Samsung Galaxy A14: 5000mAh బ్యాటరీతో బడ్జెట్ రేంజ్‍లో సామ్‍సంగ్ గెలాక్సీ ఏ14 లాంచ్

Samsung Galaxy A14: సామ్‍సంగ్ గెలాక్సీ ఏ14 4జీ మొబైల్ భారత మార్కెట్‍లో లాంచ్ అయింది. గెలాక్సీ ఏ14 5జీ గతంలోనే విడుదల కాగా.. ఇప్పుడు ఈ మోడల్‍కు 4జీ వెర్షన్‍ను సామ్‍సంగ్ తీసుకొచ్చింది. సామ్‍సంగ్ గెలాక్సీ ఏ14 మొబైల్ ఎల్‍సీడీ డిస్‍ప్లేను కలిగి ఉంది. ఈ నయా 4జీ స్మార్ట్ ఫోన్ సేల్ కూడా మొదలైంది. సామ్‍సంగ్ గెలాక్సీ ఏ14 ధర, ఆఫర్లు, పూర్తి స్పెసిఫికేషన్ల వివరాలు ఇక్కడ చూడండి.

సామ్‌సంగ్ గెలాక్సీ ఏ14 పూర్తి స్పెసిఫికేషన్లు

Samsung Galaxy A14: సామ్‍సంగ్ గెలాక్సీ ఏ14 ఫోన్‍లో ఎగ్జినోస్ 850 4జీ ప్రాసెసర్ ఉంది. ఆండ్రాయిడ్ 13 బేస్డ్ వన్‍యూఐ 5 ఆపరేటింగ్ సిస్టమ్‍తో ఈ ఫోన్ వచ్చింది. స్టోరేజీని ఉపయోగించుకొని 8జీబీ వరకు వర్చువల్‍గా ర్యామ్‍ను పొడిగించుకునే ర్యామ్ ప్లస్ ఫీచర్‌ను ఈ ఫోన్‍కు ఇచ్చింది సామ్‍సంగ్. 6.6 ఇంచుల ఫుల్ హెచ్‍డీ+ PLS LCD డిస్‍ప్లేను ఈ స్మార్ట్ ఫోన్ కలిగి ఉంది. స్టాండర్డ్ 60Hz రిఫ్రెష్ రేట్ ఉంటుంది.

సామ్‍సంగ్ గెలాక్సీ ఏ14 మొబైల్‍లో 5,000mAh బ్యాటరీ ఉంది. ఫింగర్ ప్రింట్ స్కానర్ పవర్ బటన్‍కే ఉంటుంది. డ్యుయల్ సిమ్, 4జీ ఎల్‍టీఈ, వైఫై, బ్లూటూత్, 3.5mm హెడ్‍ఫోన్ జాక్, యూఎస్‍బీ టైప్-సీ పోర్టు కనెక్టివిటీ ఫీచర్లుగా ఉన్నాయి.

Samsung Galaxy A14: సామ్‍సంగ్ గెలాక్సీ ఏ14 వెనుక మూడు కెమెరాలు ఉన్నాయి. 50 మెగాపిక్సెల్ ప్రైమరీ, 5 మెగాపిక్సెల్ అల్ట్రా వైడ్, 2 మెగాపిక్సెల్ సెన్సార్ కెమెరాలు ఉన్నాయి. 13 మెగాపిక్సెల్ ఫ్రంట్ కెమెరాను ఈ ఫోన్‍కు సామ్‍సంగ్ పొందుపరిచింది.

సామ్‍సంగ్ గెలాక్సీ ఏ14 ధర, సేల్

Samsung Galaxy A14 Price in India: 4జీబీ ర్యామ్ + 64జీబీ స్టోరేజ్ ఉండే సామ్‍సంగ్ గెలాక్సీ ఏ14 బేస్ వేరియంట్ ధర రూ.13,999గా ఉంది. 4జీబీ ర్యామ్ + 128జీబీ స్టోరేజ్ ఉన్న వేరియంట్ రూ.14,999 ధరతో వచ్చింది. బ్లాక్, లైట్ గ్రీన్, సిల్వర్ కలర్ ఆప్షన్‍లలో ఈ ఫోన్ లభిస్తోంది. సామ్‍సంగ్ అఫీషియల్ వెబ్‍సైట్‍లో ఈ ఫోన్ సేల్‍కు అందుబాటులో ఉంది. ఈ-కామర్స్ సైట్లు, ఆఫ్‍లైన్ స్టోర్లలోనూ లభిస్తుంది. ప్రస్తుతం ఎస్‌‍బీఐ క్రెడిట్ కార్డుతో సామ్‍‍సంగ్ వెబ్‍సైట్‍లో సామ్‍సంగ్ గెలాక్సీ ఏ14ను కొనుగోలు చేస్తే రూ.1,000 డిస్కౌంట్ లభిస్తుంది.