Special Trains: కాచిగూడ, తిరుపతి, నాగర్ సోల్, బెంగళూరుకు స్పెషల్ ట్రైన్లు
Special Trains From Telugu States: ప్రయాణికులకు గుడ్ న్యూస్ చెప్పింది దక్షిణ మధ్య రైల్వే. కాచిగూడ నుంచి తిరుపతి, నాగర్ సోల్ కి స్పెషల్ ట్రైన్స్ ను ప్రకటించింది. నాందేడ్ నుంచి యశ్వంతపూర్ కు స్పెషల్ ట్రైన్లను ప్రకటించింది. ఈ మేరకు వివరాలను ప్రకటించింది.
South Central Railway Special Trains: ప్రయాణికుల రద్దీ దృష్ట్యా దక్షిణ మధ్య రైల్వే కీలక నిర్ణయం తీసుకుంది. తెలుగు రాష్ట్రాల్లోని ఇప్పటికే పలు ప్రాంతాలకు ప్రత్యేక రైళ్లు ప్రవేశపెట్టగా... తాజాగా మరికొన్నింటిని ప్రకటించింది. ఇందులో కాచిగూడ, తిరుపతి, నాగర్ సోల్, యశ్వంతపూర్ ల నుంచి నడపనున్నాయి. ఈ మేరకు వివరాలను ప్రకటించింది.
ట్రెండింగ్ వార్తలు
kachiguda - tirupati special trains: కాచిగూడ నుంచి తిరుపతికి ఈ నెల 26న స్పెషల్ ట్రైన్ ను ప్రకటించింది దక్షిణ మధ్య రైల్వే. ఈ ట్రైన్ 22.30 గంటలకు బయలుదేరి మరుసటి రోజు 10.00 గంటలకు గమ్యానికి చేరుతుంది. తిరుపతి-కాచిగూడ ప్రత్యేక ట్రెన్ ఈ నెల 27న నడపనున్నారు. ఈ ట్రైన్ 15.30 గంటలకు బయలుదేరి.. మరుసటి రోజు 03:45 గంటలకు గమ్యానికి చేరుతుంది. ఈ స్పెషల్ ట్రైన్లు షాద్ నగర్, జడ్చర్ల, మహబూబ్ నగర్, వనపర్తి రోడ్, గద్వాల్, కర్నూల్ సిటీ, డోన్, గుత్తి, తాడిపత్రి, ఎర్రగుంట్ల, కడప, రాజంపేట్, రేణిగుంట స్టేషన్లలో ఆగుతుంది.
kachiguda -nagarsole special trains: కాచిగూడ-నాగర్ సోల్ స్పెషల్ ట్రైన్ ను ఈ నెల 28న ప్రకటించారు. ఈ ట్రైన్ రాత్రి 08.20 గంటలకు బయలుదేరి.. మరుసటి రోజు 08.35 గంటలకు గమ్యానికి చేరుతుంది. నాగర్ సోల్ -కాచిగూడ స్పెషల్ ట్రైన్ ను ఈ నెల 29న ప్రకటించారు. ఈ ట్రైన్ 22.00 గంటలకు బయలుదేరి.. మరుసటి రోజు 09.45 గంటలకు గమ్యానికి చేరుతుంది. ఈ ట్రైన్లు మల్కాజ్ గిరి, మేడ్చల్, కామారెడ్డి, నిజామాబాద్, బాసర, ధర్మాబాద్, నాందేడ్, పూర్ణ, జాల్నా, ఔరంగాబాద్ స్టేషన్లలో ఆగుతుంది.
nanded to yesvantpur special trains: నాందేడ్- యశ్వంతపూర స్పెషల్ ట్రైన్ ను ఈ నెల 30న ప్రకటించింది దక్షిణ మధ్య రైల్వే. ఈ ట్రైన్ 13.35 గంటలకు బయలుదేరి.. మరుసటి రోజు 10.30 గంటలకు గమ్యానికి చేరుతుంది. యశ్వంతపూర్-నాందేడ్ స్పెషల్ ట్రైన్ ను ఈ నెల 31న ప్రకటించారు. ఈ ట్రైన్ 17.20 గంటలకు బయలుదేరి.. మరుసటి రోజు 15.30 గంటలకు చేరుకుంటుందని అధికారులు వెల్లడించారు.
ఈ ప్రత్యేక రైళ్లు ధర్మాబాద్, బాసర, నిజామాబాద్, కామారెడ్డి, మేడ్చల్, మల్కాజ్ గిరి, మహబూబ్ నగర్, గద్వాల్, కర్నూల్ సిటీ, డోన్, గుత్తి, అనంతపూర్, ధర్మవరం, పెనుగొండ, హిందూపూర్, యల్హంక స్టేషన్లలో ఆగుతుందని అధికారులు వెల్లడించారు.
ఈ ప్రత్యేక రైళ్లలో 2AC, 3AC, స్లీపర్ క్లాస్, జనరల్ సెకండ్ క్లాస్ కోచ్ లు ఉంటాయని అధికారులు వెల్లడించారు. ఈ సేవలను ప్రయాణికులు వినియోగించుకోవాలని ఓ ప్రకటనలో కోరారు.
