Discounts on Honda cars : ఈ రెండు హోండా వాహనాలపై అదిరిపోయే డిస్కౌంట్స్​..!

Discounts on Honda cars : పండుగ సీజన్​ నేపథ్యంలో సంస్థకు చెందిన కొన్ని మోడల్స్​పై భారీ డిస్కౌంట్లను ప్రకటించింది హోండా. ఫిఫ్త్​ జనరేషన్​ హోండా సిటీ, హండా అమెజ్​లపై ప్రస్తుతం ఆఫర్స్​ ఉన్నాయి. అక్టోబర్​ నెల చివరి వరకు ఈ రెండు వాహనాలపై ఈ డిస్కౌంట్స్​​ కొనసాగుతాయి. పూర్తి వివరాల్లోకి వెళితే..

హోండా వాహనాలపై డిస్కౌంట్లు..

హోండా సిటీ, హోండా అమేజ్​లపై మొత్తం మీద రూ. 75వేల వరకు డిస్కౌంట్లు ఇస్తోంది దిగ్గజ ఆటోమొబైల్​ సంస్థ. క్యాష్​బ్యాక్​, ఫ్రీ యాక్ససరీస్​, లాయల్టీ, ఎక్స్​ఛేంజ్​ బోనస్​, కార్పొరేట్​ డిస్కౌంట్స్​ రూపంలో ఈ ఆఫర్స్​ ఉంటాయి.

Discounts on Honda City in October : ప్రస్తుతం మార్కెట్​లో హోండా సిటీ ప్రారంభ ఎక్స్​షోరూం ధర రూ. 11.63లక్షలుగా ఉంది. దీనిపై రూ. 25వేల వరకు క్యాష్​ డిస్కౌంట్​ లేదా రూ. 26,947 విలువ చేసే ఫ్రీ అఫీషియల్​ యాక్ససరీస్​ పొందొచ్చు. పాత హోండా కారను కొత్త హోండా సిటీతో రిప్లేస్​ చేయాలనుకుంటే.. రూ. 6వేల వరకు డిస్కౌంట్​ ఇస్తోంది సంస్థ. ఇతర వాహనాల ఎక్స్​ఛేంజ్​ బెనిఫిట్స్​ మాత్రం రూ. 15వేల వరకు ఉన్నాయి. రెండు కార్పొరేట్​ డిస్కౌంట్​ ప్యాకేజీలు సైతం ఉన్నాయి. వీటి విలువ వరుసగా రూ. 5వేలు, రూ. 20వేలు.

ఇక హోండా అమేజ్​ విషయానికొస్తే. ఈ మోడల్​పై అక్టోబర్​ చివరి వరకు రూ. 57వేల వరకు తగ్గింపు లభిస్తోంది. క్యాష్​ డిస్కౌంట్​, కార్పొరేట్​ డిస్కౌంట్, లాయల్టీ రూపంలో వీటిని పొందొచ్చు. రూ. 15వేల క్యాష్​ డిస్కౌంట్​ లేదా రూ. 18,147 విలువ చేసే ఫ్రీ యాక్ససరీస్​ పొందొచ్చు. లాయల్టీ బోనస్​ కింద రూ. 3వేల వరకు తగ్గింపు వస్తోంది. స్పెషల్​ కార్పొరేట్​ డిస్కౌంట్​తో రూ. 20వేల అదనపు తగ్గింపు కూడా పొందొచ్చు. ఎక్స్​ఛేంజ్​ ఆఫర్​ కింద రూ. 15వేల వరకు ప్రైజ్​ దిగొస్తుంది.

Discounts on Honda Amaze in October : అయితే.. ఈ ఆఫర్స్​ ఈ నెల చివరి వరకే అన్న విషయాన్ని గుర్తుపెట్టుకోవాలి.

ఇటీవలే లాంచ్​ అయిన హోండా ఎలివేట్​తో పాటు ఇతర మోడల్స్​పై సంస్థ ఇంకా ఎలాంటి డిస్కౌంట్లను ప్రకటించలేదు. రానున్న రోజుల్లో ఏమైనా ప్రకటనలు వస్తాయా లేదా అన్నది చూడాలి.