 22.5వాట్​ ఛార్జింగ్​ సపోర్ట్​ లభిస్తోంది. ఒక్కసారి ఛార్జ్​ చేస్తే ఈ ట్యాబ్​ను 13 గంటల వరకు వాడుకోవచ్చని సంస్థ చెబుతోంది

హానర్​ ప్యాడ్​ ఎక్స్​9 ధర ఎంత..?

Honor pad X9 Amazon : ఈ గ్యాడ్జెట్​ ధర రూ. 14,499. అమెజాన్​లో ప్రీ బుక్​ చేసుకోవచ్చు. ఆగస్టు 2న ఈ మోడల్​ లైవ్​ అవుతుంది. బడ్జెట్​ ఫ్రెండ్లీ ఆండ్రాయిడ్​ ట్యాబ్లెట్​గా దీనిని మంచి డిమాండ్​ లభిస్తుందని టెక్​ నిపుణులు అభిప్రాయపడుతున్నారు.

హానర్​ 90 లాంచ్​ ఎప్పుడు..?

Honor 90 price : హానర్​ 90ని ఇండియాలో లాంచ్​ చేసేందుకు సంస్థ ఏర్పాట్లు చేసుకుంటోందని తెలుస్తోంది. ఈ మోడల్​ సెప్టెంబర్​ మధ్యలో మార్కెట్​ను హిట్​ చేస్తుందని వార్తలు వస్తున్నాయి. అదే సమయంలో దీని ధర రూ. 50వేలలోపు ఉంటుందని సమాచారం. ఇదే నిజమైతే.. ఈ సెగ్మెంట్​లో ఉన్న వన్​ప్లస్​ 11ఆర్​, ఒప్పో రెనో 10 ప్రో, నథింగ్​ ఫోన్​ 2 వంటి మొబైల్స్​కు ఇది గట్టిపోటీనివ్వడం ఖాయం అని మార్కెట్​ వర్గాలు భావిస్తున్నాయి. పూర్తి వివరాల కోసం ఇక్కడ క్లిక్​ చేయండి.