BRS Stand On CBN Arrest : మారుతున్న గులాబీ నేతల గళం...! వ్యూహంలో భాగమేనా..?

BRS stand seems to have changed regarding Chandrababu arrest

paragraph

<p><strong>BRS On Chandrababu Arrest: </strong>స్కిల్ స్కామ్ కేసులో టీడీపీ అధినేత చంద్రబాబు అరెస్ట్ కావటం రాజకీయవర్గాల్లో సంచలనం సృష్టించిన సంగతి తెలిసిందే. ఎన్నికలకు ఏడాది సమయం ఉండగానే ఏపీ కేంద్రంగా హాట్ హాట్ పాలిటిక్స్ జరుగుతుండగా... ఈ సెగ తెలంగాణను కూడా తాకింది. ప్రధానంగా అధికార బీఆర్ఎస్ స్టాండ్ పై ఆసక్తికరమైన చర్చ జరుగుతోంది. మొన్నటి వరకు తమకేం సంబంధం లేని... న్యూట్రల్ స్టాండ్ అని చెప్పే ప్రయత్నం చేసింది బీఆర్ఎస్. పక్క రాష్ట్రం మ్యాటర్ ఇక్కడేందుకు అంటూ కేటీఆర్ చేసిన కొన్ని వ్యాఖ్యలు.. పార్టీకి డ్యామేజీ చేసేలా ఉన్నాయనే ఫీడ్ బ్యాంక్ అందిందనే చర్చ వినిపిస్తోంది. ఆ వెంటనే తేరుకున్న గులాబీ నాయకత్వం.... ఆచితూచీ అడుగులు వేయటమే కాదు.. స్వరాలను మార్చే పనిలో ఉన్నట్లు కనిపిస్తోంది. అందుకు తాజా పరిణామాలే బలం చేకూరుస్తున్నాయి.</p>

<h2>హైకమాండ్ అలా... నేతలు మరోలా..!</h2><p>చంద్రబాబు అరెస్టు విషయంలో బీఆర్ఎస్ హైకమాండ్ ఒకలా వ్యవహరిస్తే... పలు నియోజకవర్గాలోని నేతల రూట్ మాత్రం మరోలా ముందుకు సాగారు. పైన ఉన్న నేతలు న్యూట్రల్ స్టాండ్ తీసుకున్నట్లు కనిపించినా... బహిరంగంగా మాత్రం స్పందించలేదు. కానీ పలు నియోజకవర్గాల్లోని నేతలు మాత్రం... అదినాయకత్వానికి భిన్నంగా వ్యవహరించారు. ఏకంగా చంద్రబాబును అరెస్టును ఖండించటంతో పాటు... స్థానికంగా తలపెట్టిన ర్యాలీలో కూడా పాల్గొన్నారు. ఖమ్మం, ఎల్బీనగర్, కూకట్ పల్లి, కుత్బుల్లాపూర్, శేరిలింగంపల్లి వంటి పలు నియోజకవర్గాల్లో నిరసన కార్యక్రమాలు జరిగాయి. ఇందుకు అక్కడ ఉన్న స్థానిక బీఆర్ఎస్ ఎమ్మెల్యేలు కూడా సంఘీభావం తెలిపారు. ఖమ్మంలోని పరిస్థితులు మరో లెవల్ లో ఉన్నాయి. ఇక్కడ గత వారం 'వీ సపోర్ట్ సీబీఎన్'​ పేరుతో చంద్రబాబు ఫాలోవర్స్​ భారీ ర్యాలీ నిర్వహించారు. దీనికి మంత్రి పువ్వాడ అన్ని విధాలా సపోర్ట్ చేశారనే టాక్ జోరుగా వినిపిస్తోంది. ఒక్క ఖమ్మం పట్టణంలోనే కాదు... జిల్లా వ్యాప్తంగా ఉన్న బీఆర్ఎస్ నేతలు చంద్రబాబు అరెస్టును తీవ్రంగా ఖండించారు. నిరసన ర్యాలీలు చేపడుతా... ఒకరిని మించి మరోకరు స్టేట్ మెంట్లు ఇస్తున్నారు. ఇక ఓ మీడియా సమావేశంలో మాట్లాడుతూ... చంద్రబాబు అరెస్టుపై స్పందించారు మంత్రి కేటీఆర్. ఈ సందర్భంగా ఆయన చేసిన కొన్ని వ్యాఖ్యలు... హాట్ టాపిక్ గా మారాయి. పక్క రాష్ట్రం విషయం మనకేందుకు అనటంతో.... పార్టీకి పలు ఇబ్బందులు తెచ్చిపెట్టేంత వరకు వచ్చిందట!</p>

<h3>ఎందుకిలా...?</h3><p>మరికొద్దిరోజుల్లో తెలంగాణలో అసెంబ్లీ ఎన్నికలు జరగనున్నాయి. దీనికితోడు... తెలంగాణ ప్రాంతంలోని చాలా నియోజకవర్గాల్లో టీడీపీ సానుభూతిపరులు, ఆ పార్టీలో పని చేసిన అనుభవం ఉన్న చాలా మంది ఉన్నారు. ఇక వారే కాకుండా... చాలా నియోజకవర్గాల్లో సెటిలర్లు భారీగా ఉన్నారు. ఇందులో కమ్మ సామాజికవర్గం వారి సంఖ్య ఎక్కువే. ఇక ప్రస్తుత బీఆర్ఎస్ లో ఉన్న చాలా మంది నేతలు కూడా తెలుగుదేశం నుంచి వచ్చినవారే. ఈ పరిస్థితుల నేపథ్యంలో... చంద్రబాబు అరెస్టుపై స్పందించకపోతే ఇబ్బందులు తలెత్తే అవకాశం స్పష్టంగా ఉంటుందని... సదరు నేతలు భావించినట్లు కనిపిస్తోంది. ముఖ్యంగా కూకట్ పల్లి, శేరిలింగంపల్లి, కుత్బుల్లాపూర్, ఎల్బీనగర్, పటాన్ చెరుతో పాటు ఖమ్మం జిల్లాలోని అన్ని నియోజకవర్గాల్లో సెటిలర్లు ఎక్కువగా ఉంటారు. ఆయా నియోజకవర్గాల్లోలో మెజార్టీ సంఖ్యలో బీఆర్ఎస్ కు చెందిన వారే ఎమ్మెల్యేలుగా ఉన్నారు. ఈ క్రమంలో... చంద్రబాబు అరెస్టును ఖండించకుండా, హైకమాండ్ వైఖరిని అనుసరిస్తే… నష్టం వాట్లిల్లే అవకాశం ఉంటుందని అంచనా వేయటమే కాకుండా…. అందుకు తగ్గట్టుగానే సదరు నేతలు... బహిరంగంగానే స్టేట్ మెంట్లు ఇచ్చేశారు. నిరసన కార్యక్రమాల్లో కూడా పాల్గొన్నారు. ఇక తెలంగాణ శాసనసభ స్పీకర్ పోచారం కూడా చంద్రబాబు అరెస్టును బహిరంగంగా ఖండించారు. దీనికి కారణం లేకపోలేదు. ఆయన ప్రాతినిధ్యం వహిస్తున్న బాన్సువాడ నియోజకవర్గంలోని ఓ మండలంలో అత్యధికంగా సెటిలర్లు ఉన్నారు. పైగా చంద్రబాబుతో కలిసి పని చేసిన అనుభవం కూడా ఆయనకు ఉంది.</p>

<h3>మారుతున్న స్వరాలు...</h3><p>గత రెండు రోజులుగా చూస్తే.... బీఆర్ఎస్ పెద్దల స్వరం కూడా మారుతున్నట్లు స్పష్టంగా కనిపిస్తోంది. మీడియా సమావేశంలో కేటీఆర్ చేసిన వ్యాఖ్యలు బెడిసికొట్టినట్లు అయిందనే చెప్పొచ్చు. అయితే శనివారం ఖమ్మంలో పర్యటించిన కేటీఆర్.. టీడీపీ వ్యవస్థాపకుడైన దివంగత ఎన్టీఆర్ ను ఆకాశానికి ఎత్తేశారు. ప్ర‌పంచంలో తెలుగు వారు ఎక్క‌డ ఉన్నా.. వారంద‌రికీ ఆరాధ్య దైవం ఎన్టీఆరేన‌ంటూ చెప్పుకొచ్చారు. ఖమ్మం జిల్లాలోని లకారం ట్యాంక్‌ బండ్‌పై రూ.1.37 కోట్ల వ్య‌యంతో నూతనంగా నిర్మించిన ఎన్టీఆర్‌ పార్క్‌ సహా విగ్రహాన్ని ఖ‌ మంత్రి పువ్వాడ అజయ్‌ కుమార్‌తో కలిసి కేటీఆర్‌ ఆవిష్కరించారు. రాముడిని, కృష్ణుడిని జనం ఆయనలోనే చూసుకుంటారన్న మంత్రి కేటీఆర్... అలాంటి మహానుభావుడి విగ్రహాన్ని ఆవిష్కరించగలగడం తన అదృష్టమని చెప్పారు. తారక రామారావు పేరులోనే పవర్ ఉందని, తనకూ ఆ పేరు ఉండడం సంతోషంగా ఉందని వివరించారు. ఎన్టీఆర్ పేరు పెట్టుకున్నందుకే రెండు సార్లు మంత్రిని కూడా అయ్యానన్నారు కేటీఆర్. ఇదిలా ఉంటే... పార్టీలో కీలక నేతగా ఉన్న మంత్రి హరీశ్ రావు కూడా చంద్రబాబు అరెస్టుపై స్పందించారు. చంద్రబాబు అరెస్ట్ దురదృష్టకరమని చెప్పిన ఆయన... ఈ వయసులో అరెస్ట్ చేయటం మంచిదికాదంటూ మాట్లాడారు. పార్టీలో కీలక నేతలుగా ఉన్న కేటీఆర్, హరీశ్ చేసిన ఈ వ్యాఖ్యలు రాజకీయవర్గాల్లో ఆసక్తికరంగా మారాయి.</p>

<p>మొన్నటి వరకు తటస్థ వైఖరితో ఉన్న గులాబీ పెద్దలు... ఉన్నట్టుండి ఒక్కసారిగా ఈ మాదిరిగా స్పందించటం టాక్ ఆఫ్ ది పాలిటిక్స్ గా మారింది. అయితే బీఆర్ఎస్ నేతల స్టాండ్ వెనక పక్కా వ్యూహం ఉందనే చర్చ కూడా రాజకీయ వర్గాల్లో జరుగుతోంది. గత ఎన్నికల్లో సెటిలర్లు బీఆర్ఎస్ వైపు నిలవటంతో... ఆయా నియోజకవర్గాల్లో గులాబీ జెండా ఎగిరింది. మరికొద్దిరోజుల్లో ఎన్నికలు ఉన్న నేపథ్యంలో.... వారి ఓట్లు పక్కకు వెళ్లకుండా ముందస్తు జాగ్రత్తగా బీఆర్ఎస్ నేతలు పావులు కదుపుతున్నారని విశ్లేషకులు అభిప్రాయపడుతున్నారు. అప్రమత్తంగా వ్యవహరించకుంటే...సెటిలర్లు కాంగ్రెస్ వైపు మళ్లే ఛాన్స్ ఉందనే భయం కూడా బీఆర్ఎస్ ను వెంటాడుతుందట! అన్నింటిని లెక్కలో వేసుకునే.... చంద్రబాబు అరెస్ట్ అంశం విషయంలో ఆచితూచీ అడుగులు వేయాలని బీఆర్ఎస్ భావిస్తున్నట్లు కనిపిస్తోంది. వైసీపీ అనుకూల వర్గ ఓట్ల కూడా తమకే దక్కేలా అడుగులు వేయాలని చూస్తుందట!</p>

<p>ఇక తెలంగాణ నేతల రియాక్షన్లపై వైసీపీ నేతలు ఘాటుగా స్పందిస్తున్నారు. చంద్రబాబుపై ప్రేమతో తెలంగాణ ఖండించటం లేదని... కేవలం ఓట్ల కోసమే తమాషాలు చేస్తున్నారంటూ స్టేట్ మెంట్లు ఇస్తున్నారు. మొత్తంగా చంద్రబాబు అరెస్ట్ అంశం మరికొద్దిరోజుల పాటు... ఇరు రాష్ట్రాల్లో హాట్ టాపిక్ గానే ఉండేలా కనిపిస్తోంది.</p>

కాంగ్రెస్‌కు తెలంగాణ‌లో ఇదే అతి పెద్ద గెలుపు

Congress party wins in telangana

<ul><li>తెలంగాణ ప్రాంతంలో కాంగ్రెస్‌కు ఇదే అతిపెద్ద గెలుపు. నాటి నుంచి నేటి వరకు కాంగ్రెస్ గెలుపోటములపై విశ్లేషణ.</li></ul>

సీఎం కుర్చీ ఎవరిది? రేవంత్‌కు పగ్గాలు దక్కుతాయా?

who will be the cm for telangana

<ul><li>తెలంగాణ అసెంబ్లీ ఎన్నికల్లో కాంగ్రెస్ విజయం ఖరారైంది. ఇక ఆ పార్టీ నుంచి సీఎం కుర్చీ ఎవరికి దక్కనుంది? అధిష్టానం రేవంత్‌కే మొగ్గుచూపుతుందా?&nbsp;</li></ul>

ప్రభుత్వ వ్యతిరేకతే బీఆర్ఎస్ పుట్టి ముంచింది.. ఈ 8 అంశాలే కారణం

telangana assembly elections

<ul><li>తెలంగాణ అసెంబ్లీ ఎన్నికల్లో అధికార పార్టీ ఓడిపోవడానికి కారణాలు ఇక్కడ తెలుసుకోండి.</li></ul>

Telangana Assembly Election Result 2023 Social Media Reaction Live Updates : రేవంత్ రెడ్డి సంచలన ప్రకటన

<ul><li>Telangana Assembly Election Result 2023 Social Media Reaction : తెలంగాణలో కాంగ్రెస్ పార్టీ స్పష్టమైన మెజార్టీతో దూసుకెళ్తోంది. 60కి పైగా స్థానాల్లో హస్తం జోరు చూపిస్తోంది. దీంతో సోషల్ మీడియాలో పెద్ద ఎత్తున కాంగ్రెస్ పార్టీకి శుభాకాంక్షలు వెల్లువెత్తుతున్నాయి.</li></ul>

<ul><li>Chandrababu Arrest : చంద్రబాబు అరెస్టు అంశం ఏపీలోనే కాదు... తెలంగాణలోనూ చర్చనీయాంశంగా మారింది. ప్రధానంగా అధికార BRSకు తలనొప్పిగా మారిన పరిస్థితులు కనిపిస్తున్నాయి. మొన్నటి వరకు న్యూట్రల్ అని చెప్పిన గులాబీ పెద్దలు... ఇప్పుడు మరోలా రియాక్ట్ అవుతున్నారు. ఇది కాస్త రాజకీయవర్గాల్లో ఆసక్తికరంగా మారింది.</li></ul>

Telangana Congress : మైనంపల్లి ఎఫెక్ట్...! తెరపైకి 'ఒకే కుటుంబానికి 2 టికెట్లు'

two tickets for one family became a hot topic in telangana congress After Mynampally joined the party

<p><strong>Telangana Assembly Elections 2023 : </strong>త్వరలోనే తెలంగాణ అసెంబ్లీ ఎన్నికల యుద్ధం మొదలుకాబోతుంది. ఇప్పటికే ప్రధాన పార్టీలు... వ్యూహలు, ప్రతివ్యూహాలను సిద్ధం చేస్తున్నాయి. పోటీలో నిలిచి గెలిచే వారి జాబితాను కూడా రెడీ చేసుకునే పనిలో పడ్డాయి. కీలకమైన స్థానాల విషయంపై కూడా మేథోమథనం చేస్తున్నాయి. ప్రత్యర్థిని ఢీకొట్టే దిశగా అడుగులు వేస్తున్నాయి. బీఆర్ఎస్ ఏకంగా 115 మంది అభ్యర్థులను ప్రకటించి ఎన్నికల సమరంలోకి దిగింది. నియోజకవర్గాల్లో ప్రచారం కూడా మొదలుపెట్టేసింది.మరోవైపు ప్రధాన ప్రతిపక్షమైన కాంగ్రెస్…ఈసారి ఎలాగైనా తెలంగాణలో పాగా వేయాలని చూస్తోంది. అందుకు తగ్గట్టే కార్యాచరణను సిద్ధం చేయటంతో పాటు… విజయభేరి సభతో ఎన్నికల శంఖారావాన్ని పూరించింది. అంతేకాదు కీలకమైన ఆరు హామీలతో గ్యారెంటీ కార్డును ప్రకటించింది. తాము అధికారంలోకి వస్తే ఏం చేస్తామనే విషయాన్ని స్పష్టంగా చెప్పేసింది. ఇక అభ్యర్థుల జాబితాను ప్రకటించటమే మిగిలి ఉంది. ఇదే సమయంలో అధికార పార్టీలోని అసంతృప్తులకు గాలం వేసి… తమవైపు తిప్పుకుంటోంది. ఈ నేపథ్యంలోనే ఓ చేరిక అంశం… పార్టీలో హాట్ టాపిక్ గా మారింది.</p>

<p>ఇటీవలే మల్కాజ్ గిరి ఎమ్మెల్యే మైనంపల్లి హన్మంతరావు బీఆర్ఎస్ పార్టీకి రాజీనామా చేశారు. తాము అడిగిన రెండు టికెట్లు ఇవ్వకపోవటంతో బీఆర్ఎస్ పార్టీపై తీవ్ర అసంతృప్తిని వ్యక్తం చేసిన మైనంపల్లి… కారు దిగేశారు. కొద్దిరోజుల పాటు వేచి చూసిన ఆయన… తాజాగా ఢిల్లీలో ఖర్గే సమక్షంలో కాంగ్రెస్ పార్టీ కండువా కప్పుకున్నారు. ఆయన కుమారుడు మైనంపల్లి రోహిత్ కూడా  హస్తం గూటికి చేరారు. అయితే రెండు టికెట్ల విషయంలో క్లారిటీ వచ్చిన తర్వాతే… మైనంపల్లి కాంగ్రెస్ లో చేరారని తెలుస్తోంది. మల్కాజ్ గిరి నుంచి మైనంపల్లికి, మెదక్ నుంచి ఆయన కుమారుడు రోహిత్ కు ఛాన్స్ ఇవ్వటం ఖాయంగానే కనిపిస్తోంది.  ఇదే విషయంపై రేవంత్ రెడ్డి కూడా పరోక్షంగా హింట్ ఇచ్చారు. సీట్లపై హైకమాండ్ నుంచి హామీ వచ్చిన తర్వాతే…. మైనంపల్లి కాంగ్రెస్ లో చేరారనే చర్చ గట్టిగా వినిపిస్తోంది. వీరిద్దరి పేరు కాంగ్రెస్ జాబితాలో ఉండటం ఖాయమే అని టాక్ జోరుగా నడుస్తోంది.</p>

<h3><strong>తెరపైకి మరికొందరు…?</strong></h3><p>కొద్దిరోజుల క్రితమే ఒకే కుటుంబంలో రెండు టికెట్ల అంశం తెలంగాణ కాంగ్రెస్ లో చర్చకు వచ్చింది. ఈ విషయంలో ఉత్తమ్, రేవంత్ రెడ్డి మధ్య వాగ్వాదం జరిగినట్లు వార్తలు కూడా వచ్చాయి. కట్ చేస్తే….తాజాగా మైనంపల్లి చేరికతో మళ్లీ ఈ ఇష్యూ తెరపైకి వచ్చేలా కనిపిస్తోంది. ఇప్పటికే మాజీ మంత్రి, సీనియర్ నేత జానారెడ్డి… రెండు టికెట్లను గట్టిగా కోరుతున్నారు. తాను పోటీలో ఉండటం లేదని… తన ఇద్దరు కుమారులకు ఛాన్స్ ఇవ్వాలని పట్టుబడుతున్నారు. రెండు టికెట్లు కోసం దరఖాస్తులు పెట్టుకున్నారు. ఆయనే కాకుండా… ఉత్తమ్ కుమార్ రెడ్డి దంపతులు కూడా మొదట్నుంచి రేసులో ఉన్నారు. అందోల్‌ నుంచి దామోదర రాజనరసింహతో ఆయన కూతురు త్రిష, ములుగు నుంచి సీతక్క, పినపాక నుంచి ఆమె కుమారుడు సూర్యం కూడా దరఖాస్తులు పెట్టుకున్నారు. ఇక మాజీ కేంద్రమంత్రి బలరాం నాయక్ కూడా రెండు టికెట్లు ఆశిస్తున్నారు.  ఇక కొండ మురళీ దంపతులకు రెండు టికెట్లు కావాలని కోరుతున్నారు. పరకాల నుంచి కొండ మురళీకి, వరంగల్‌ తూర్పు నుంచి కొండ సురేఖ టికెట్‌ ఆశిస్తున్నారు. హైదరాబాద్ నగరానికి చెందిన  మరోనేత అంజన్ కుమార్ యాదవ్ కూడా ఇదే జాబితాలో ఉన్నారు.</p>

<p>ఒకే కుటుంబంలో ఇద్దరిద్దరికి టికెట్లు కావాలంటూ పట్టుబడుతుండటంతో పార్టీ నేతలకు పెద్ద తలనొప్పిగా మారినట్లు కనిపిస్తోంది. కొత్తగా వచ్చిన వారికి రెండు టికెట్లపై హామీ ఇస్తే… పార్టీ కోసం ఎన్నో ఏళ్లుగా పని చేస్తున్న తమకు ఎందుకు ఇవ్వరనే వాదనను పలువురు నేతలు తెరపైకి తీసుకువస్తున్నారు. మరోవైపు కుటుంబానికి ఒకే టికెట్ అన్న విషయంపై ఉదయ్ పూర్ డిక్లరేషన్  లో క్లియర్ గా ఉంది. ఈ డిక్లరేషన్ ప్రకారం చూస్తే…. ఒకే కుటుంబంలో రెండు టికెట్లు ఇవ్వటం కష్టమే. కానీ ఈ విషయంలో పార్టీ ఏ విధంగా ముందుకెళ్లబోతుందనేది ఆసక్తికరంగా మారింది…!</p>

<ul><li>TS Assembly Elections 2023: మైనంపల్లి చేరికతో కాంగ్రెస్ లో రెండు టికెట్ల అంశం మళ్లీ తెరపైకి వస్తోంది. తమకు కూడా రెండు టికెట్లు ఇవ్వాలని పలువురు సీనియర్ నేతలు… హైకమాండ్ ను కోరే పనిలో ఉన్నారని తెలుస్తోంది.</li></ul>

Telangana Congress : కాంగ్రెస్‍లో 'బీసీ' నినాదం...!టికెట్ల లెక్క తేలుతుందా..?

telangana congress BC leaders demand a minimum of 34 seats in Assembly elections 2023

<p><strong>BC MLA Tickets Issue in Congress: </strong> తెలంగాణలో అసెంబ్లీ ఎన్నికల యుద్ధం మొదలుకాబోతుంది. ఇప్పటికే ప్రధాన పార్టీలు... వ్యూహలు, ప్రతివ్యూహాలను సిద్ధం చేస్తున్నాయి. పోటీలో నిలిచి గెలిచే వారి జాబితాను కూడా రెడీ చేసుకునే పనిలో పడ్డాయి. కీలకమైన స్థానాల విషయంపై కూడా మేథోమథనం చేస్తున్నాయి. ప్రత్యర్థిని ఢీకొట్టే దిశగా అడుగులు వేస్తున్నాయి. బీఆర్ఎస్ ఏకంగా 115 మంది అభ్యర్థులను ప్రకటించి ఎన్నికల సమరంలోకి దిగింది. నియోజకవర్గాల్లో ప్రచారం కూడా మొదలుపెట్టేసింది.మరోవైపు ప్రధాన ప్రతిపక్షమైన కాంగ్రెస్…ఈసారి ఎలాగైనా తెలంగాణలో పాగా వేయాలని చూస్తోంది. అందుకు తగ్గట్టే కార్యాచరణను సిద్ధం చేయటంతో పాటు… విజయభేరి సభతో ఎన్నికల శంఖారావాన్ని పూరించింది. అంతేకాదు కీలకమైన ఆరు హామీలతో గ్యారెంటీ కార్డును ప్రకటించింది. తాము అధికారంలోకి వస్తే ఏం చేస్తామనే విషయాన్ని స్పష్టంగా చెప్పేసింది. ఇక అభ్యర్థుల జాబితాను ప్రకటించటమే మిగిలి ఉంది. ఇప్పటికే పలు స్థానాలపై లీకులు వస్తుండగా… పార్టీలోని ముఖ్య నేతలు బీసీ నినాదాన్ని గట్టిగా వినిపిస్తున్నారు. పార్టీ హైకమాండ్ తీసుకున్న నిర్ణయానికి అనుగుణంగా… ప్రతి పార్లమెంట్ నియోజకవర్గ పరిధిలోనూ బీసీ అభ్యర్థులకు టికెట్లు ఇవ్వాలని గట్టిగా కోరుతున్నారు. దీంతో పలు స్థానాల్లో నెలకొన్న పోటీ ఆసక్తికరంగా మారింది.</p>

<h2>ప్రతి పార్లమెంట్ పరిధిలో 2 సీట్లు…</h2><p>తెలంగాణలో మొత్తం 17 పార్లమెంట్ స్థానాలు ఉన్నాయి. అయితే ఇందులోని ప్రతి పార్లమెంట్ నియోజకవర్గ పరిధిలో రెండు సీట్లు బీసీలకు ఇవ్వాలని కాంగ్రెస్ లోని బీసీ నేతలు మొదట్నుంచి కోరుతున్నారు. ఈ విషయంలో పార్టీ కూడా సిద్ధంగా ఉందంటూ రాష్ట్ర నాయకత్వం కూడా పలుమార్లు ప్రకటనలు చేసింది. అయితే ప్రస్తుతం టికెట్ల కేటాయింపులపై కసరత్తు జరుగుతోంది. అయితే పలు పార్లమెంట్ నియోజకవర్గ పరిధిలో బీసీ నేతలకు టికెట్లు ఇవ్వటం కష్టంగా కనిపిస్తోంది. ఈ క్రమంలో అప్రమత్తమైన పార్టీలోని బీసీ నేతలు… ఇటీవేల ఓ ముఖ్య సమావేశం నిర్వహించారు.   బీసీలకు న్యాయం చేసే రీతిలో టికెట్ల కేటాయింపు ప్రక్రియ కొనసాగడం లేదనే అభిప్రాయాన్ని వ్యక్తం చేస్తూనే… బీసీలను విస్మరించే పని చేయవద్దని కోరారు. </p>

<p>ఇటీవలే కాంగ్రెస్ పార్టీలోకి వలసలు పెరిగాయి. ఈ క్రమంలో పలువురి నేతల టికెట్లు డైలామాలో పడిపోయాయి. ఇదే విషయాన్ని పార్టీలోని బీసీ నేతలు… గట్టిగా ప్రశ్నిస్తున్నారు. కొత్తగా వచ్చే వారికి టికెట్లు ఇస్తే…. తమ పరిస్థితేంటని ప్రశ్నిస్తున్నారు. ఉదాహరణకు జనగామలో పొన్నాల టికెట్ పై ఉత్కంఠ నెలకొంది. కొంత కాలం క్రితం పార్టీలోకి వచ్చిన కొమ్మూరి ప్రతాపరెడ్డికి టికెట్ దక్కే అవకాశం ఎక్కువగా ఉందనే టాక్ వినిపిస్తోంది. దీంతో పార్టీలో సీనియర్ నేతగా ఉన్న పొన్నాల పరిస్థితేంటన్న చర్చ తెరపైకి వస్తోంది. బీసీ సామాజికవర్గానికి  చెందిన పొన్నాలకు హ్యాండ్ ఇస్తే పార్టీకే నష్టమని బీసీ నేతలు చెబుతున్నారు. ఇక టికెట్ల అంశంపై పొన్నాల కూడా బహిరంగంగానే మాట్లాడుతున్నారు. బీసీలను విస్మరించవద్దని కోరుతున్నారు. ఇక మల్కాజ్ గిరిలో చూస్తే మైనంపల్లి రాకతో ఆయనకే టికెట్ వచ్చే ఛాన్స్ ఉంది. ఇక మొన్నటి వరకు బాధ్యతలు చూస్తున్న నందికంటి శ్రీధర్ పరిస్థితేంటన్న ప్రశ్న తెరపైకి వచ్చింది. ఇలా చాలా నియోజకవర్గాల్లోనూ పరిస్థితులు తారుమారయ్యే అవకాశాలు కనిపిస్తున్నాయి.</p>

<p>తాజా రాజకీయ పరిస్థితుల నేపథ్యంలో ప్రతి పార్లమెంట్‌కు రెండు బీసీ సీట్లు అనేది మరింత కష్టతరంగా మారిన పరిస్థితి కనిపిస్తుంది. ఉదాహరణకు నల్గొండ పార్లమెంటు స్థానంలోని దేవరకొండ (ఎస్టీ) మినహాయిస్తే…  ఆరు జనరల్ నియోజకవర్గాలున్నాయి. ఇందులో నల్గొండ, సూర్యాపేట, మిర్యాలగూడ, నాగార్జునసాగర్, హుజూర్ నగర్, కోదాడ నియోజవర్గలు ఉండగా… ఒక్క చోట కూడా బీసీ అభ్యర్థికి ఛాన్స్ దక్కే అవకాశం కనిపించటం లేదు. ఇక్కడ రెడ్డి సామాజికవర్గానికి చెందిన బలమైన నేతలు ఉన్నారు. ఇలాంటి చోట్ల రెండు సీట్లు బీసీలకు ఇస్తారా..? అన్నది కూడా చర్చనీయాంశంగా మారింది. భువనగిరి పార్లమెంట్ నియోజకవర్గ పరిధిలో ఆలేరులో బీసీ అభ్యర్థికి టికెట్ ఇచ్చే అవకాశం ఉండగా… మరో నియోజకవర్గంపై క్లారిటీ రావటం లేదు.  ఇలా దాదాపు మిగతా పార్లమెంట్ నియోజకవర్గాల్లోనూ బీసీ అభ్యర్థులకు టికెట్ల అంశం హాట్ టాపిక్ గా మారింది. </p>

<p>వచ్చే ఎన్నికల్లో 40 కి పైగా సీట్లు ఆశిస్తున్న బీసీ నేతలు… తమ సామాజికవర్గానికి న్యాయం చేయాలని కోరుతున్నారు. అలా కుదరకపోతే టికెట్ల కేటాయింపు అంశాన్ని ఢిల్లీ పెద్దల దృష్టికి తీసుకెళ్తామని చెబుతున్నారు. తమకు న్యాయం జరుగుతుందనే ధీమాను కూడా వ్యక్తం చేస్తున్నారు. అయితే ఈ విషయంలో పార్టీ ఎలా ముందుకెళ్లబోతుందనేది ఆసక్తికరంగా మారింది.</p>

<ul><li>Telangana Assembly Elections : తెలంగాణలో రాజకీయ పరిణామాలు వేగంగా మారుతున్నాయి. ఎన్నికలు సమీపిస్తున్న వేళ కాంగ్రెస్ దూకుడు పెంచే దిశగా అడుగులేస్తోంది. ఓవైపు 6 గ్యారెంటీ హామీల పేరుతో విస్తృతంగా ప్రజల్లోకి వెళ్లే పనిలో పడింది. మరోవైపు పార్టీలోని బీసీ నేతలు… &nbsp;కొత్త నినాదాన్ని తెరపైకి తీసుకువస్తున్నారు.</li></ul>

BRS Janagama Ticket : పల్లాకే 'జనగామ' టికెట్...? సయోధ్య కుదిరినట్టేనా..!

Palla Rajeshwar Reddy will be finalized as Janagama BRS candidate

<p><strong>Jangaon Assembly Constituency 2023 : </strong>అసెంబ్లీ ఎన్నికలకు టైం దగ్గరపడుతున్న వేళ <a class="manualbacklink" target="_blank" href="https://telugu.hindustantimes.com/telangana/narsapur-brs-ticket-madan-reddy-sunitha-lakshma-reddy-fight-for-seat-121695468549746.html">బీఆర్ఎస్ </a>లోని అంతర్గత కలహాలు తెరపైకి వస్తున్నాయి. అధినాయకత్వం సూచనలతో కాస్త వెనక్కి తగ్గినట్లు కనిపిస్తున్నప్పటికీ... ఎన్నికలకు మరికొద్దిరోజులే టైం ఉండటంతో.... టికెట్ ఆశించి భంగపడ్డ నేతలు ఆచితూచి అడుగులు వేస్తున్నారు. గట్టిగా హామీనైనా లభించేలా పావులు కదుపుతున్నారు. లాభం లేదనుకుంటే గుడ్ బై చెప్పి... పక్క పార్టీలో చేరేందుకు రంగం సిద్ధం చేసుకుంటున్నారు. టికెట్ దక్కించుకున్న మైనంపల్లి పార్టీకి రాజీనామా చేయటంతో... మొత్తం ఐదు స్థానాలకు అభ్యర్థులను ప్రకటించాల్సి ఉంది బీఆర్ఎస్. ఇందులో జనగామ సీటు అత్యంత కీలకంగా మారింది. ఇక్కడ సిట్టింగ్ ఎమ్మెల్యే ఉన్నప్పటికీ... మరో ఎమ్మెల్సీ గట్టిగా ప్రయత్నాలు చేయటంతో అభ్యర్థిని ప్రకటించకుండా పెండింగ్ లో పెట్టారు కేసీఆర్. అయితే ఇక టికెట్ పై క్లారిటీ ఇవ్వాలని భావిస్తున్న హైకమాండ్... ఆ దిశగా కసరత్తు పూర్తి చేసినట్లు తెలుస్తోంది. ఇక అభ్యర్థి పేరును అధికారికంగా ప్రకటించటమే మిగిలి ఉన్నట్లు కనిపిస్తోంది.</p>

<h2>పల్లాకే టికెట్...?</h2><p>జనగామ విషయంలో నిర్ణయం తీసుకోవాలని భావించిన గులాబీ పార్టీ హైకమాండ్... పల్లా రాజేశ్వర్ రెడ్డి వైపే మొగ్గుచూపినట్లు తెలిసింది. ఇవాళో, రేపో అధికారికంగా ప్రకటన రావొచ్చని పార్టీ వర్గాల మేరకు తెలుస్తోంది. అయితే ముత్తిరెడ్డి ఏదైనా నామినేటెడ్ పదవి ఇస్తారని సమాచారం. ఇప్పటికే ఆయనతో కూడా పార్టీ పెద్దలు చర్చలు జరిపినట్లు వార్తలు వస్తున్నాయి. ఇక్కడ కూడా ఘన్ పూర్ మాదిరిగా ఇద్దరి మధ్య సయోధ్య కుదిరే దిశగా పెద్దలు చర్యలు చేపట్టినట్లు తెలుస్తోంది. అయితే ముత్తిరెడ్డి కూడా రాజయ్య మాదిరిగా ఓకే అంటే… జనగామ పంచాయితీకి కూడా పుల్ స్టాప్ పడినట్లు అవుతుంది.</p>

<p>ఇదిలా ఉంటే తనకే టికెట్ దక్కుతుందనే విషయాన్ని పల్లా పరోక్షంగా చెబుతూ శనివారం పలు వ్యాఖ్యలు చేశారు. ముత్తిరెడ్డి మద్దతు, కేసీఆర్ ఆశీర్వాదంతో జనగాంలో జెండా ఎగరవేద్దామని తన ట్విట్టర్ లో ఓ వీడియోను పోస్టు చేశారు. ఇందులో పల్లా మాట్లాడుతూ... జనగామలోనూ ముత్తిరెడ్డి యాదగిరిరెడ్డి పదేళ్లుగా బాగా పని చేశారన్నారు. కొన్ని ఇబ్బందులవల్ల జనగామలో మనం(BRS) ఓడిపోయే అవకాశం ఇవ్వకూడదనే ఈ నిర్ణయం తీసుకున్నారన్నారు. సీఎం కేసీఆర్‌కు ముత్తిరెడ్డి అంటే గౌరవం ఉందని... ముత్తిరెడ్డిని పిలిపించి మాట్లాడుతారని, అందరం ఏకతాటిపై వెళ్దామని జనగామ జిల్లా నేతలతో చెప్పారు. ముత్తిరెడ్డ ఆశీర్వాదం కూడా తీసుకున్నానని చెప్పుకొచ్చారు. కేసీఆర్ టిక్కెట్ ప్రకటించాక అందరం కలిసి జనగామకు వెళ్దామన్నారు. పల్లా చేసిన ఈ వ్యాఖ్యలతో జనగామ టికెట్ దాదాపు ఆయనకు ఖరారైనట్లు తెలుస్తోంది.</p>

<p>జనగామ గతంలో ఉమ్మడి వరంగల్ నియోజకవర్గంలో ఉన్న అసెంబ్లీ నియోజకవర్గం. రాష్ట్ర ఏర్పాటు తర్వాత జనగామను ప్రత్యేక జిల్లాగా ఏర్పాటు చేశారు. 2014, 2018 ఎన్నికల్లో ఇక్కడ బీఆర్ఎస్ పార్టీనే గెలిచింది. ఎమ్మెల్యేగా ముత్తిరెడ్డి యాదగిరి రెడ్డి విజయం సాధించారు. మొదటిసారి ఎమ్మెల్యేగా గెలిచిన ముత్తిరెడ్డి పలుమార్లు వార్తల్లో నిలిచారు. భూకబ్జా ఆరోపణల విషయం పెద్ద వివాదంగా మారింది. ఓ దశలో జిల్లా కలెక్టరే ఆయనకు వ్యతిరేకంగా నివేదిక సమర్పించిన పరిస్థితులు కనిపించాయి. ఇదిలా ఉండగానే... కొంతకాలంగా మరోవైపు ముత్తిరెడ్డి కూతురు తుల్జా భవాని రెడ్డి తీవ్రస్థాయిలో పోరాటం చేస్తుంది. స్వయంగా తన తండ్రి కబ్జా కోరు అంటూ బాహటంగా సంచలన వ్యాఖ్యలు చేసింది. కబ్జా చేసిన భూమిని తిరిగి అప్పగిస్తున్నట్లు కూడా ప్రకటించారు. ఈ నేపథ్యంలో నియోజకవర్గంలోనే కాకుండా... రాష్ట్రవ్యాప్తంగా కూడా ముత్తిరెడ్డి వ్యవహరం చర్చనీయాంశంగా మారింది. ఇవన్నీ కూడా ముత్తిరెడ్డికి ఇబ్బందికరంగా మారాయి. దీంతో ఆయన టికెట్ కూడా పెండింగ్ లో పెట్టాల్సి వచ్చింది. ఇక ఇదే సీటుపై గురిపెట్టారు ఎమ్మెల్సీ పల్లా రాజేశ్వర్ రెడ్డి. ఆ దిశగా పక్కగా అడుగులు వేస్తూ వచ్చారు. పల్లాకే టికెట్ ఇవ్వాలంటూ నియోజకవర్గానికి చెందిన కొందరు ముఖ్య నేతలు సమావేశాలు నిర్వహిస్తూ వస్తున్నారు. కొద్దిరోజుల కిందట నియోజకవర్గానికి చెందిన కొందరు ప్రజాప్రతినిధులు... స్వయంగా ముఖ్యమంత్రిని కలిసేందుకు ప్రయత్నాలు చేశారు. ఇదంతా కూడా పల్లా డైరెక్షన్ లో జరిగినట్లు వార్తలు వచ్చాయి. తాజా పరిణామాలను బట్టి చూస్తే… పల్లా పేరు ఇవాళో, రేపో ప్రకటించే ఛాన్స్ ఉంది.</p>

<ul><li>TS Assembly Elections : వచ్చే ఎన్నికల కోసం ఇప్పటికే 115 మంది అభ్యర్థులను ప్రకటించింది బీఆర్ఎస్. అయితే మిగిలిన 4 సీట్లపై కసరత్తు చేస్తోంది. ఇందులో జనగామ టికెట్ కీలకంగా ఉంది. నియోజకవర్గ నేతలతో మంతనాలు జరుపుతున్న బీఆర్ఎస్ హైకమాండ్... సీటు కేటాయింపుపై క్లారిటీకి వచ్చేసినట్లు తెలుస్తోంది.</li></ul>

TS Assembly Elections : నేను పక్కా లోకల్ అంటున్న NRI.. టెన్షన్‍లో మాజీ మంత్రి - ఏం జరగబోతుంది..?

fight for securing Congress ticket to contest from Warangal East constituency

<p><strong>Telangana Assembly Elections 2023: </strong>మరికొద్దిరోజుల్లో అసెంబ్లీ ఎన్నికల యుద్ధం మొదలుకాబోతుంది. ఇప్పటికే ప్రధాన పార్టీలు... వ్యూహలు, ప్రతివ్యూహాలను సిద్ధం చేస్తున్నాయి. పోటీలో నిలిచి గెలిచే వారి జాబితాను కూడా రెడీ చేసుకునే పనిలో పడ్డాయి. కీలకమైన స్థానాల విషయంపై కూడా మేథోమథనం చేస్తున్నాయి. ప్రత్యర్థిని ఢీకొట్టే దిశగా అడుగులు వేస్తున్నాయి.ఈ విషయంలో తెలంగాణ కాంగ్రెస్ ఆచితూచీ అడుగులు వేస్తున్న పరిస్థితి కనిపిస్తోంది. ఒక్కో నియోజకవర్గం నుంచి భారీగానే దరఖాస్తులు రావటంతో… బరిలో నిలిచి గెలిచే నేతలు ఎవరనే దానిపై అన్ని కోణాల్లో విశ్లేషిస్తోంది. ఈసారి ఎలాగైనా తెలంగాణలో పాగా వేయాలని చూస్తున్న కాంగ్రెస్… టికెట్ల కేటాయింపు విషయంలో గతంలో మాదిరిగా తప్పులు జరగవద్దని గట్టిగా భావిస్తోంది. ఈ నేపథ్యంలో….వరంగల్ నగర రాజకీయాలు ఆసక్తికరంగా సాగుతున్నాయి. ప్రధానంగా తూర్పు సీటుపై మాజీ మంత్రి కొండా సురేఖ గట్టి ఆశలు పెట్టుకున్నప్పటికీ… మరికొందరు నేతలు లైన్ లోకి వచ్చేశారు. ఇప్పటికే సురేఖతో పాటు ఇద్దరు నేతలు టికెట్ ఆశిస్తుండగా… తాజాగా ఎంట్రీ ఇచ్చిన ఓ ఎన్ఆర్ఐ గట్టి ప్రయత్నాల్లో ఉన్నారట…! ఇప్పుడు ఇదే ఓరుగల్లు తూర్పు కాంగ్రెస్ లో చర్చనీయాంశంగా మారింది.</p>

<p>వరంగల్‌ తూర్పు నియోజకవర్గం… తెలంగాణ ఏర్పాటు ముందు వరకు ఇక్కడ కాంగ్రెస్ హవా నడవగా… ఆ తర్వాత జరిగిన ఎన్నికల్లో గులాబీ జెండా ఎగిరింది. 2014లో టీఆర్ఎస్ తరపున బరిలో నిలిచిన మాజీ మంత్రి కొండా సురేఖ… విజయం సాధించారు. 2018 ఎన్నికల్లో ఆమెకు టికెట్ దక్కకపోవటంతో… ఆమె మళ్లీ <a class="manualbacklink" target="_blank" href="https://telugu.hindustantimes.com/telangana/congress-leaders-who-took-the-path-of-delhi-against-madhuyashki-goud-121695342941127.html">కాంగ్రెస్ </a>గూటికి చేరారు. ఈ ఎన్నికల్లో మరోసారి కూడా టీఆర్ఎస్సే గెలవగా… కాంగ్రెస్ నుంచి బరిలో ఉన్న కొండా సురేఖ ఓటమిపాలయ్యారు.  అయితే వచ్చే ఎన్నికల్లో మరోసారి పార్టీ తరపున టికెట్ దక్కించుకోని… ఎలాగైనా గెలవాలని చూస్తున్నారు కొండా దంపతులు. ఇప్పటికే ప్రచారం కూడా మొదలుపెట్టారు. అయితే సీటు ఖరారు అంశం అంత తేలికగా కనిపించటం లేదు. ఇదే సీటు కోసం కాంగ్రెస్ లో చాలా ఏళ్లుగా పని చేస్తున్న ఎర్రబెల్లి స్వర్ణ ఆశిస్తున్నారు. ఈసారి తనకు ఛాన్స్ ఇవ్వాలని కోరుతున్నారు. ప్రస్తుతం ఈమె వరంగల్‍ మహిళా డీసీసీ అధ్యక్షురాలిగా ఉన్నారు. గతంలో వరంగల్ మేయర్ గా కూడా పని చేసిన అనుభవం ఉంది. మహిళా డీసీసీ పదవిని స్వర్ణకు ఇవ్వటంతో కొండా దంపతులు తీవ్ర అసంతృప్తికి లోనయ్యారు. తాము సూచించిన వ్యక్తికి కాకుండా… ఎర్రబెల్లి స్వర్ణకు పీఠం దక్కడంపై కొండా దంపతులు గుర్రుగా ఉన్నారు. వీరి మధ్య ఆదిపత్య పోరు నడుస్తోంది. ఎవరికి వారిగా కార్యక్రమాలు చేస్తున్నారు. గతంలో వరంగల్ తూర్పు ఇంఛార్జీగా పని చేసిన సయ్యద్ హుస్సేన్ కూడా ఇదే టికెట్ ను టికెట్ ఆశిస్తున్నారు.</p>

<h3>NRI ఎంట్రీ.. టెన్షన్లో కొండా దంపతులు</h3><p>ఇక ఇటీవలే పోటీ చేసే అభ్యర్థుల నుంచి దరఖాస్తులను స్వీకరించింది కాంగ్రెస్. అయితే వరంగల్ తూర్పు టికెట్ కోసం  దరఖాస్తు చేసుకున్నవారిలో ఎన్ఆర్ఐ ప్రదీప్ సామల కూడా ఉన్నారు.  తూర్పు టికెట్‌కోసం గట్టి ప్రయత్నాలు చేస్తున్నారు.  గిర్మాజీపేట ప్రాంతానికి చెందిన ఇయన చాలా ఏళ్ల క్రితం అమెరికాకు వెళ్లి అక్కడే స్థిరపడ్డారు.  ప్రస్తుతం ఇండియన్ ఓవర్సీస్ కాంగ్రెస్ సెల్ వర్కింగ్ ప్రెసిడెంట్‌గా ఉన్నారు. కాంగ్రెస్ లోని చాలా మంది నేతలతో పాటు రేవంత్ రెడ్డితో మంచి సంబంధాలు ఉన్నాయి. పద్మశాలి సామాజికవర్గానికి చెందిన ఇయన…. పలు సంఘాల్లో యాక్టివ్ గా పని చేస్తున్నారు. అనేక సామాజిక కార్యక్రమాలు చేస్తున్న ప్రదీప్ సామల…. ఉద్యమంలో భాగంగా తెలంగాణ డెవలప్ మెంట్ ఫోరమ్ లో కూడా యాక్టివ్ గా పని చేసిన అనుభవం ఉంది. రాహుల్ జోడో యాత్రతో పాటు రేవంత్ రెడ్డి చేపట్టిన పాదయాత్రలో కూడా పాల్గొన్నారు. అయితే ఈసారి కాంగ్రెస్ పార్టీ తరపున వరంగల్ తూర్పు టికెట్ వస్తుందని గట్టిగా విశ్వసిస్తున్నారు. ఇక ఈ నియోజకవర్గంలో అత్యధికగా పద్మశాలి సామాజికవర్గం వాళ్లు ఉండటం కూడా ప్రదీప్ కు కలిసివచ్చే అంశంగా కనిపిస్తోంది. తాను పక్కా లోకల్‌నంటూ చెబుతున్న ప్రదీప్…. టికెట్ కోసం అన్నివైపుల నుంచి ప్రయత్నాలు చేస్తున్నారనే చర్చ గట్టిగా వినిపిస్తోంది.</p>

<p>మొన్నటి వరకు ఒక్కరిద్దరు నేతలతో పోటీ ఉందనుకుంటే… తాజాగా ఎన్ఆర్ఐ ప్రదీప్ రాకతో కొండా వర్గం టెన్షన్ పడుతందట! తన సీటుకి  పోటీకొస్తుండటంతో అసహనంతో రగిలిపోతున్నారనే టాక్ వినిపిస్తోంది. అయితే టికెట్ తమకే వస్తుందనే ధీమాను కూడా వ్యక్తం చేస్తున్నారు కొండా దంపతులు. సురేఖ కూడా పద్మశాలి సామాజికవర్గానికి చెందటంతో పాటు మురళి మున్నూరు కాపుకు చెందినవారు. తూర్పులో ఈ రెండు సామాజికవర్గాలు ఉండటం వీరికి కలిసివచ్చే అంశం. ఇక 2014లో ఎమ్మెల్యేగా కూడా ప్రాతినిధ్యం వహించారు. అన్ని అంశాలను క్రోడీకరించుకొని… టికెట్ పై ధీమాగానే ఉన్నారు కొండా దంపతులు. ఒకవేళ ఊహించని పరిణామాలు ఎదురైతే… పరిస్థితేంటన్న చర్చ కూడా ఓవైపు నుంచి తెరపైకి వస్తోంది.</p>

<ul><li>Warangal Congress News : వరంగల్ రాజకీయాలు ఆసక్తిని రేపుతున్నాయి. ముఖ్యంగా కాంగ్రెస్ పార్టీలోని కొందరు నేతలు తూర్పు టికెట్ పై కన్నేయటంతో…. ఇదే టికెట్ ఆశిస్తున్న మాజీ మంత్రి టెన్షన్ పడుతున్నారట! ఈ సీటు వ్యవహారం ఓరుగల్లు రాజకీయాల్లో ఉత్కంఠగా మారింది.&nbsp;</li></ul>

TS Assembly Elections 2023 : జనంలోకి గ్యారెంటీ కార్డు... ఆరు హామీల అస్త్రం పని చేస్తుందా..?

telangana Congress announced six Gurantee Schemes for telangana people ahead  Elections 2023

<p><strong>Telangana Assembly Elections 2023: </strong>తెలంగాణలో అసెంబ్లీ ఎన్నికల యుద్ధం మొదలుకాబోతుంది. ఇప్పటికే ప్రధాన పార్టీలు... వ్యూహలు, ప్రతివ్యూహాలను సిద్ధం చేస్తున్నాయి. పోటీలో నిలిచి గెలిచే వారి జాబితాను కూడా రెడీ చేసుకునే పనిలో పడ్డాయి. కీలకమైన స్థానాల విషయంపై కూడా మేథోమథనం చేస్తున్నాయి. ప్రత్యర్థిని ఢీకొట్టే దిశగా అడుగులు వేస్తున్నాయి. బీఆర్ఎస్ ఏకంగా 115 మంది అభ్యర్థులను ప్రకటించి ఎన్నికల సమరంలోకి దిగింది. నియోజకవర్గాల్లో ప్రచారం కూడా మొదలుపెట్టేసింది.మరోవైపు ప్రధాన ప్రతిపక్షమైన కాంగ్రెస్…ఈసారి ఎలాగైనా తెలంగాణలో పాగా వేయాలని చూస్తోంది. అందుకు తగ్గట్టే కార్యాచరణను సిద్ధం చేయటంతో పాటు… విజయభేరి సభతో ఎన్నికల శంఖారావాన్ని పూరించింది. అంతేకాదు కీలకమైన ఆరు హామీలతో గ్యారెంటీ కార్డును ప్రకటించింది. తాము అధికారంలోకి వస్తే ఏం చేస్తామనే విషయాన్ని స్పష్టంగా చెప్పేసింది. ఇప్పుడు ఈ గ్యారెంటీ కార్డుతోనే జనాల్లోకి వెళ్తున్నారు హస్తం నేతలు. దీంతో వచ్చే ఎన్నికల్లో గ్యారెంటీ కార్డు కీలకంగా మారిందనే అభిప్రాయాలు వినిపిస్తున్నాయి.</p>

<h2>ప్రజల్లోకి ఆరు హామీలతో ….</h2><p>తెలంగాణ అసెంబ్లీ ఎన్నికల వేళ కాంగ్రెస్ పార్టీ కీలకమైన ఆరు హామీలను ప్రకటించింది. ఇందులో ప్రధానంగా మహిళలకు ప్రతినెలా రూ.2,500 ఆర్థిక సహాయం, రూ.500కే గ్యాస్‌ సిలిండర్‌, ఆర్టీసీ బస్సుల్లో ఉచిత ప్రయాణం,ఏటా రైతులకు ఎకరాకు రూ.15 వేలు,ఇళ్లులేని కుటుంబాలకు ఇంటి స్థలం, గృహ నిర్మాణానికి రూ.5 లక్షలు,తెలంగాణ ఉద్యమకారులకు 250 గజాల ఇంటి స్థలంప్రతి కుటుంబానికీ 200 యూనిట్ల ఉచిత విద్యుత్‌, ఉద్యోగాల భర్తీతో పాటు పలు అంశాలను ఇందులో పేర్కొంది. తాము అధికారంలోకి రాగానే ఈ హామీలన్నింటిని అమలు చేస్తామని… స్వయంగా సోనియా గాంధీతో ప్రకటించింపజేసింది రాష్ట్ర నాయకత్వం. ప్రజల్లోకి బలమైన సందేశాన్ని పంపే ప్రయత్నం చేసింది. సీడబ్ల్యూసీ సమావేశాలు, విజయభేరి సభ విజయవంతం కావటంతో… పార్టీలో సరికొత్త ఉత్సాహం నెలకొంది.</p>

<h3>దూకుడు పెంచిన కాంగ్రెస్….</h3><p>ఆరు హామీల గ్యారెంటీని ప్రకటించటంతో నియోజకవర్గాల్లో నేతలు గట్టిగా పర్యటిస్తున్నారు. ఆరు హామీలను ప్రజల్లోకి తీసుకెళ్లేందుకు ప్రయత్నిస్తున్నారు. కేడర్ ను యాక్టివ్ చేస్తూ…. దూకుడుగా ముందుకెళ్లేలాని చూస్తున్నారు. తాము అధికారంలోకి రాగానే ప్రకటించిన కీలకమైన హామీలను అమలు చేస్తామని చెబుతున్నారు. పెన్షన్లతో పాటు ఇందిరమ్మ ఇళ్లు, ఉచిత ప్రయాణం, గ్యాస్ సిలిండర్ తో పాటు యువతను ఆలోచనలో పడేసేలా ఉద్యోగాల భర్తీ అంశాలను ప్రస్తావిస్తున్నారు. రైతులు, మహిళలతో పాటు యువతను ఆకర్షించేలా మేనిఫెస్టో ఉండటంతో తమకు కలిసివస్తుందని నేతలు గట్టిగా భావిస్తున్నారు. రాష్ట్ర నాయకత్వం కూడా…. నియోజకవర్గాల్లోని నేతలను సమన్వయం చేసేలా కార్యాచరణను సిద్ధం చేస్తోంది. రేపోమాపో టికెట్లకు సంబంధించి తొలి జాబితాను ప్రకటించే అవకాశం ఉంది. 50 మందితో ఈ జాబితా ఉంటుందని తెలుస్తోంది. అసమ్మతికి చోటు ఇవ్వకుండా…. టికెట్లు రాని నేతలకు కూడా హామీ ఇవ్వాలని నాయకత్వం భావిస్తోంది.</p>

<p>మొత్తంగా ఎన్నికలు సమీపిస్తున్న వేళ… కీలకమైన ఆరు హామీలు ప్రకటించటంతో పాటు కాంగ్రెస్ స్పీడ్ పెంచేసింది. త్వరలోనే ముఖ్య నేతల బస్సు యాత్ర ఉంటుందని తెలుస్తోంది. దీనిపై రేపోమాపో క్లారిటీ వస్తుందని గాంధీ భవన్ వర్గాలు చెబుతున్నాయి. అయితే గ్యారెంటీ కార్డు అస్త్రం కాంగ్రెస్ ను అధికారంలోకి తీసుకువస్తుందా..? తెలంగాణ జనాలను మెప్పిస్తుందా…?అనేది ఆసక్తికరంగా మారింది.</p>

<ul><li>Telangana Congress: తెలంగాణలో రాజకీయ పరిణామాలు మారుతున్నాయి. అసెంబ్లీ ఎన్నికలు సమీపిస్తున్న వేళ &nbsp;కాంగ్రెస్ దూకుడు పెంచే దిశగా అడుగులేస్తోంది. ఆరు గ్యారెంటీ హామీల పేరుతో విస్తృతంగా ప్రజల్లోకి వెళ్లే పనిలో పడింది.</li></ul>

AP Politics : ఏపీలో మళ్లీ 'పొత్తుల' రాజకీయం - మారనున్న సమీకరణాలు..!

political equations will changes in ap with Alliances

<p><strong>Andhrapradesh:</strong> ఆంధ్రప్రదేశ్ రాజకీయ సమీకరణాలు మారుతున్నాయి. ఎన్నికలకు సమయం ఉండగానే… ప్రధాన ప్రతిపక్ష పార్టీలు పొత్తులవైపు అడుగులేశాయి. అధికార పార్టీ మాత్రం తాము సింగిల్ గానే వస్తామని తేల్చి చెప్పేసింది. అయితే ప్రత్యర్థిని దెబ్బకొట్టాలంటే… ఏకతాటిపై కలిసి నడవాలని నిర్ణయించాయి తెలుగుదేశం, జనసేన. ఈ మేరకు రాజమహేంద్రవరం వేదికగా కీలక ప్రకటన చేశాయి. ఫలితంగా ఏపీ రాజకీయాల్లో మరోసారి పొత్తు పొడిచినట్లు అయింది. ఈ పొత్తుతో రాజకీయ సమీకరణాలు మారే అవకాశం ఉంటుందని విశ్లేషకులు చెబుతున్నారు.</p>

<p>టీడీపీ అధినేత చంద్రబాబు అరెస్ట్ నేపథ్యంలో ఏపీ రాజకీయాలు అత్యంత హాట్ హాట్ గా సాగుతున్నాయి. అధికార, ప్రతిపక్ష పార్టీల మధ్య మాటల యుద్ధమే నడుస్తోంది. ఇలాంటి పరిస్థితుల నేపథ్యంలో…. జనసేన అధినేత పవన్ కల్యాణ్ కీలక ప్రకటన చేశారు. వైసీపీని ఎదుర్కొనేందుకు వచ్చే ఎన్నికల్లో టీడీపీతో కలిసి పోటీ చేస్తామని స్పష్టం చేశారు. నిజానికి జనసేన, తెలుగుదేశం పార్టీల మధ్య ఇంత కాలం పొత్తు ప్రాథమికంగా చర్చల దశలోనే ఉంది. కానీ తాజా పరిణామాల నేపథ్యంలో… పొత్తును ఖరారు చేసేశారు.  ఈ రెండు పార్టీలు కలిసి పని చేసే అవకాశం ఉందన్న సంకేతాలు ఎప్పటి నుంచో ఉన్నా స్పష్టమైన ప్రకటన రాక నేతలు, కార్యకర్తల్లో కన్ఫ్యూజన్ నెలకొని ఉండే. ఇలాంటి సమయంలో పొత్తుపై స్పష్టమైన ప్రకటన రావటంతో ఇరు పార్టీల కేడర్ లో ఉన్న సందిగ్ధతలన్నీ తొలగిపోయాయనే చెప్పొచ్చు. </p>

<h2>మారనున్న సమీకరణాలు…!</h2><p>తెలుగుదేశం, జనసేన పార్టీల మధ్య పొత్తు పొడవటంతో సమీకరణాలు మారే అవకాశం ఉంది. ఇప్పటికి వరకు ఎవరికి వారుగా అన్నట్లు పని చేస్తూ వచ్చారు. ఇకపై ఉమ్మడి కార్యాచరణతో ముందుకెళ్లాలని ఇరు పార్టీలు నిర్ణయించాయి.  మొన్నటివరకు బీజేపీతో ఉన్న పవన్… ఇప్పుడు టీడీపీవైపు మళ్లటంతో వారి నుంచి ఎలాంటి నిర్ణయం తీసుకుంటారనేది కూడా ఆసక్తికరంగా మారింది. గతంలో మాదిరిగా ఈసారి కూడా మూడు పార్టీలు కలవాలనేది పవన్ ఆకాంక్ష. కానీ ఈ విషయంలో బీజేపీ నుంచి పెద్దగా స్పందన రావటం లేదు. ఈ నేపథ్యంలో…జనసేన, టీడీపీ మధ్య పొత్తు కుదరటంతో…బీజేపీ నిర్ణయం ఎలా ఉండబోతుందనేది ఏపీ రాజకీయవర్గాల్లో చర్చనీయాంశంగా మారింది. బీజేపీ కూడా తమతో కలిసి వస్తుందనే ధీమాను పవన్ వ్యక్తం చేసినప్పటికీ… అలా జరగకపోయినా రెండు పార్టీలే(టీడీపీ - జనసేన) ముందుకెళ్తాయనే విషయాన్ని చెప్పేశారు. ఒకవేళ బీజేపీ కలిసిరాకపోతే… ఒంటరిగానే బరిలో ఉండే అవకాశం ఉంటుంది. అధికార వైసీపీ ఇప్పటికే తమ నిర్ణయాన్ని ప్రకటించింది. కమ్యూనిస్టు పార్టీలు కలిసి పోటీ చేసే అవకాశం ఉండగా… టీడీపీ, జనసేన పొత్తువైపు కూడా మళ్లే ఛాన్స్ ఉంటుంది. అయితే తమతో కాకుండా ఈసారి టీడీపీతో పొత్తు పెట్టుకున్న పవన్ విషయంలో కమలనాథులు ఎలా స్పందిస్తారనేది కూడా టాక్ ఆఫ్ ది పాలిటిక్స్ గా మారింది.</p>

<p>ఇక తెలుగుదేశం - జనసేన పార్టీల మధ్య పొత్తు కుదిరినప్పటికీ… సీట్ల పంపకాల విషయమే అతిపెద్ద టాస్క్ గా తెలుస్తోంది. ఈ విషయంలో జనసేన కంటే టీడీపీలోని నేతలే ఎక్కువ టెన్షన్ పడే అవకాశం ఉంది. జనసేన ఎన్ని స్థానాలను కోరుతుంది..? టీడీపీ ఎన్నింటికి ఓకే అంటుంది..? అనేది పెద్ద ప్రశ్నగానే ఉంటుంది. ఇక నియోజకవర్గాల్లో పార్టీ కోసం పని చేస్తున్న ముఖ్య నేతలు…. పొత్తులో భాగంగా  తమ సీట్లను త్యాగం చేయాల్సి ఉంటుంది. ఈ క్రమంలో…. నేతల నుంచి అధినాయకత్వంపై ఒత్తిడి ఉండే అవకాశం స్పష్టంగా ఉంటుంది. పార్టీలు మారే అవకాశం కూడా ఉంటుంది.  వీటన్నింటిని ఎలా అధిగమిస్తారనేది కూడా  ఆసక్తికరంగా మారింది. </p>

Michaung Cyclone : రేపు కోస్తా తీరానికి సమాంతరంగా తుపాను- మూడ్రోజులు ఏపీలో భారీ వర్షాలు

<ul><li>Michaung Cyclone : మిచౌంగ్ తుపాను రేపు కోస్తా తీరానికి సమాంతరంగా పయనిస్తుందని, ఎల్లుండి మధ్యాహ్నం తీరం దాటనుందని విపత్తుల నిర్వహణ సంస్థ ప్రకటించింది. తుపాను ప్రభావంతో కోస్తాంధ్రలో భారీ వర్షాలు కురుస్తాయని తెలిపింది.</li></ul>

CM Jagan Review On Cyclone : సహాయక చర్యల్లో ఎలాంటి లోటు రాకూడదు, తుపాను దృష్ట్యా అధికారులకు సీఎం జగన్ ఆదేశాలు

<ul><li>CM Jagan Review On Cyclone : మిచౌంగ్ తుపాను పరిస్థితులపై సీఎం జగన్ సమీక్ష నిర్వహించారు. అధికారులు అప్రమత్తంగా ఉండాలని, అన్ని రకాల సహాయ, పునరావాస చర్యలు తీసుకోవాలని ఆదేశిచారు.</li></ul>

Nara Lokesh Padayatra : డిసెంబర్ 17న లోకేశ్ యువగళం పాదయాత్ర ముగింపు-భీమిలిలో పవన్, చంద్రబాబుతో భారీ బహిరంగ సభ!

<ul><li>Nara Lokesh Padayatra : నారా లోకేశ్ యువగళం పాదయాత్ర డిసెంబర్ 17న భీమిలిలో ముగియనుంది. ఎన్నికల నేపథ్యంలో ముందుగానే పాదయాత్ర ముగించనున్నట్లు తెలుస్తోంది.</li></ul>

Michaung Cyclone: ఏపీపై మిచౌంగ్ తుపాను ప్రభావం, ఈ జిల్లాల్లో భారీ వర్షాలు-అధికారులను అప్రమత్తం చేసిన సీఎస్

<ul><li>Michaung Cyclone : నెల్లూరు-మచిలీపట్నం మధ్య సోమవారం మిచౌంగ్ తుపాను తీరం దాటే అవకాశం ఉందని సీఎస్ తెలిపారు. తుపాను ప్రభావిత జిల్లాల్లో అధికారులు అప్రమత్తంగా ఉండాలని ఆదేశించారు.</li></ul>

<ul><li>Andhrapradesh Politics: ఎన్నికలకు ముందే ఏపీ రాజకీయాలు ఓ రేంజ్ లో సాగుతున్నాయి. టీడీపీ - జనసేన పార్టీల మధ్య పొత్తు పొడిచిన వేళ…సమీకరణాలు మారే అవకాశం కనిపిస్తోంది.&nbsp;</li></ul>

Telangana Sentiment : మరోసారి తెరపైకి సెంటిమెంట్ అస్త్రం..! ఈసారి BRS టార్గెట్ వీళ్లేనా..?

BRS is once again bringing Telangana sentiment in the background of assembly elections 2023

<p><strong>Telangana Assembly Elections 2023:</strong> &nbsp;తెలంగాణలో అసెంబ్లీ ఎన్నికల యుద్ధం మొదలుకాబోతుంది. ఇప్పటికే ప్రధాన పార్టీలు... వ్యూహలు, ప్రతివ్యూహాలను సిద్ధం చేస్తున్నాయి. పోటీలో నిలిచి గెలిచే వారి జాబితాను కూడా రెడీ చేసుకునే పనిలో పడ్డాయి. కీలకమైన స్థానాల విషయంపై కూడా మేథోమథనం చేస్తున్నాయి. ప్రత్యర్థిని ఢీకొట్టే దిశగా అడుగులు వేస్తున్నాయి. బీఆర్ఎస్ ఏకంగా 115 మంది అభ్యర్థులను ప్రకటించి ఎన్నికల సమరంలోకి దిగింది. నియోజకవర్గాల్లో ప్రచారం కూడా మొదలుపెట్టేసింది. ప్రతిరోజూ గ్రౌండ్ లోని పరిస్థితులను అంచనా వేసి… నేతలకు ఫీడ్ బ్యాక్ ఇస్తూ దిశానిర్దేశం చేస్తున్నట్లు తెలుస్తోంది. అసంతృప్తులను కూడా లైన్ లోకి తీసుకువచ్చే పనిలో పడింది. మరోవైపు ప్రధాన ప్రతిపక్షమైన కాంగ్రెస్…ఈసారి ఎలాగైనా తెలంగాణలో పాగా వేయాలని చూస్తోంది. అందుకు తగ్గట్టే కార్యాచరణను సిద్ధం చేయటంతో పాటు… ఆపరేషన్ ఆకర్ష్ తో నేతలను చేర్చుకుంటూ వేగం పెంచుతూ వస్తోంది. ఈ నేపథ్యంలో… అధికార బీఆర్ఎస్ మరోసారి సెంటిమెంట్ అస్త్రాన్ని కూడా సంధించేందుకు రెడీ అవుతున్నట్లు కనిపిస్తోంది. ప్రధానంగా కాంగ్రెస్ ను ఇరుకున పెట్టేలా అస్త్రాలను సిద్ధం చేస్తున్నట్లు తాజా పరిస్థితులను బట్టి అర్థమవుతోంది.&nbsp;</p>

<h2>టార్గెట్ కాంగ్రెస్ - మరోసారి అదే అస్త్రం!</h2><p>మలిదశ ఉద్యమం తర్వాత టీఆర్ఎస్… అంటే తెలంగాణ, తెలంగాణ అంటే టీఆర్ఎస్ అన్న పరిస్థితి ఉన్న సంగతి తెలిసిందే. సెంటిమెంట్ నినాదంతో సక్సెస్ అయిన పార్టీల్లో టీఆర్ఎస్ ఒకటి అని చెప్పొచ్చు. తెలంగాణ సాధనలో అగ్రభాగన ఉన్న టీఆర్ఎస్… రాష్ట్ర ఏర్పాటు తర్వాత రెండు సార్లు అధికారంలోకి వచ్చింది. రెండోసారి అధికారంలోకి వచ్చిన తర్వాత… అనూహ్యంగా రూట్ ను మార్చేసింది. ఏకంగా టీఆర్ఎస్ పేరును బీఆర్ఎస్ గా మార్చేశారు అధినేత కేసీఆర్. తెలంగాణ పేరుతోనే రాజకీయం చేసే ప్రాంతీయ పార్టీ… తెలంగాణ అనే పదమే లేకుండా పార్టీ పేరును మార్చటం అందర్నీ ఆశ్చర్యానికి గురి చేసింది. అయితే పార్టీ పేరును భారత రాష్ట్ర సమితిగా మార్చినప్పటికీ… తెలంగాణపై తమకే పేటెంట్ ఉందన్నట్లు అడుగులు వేస్తోంది బీఆర్ఎస్. &nbsp;సమయం, సందర్భాన్ని బట్టి… నాటి ఉద్యమ ఘట్టాలను గుర్తు చేస్తూ… ప్రత్యర్థులను ఇరుకునపెట్టే ప్రయత్నం చేస్తోంది. రాష్ట్ర ఏర్పాటు తర్వాత తెలంగాణ సెంటిమెంట్ తో పెద్దగా పని ఉండదని అంతా భావించినప్పటికీ… 2014, 2018 ఎన్నికల్లో సెంటిమెంట్ అస్త్రాన్ని ఫర్ ఫెక్ట్ గా వాడేసేంది గులాబీ పార్టీ. ముఖ్యంగా 2018 ఎన్నికల వేళ… టీడీపీ - కాంగ్రెస్ పొత్తు పెట్టుకోవటం కేసీఆర్ కు అత్యంత కలిసివచ్చిన అంశమని చెప్పొచ్చు. మహాకూటమి పేరుతో చంద్రబాబు మళ్లీ… తెలంగాణకు వస్తున్నారని, ప్రజలంతా గమనించాలంటూ ఓటర్లను ఆలోచనలో పడేశారు గులాబీ దళపతి. ఇలా ప్రతి సభలోనూ…. వీరి పొత్తును ప్రస్తావిస్తూ తనకు అనుకూలంగా మార్చేసుకున్నారు కేసీఆర్. &nbsp;దీంతో… కాంగ్రెస్ పార్టీ ఘోర ఓటమిని చవి చూడగా, గులాబీ పార్టీ 88 సీట్లు సాధించి తిరుగులేని శక్తిగా మారిపోయింది.</p>

<p>ఇదిలా ఉంటే మరోకొద్దిరోజుల్లో తెలంగాణలో అసెంబ్లీ ఎన్నికలు జరగనున్నాయి. గతంలో చంద్రబాబుతో పొత్తు అంశం బెడిసికొట్టడంతో బోల్తా పడిపోయింది కాంగ్రెస్. ఈసారి మాత్రం పక్కాగా ప్లాన్ గా అడుగులు వేస్తున్నట్లు కనిపిస్తోంది. కట్ చేస్తే…తెలంగాణలో పార్టీని స్థాపించిన వైఎస్ షర్మిల… కాంగ్రెస్ లోకి ఎంట్రీ ఇస్తారనే చర్చ గట్టిగా జరుగుతోంది. ఇదే విషయాన్ని షర్మిల కూడా ధ్రువీకరించారు. ఇటీవలే ఢిల్లీలో సోనియా గాంధీతో భేటీ తర్వాత మీడియాతో మాట్లాడిన ఆమె… తెలంగాణలో కేసీఆర్ ను పడగొట్టడమే తమ లక్ష్యమని ప్రకటించారు. రేపోమాపో ఆమె పార్టీ… కాంగ్రెస్ లో విలీనమయ్యే అవకాశం కనిపిస్తోంది. విలీనం జరగటంతో పాటు షర్మిల గతంలో ప్రకటించిన మాదిరిగా పాలేరులో పోటీ చేస్తే… కాంగ్రెస్ గుర్తుపైనే బరిలో ఉండాల్సి వస్తుంది. అలా కాకుండా &nbsp;రాజ్యసభకు పంపినా… అదే గుర్తుపై వెళ్తోంది. దాదాపు ఆమె తెలంగాణ వేదికగానే రాజకీయాలు చేయడానికి ఆసక్తి కనబరుస్తున్నట్లు కనిపిస్తోంది. &nbsp;ఇక ఇటీవల కాంగ్రెస్ సీనియర్ నేత కేవీపీ రామచంద్రరావు కీలక వ్యాఖ్యలు చేశారు. &nbsp;తాను నాలుగు దశాబ్ధాల నుంచి తెలంగాణలోనే రాజకీయాలు చేస్తున్నానని.. ఏపీ పాలిటిక్స్ లో చొరవ చూపలేదని అన్నారు. తన భార్య, పిల్లలు అందరూ తెలంగాణలోనే ఉంటున్నారని అన్నారు. తాను ఇక్కడి మట్టిలోనే కలిసిపోతానని వ్యాఖ్యానించారు. తనను తెలంగాణ వ్యక్తి లాగా గుర్తించాలని తెలంగాణ కాంగ్రెస్ నేతలను కోరారు. ఈ వ్యాఖ్యలు కూడా తెలంగాణ రాజకీయాల్లో హాట్ టాపిక్ గా మారాయి. సరిగ్గా ఈ ఇద్దరు నేతలను టార్గెట్ చేసే పనిలో పడింది బీఆర్ఎస్. వీరిద్దరిని ప్రస్తావిస్తూ… &nbsp;అసెంబ్లీ ఎన్నికలు సమీపిస్తున్న వేళ తెలంగాణ కాంగ్రెస్ ను ఇరకాటంలోకి నెట్టాలని చూస్తోంది.</p>

<p>తాజాగా మీడియాతో చిట్ చాట్ చేసిన మంత్రి కేటీఆర్… షర్మిల, కేవీపీల ప్రస్తావనను తెరపైకి తీసుకువచ్చారు. “తెలంగాణను వ్యతిరేకించిన కేవీపీ, షర్మిలలు కాంగ్రెస్ పార్టీని తెలంగాణలో అధికారంలోకి తేస్తాం అంటున్నారు. ఇంతటి దుస్థితి కాంగ్రెస్ పార్టీకి పట్టింది. తెలంగాణ ఎమ్మెల్యే పదవి వదిలిపెట్టలేని కిషన్ రెడ్డి, తెలంగాణ ప్రజల పైన రైఫిల్ తీసుకువెళ్లిన రేవంత్ రెడ్డి.. వీరు తెలంగాణ కోసం ముసుగులో వచ్చారు. తెలంగాణ వ్యతిరేకతను నరనరాన నింపుకొన్న కిరణ్ కుమార్ రెడ్డి...కేవీపీ రామచందర్రావు... షర్మిల వంటి తెలంగాణ వ్యతిరేకులంతా ఏకమవుతున్నారు. బహురూపుల వేషాల్లోలో తెలంగాణ పైకి వస్తున్నారు. వీరందరితో తెలంగాణ ప్రజలు జాగ్రత్తగా ఉండాలి. పైకి కనబడేది కిషన్ రెడ్డి.. అదించేది కిరణ్ కుమార్ రెడ్డి, కనబడేది రేవంత్ రెడ్డి ఆడించేది కేవీపీ రామచంద్రరావు. తెలంగాణ ఉద్యమాన్ని కొనుగోలు చేసే ప్రయత్నం చేసి ఉద్యమాన్ని అణిచివేసే ప్రయత్నం చేసిన కేవీపీ రామచంద్రరావు ఈరోజు తెలంగాణ వాదిగా చెప్పుకోవడం మన కర్మ” అంటూ వ్యాఖ్యలు చేశారు. ఫలితంగా మరోసారి పరోక్షంగా తెలంగాణ సెంటిమెంట్ ను తెరపైకి తీసుకువచ్చేశారు.&nbsp;</p>

<p>ఇక మరోమంత్రి గంగుల కమలాకర్ సంచలన వ్యాఖ్యలు చేశారు. ఆయన కూడా షర్మిలను ప్రస్తావిస్తూ కాంగ్రెస్ ను టార్గెట్ చేశారు. కాంగ్రెస్ పార్టీ మళ్లీ తెలంగాణను ఆంధ్రాలో కలపడానికి షర్మిలతో కలిసి కుట్ర చేస్తున్నారని ఆరోపించారు. 50-60 సంవత్సరాలుగా తెలంగాణ ప్రాంతాన్ని పాలించిన కాంగ్రెస్... బీజేపీ పార్టీలు ఎన్నికల వేళ మరోసారి ఓటు వేయమని వస్తున్నారని, ఆ పార్టీల పట్ల ప్రతి ఒక్కరు అప్రమత్తంగా ఉండాలని పిలుపునిచ్చారు. &nbsp;మొన్నటి వరకు ఈ ప్రాంతంలో పర్యటించిన షర్మిల...ఇప్పుడు కాంగ్రెస్ లో కలిసిందని, రేపు వారంతా కలిసి తెలంగాణను మరోసారి ఆంధ్రాలో కలిపేందుకు కుట్రలు పన్నుతున్నారన్నారు. అలాంటి పార్టీల పట్ల జాగ్రత్తగా ఉండాలని కామెంట్స్ చేశారు. ఇలా వరుసగా కేటీఆర్, మంత్రి గంగుల కామెంట్స్ చేయటంతో…. సెంటిమెంట్ అస్త్రాన్ని మరోసారి బలంగానే వాడుకోవాలని బీఆర్ఎస్ చూస్తున్నట్లు అర్థమవుతోంది.</p>

<p>రాష్ట్రంలో రోజురోజుకూ పరిణామాలు మారిపోతున్నాయి. అందుకు తగ్గట్లే వ్యూహలు ఉండాలని బీఆర్ఎస్ భావిస్తోంది. ఓవైపు 9 ఏళ్లలో జరిగిన ప్రగతిని ప్రజల్లోకి తీసుకెళ్తూనే…. తెలంగాణ సెంటిమెంట్ అస్త్రాన్ని కూడా తెరపైకి తీసుకువచ్చేలా ప్లాన్ చేస్తున్నట్లు కనిపిస్తోంది. కీలక నేతలంతా కూడా కాంగ్రెస్ ను ఇరకటంలో పెట్టేలా మాట్లాడే అవకాశం స్పష్టంగా ఉంది.టీఆర్ఎస్… బీఆర్ఎస్ గా మారిన వేళ… తెలంగాణ సెంటిమెంట్ అస్త్రం ఈ ఎన్నికల్లో వర్కౌట్ అవుతుందా..? గులాబీ బాస్ కేసీఆర్ కూడా మరోసారి… ఇదే అస్త్రాన్ని ప్రయోగించి ప్రత్యర్థులను టార్గెట్ చేస్తారా..? అనేది కూడా ఆసక్తికరంగా మారింది.</p>

<ul><li>Telangana Assembly Elections 2023: ఎన్నికల యుద్ధంలోకి దిగిన బీఆర్ఎస్…వ్యూహలను సిద్ధం చేస్తోంది. TRSను బీఆర్ఎస్ గా మార్చినప్పటికీ… సెంటిమెంట్ అస్త్రాన్ని విడిచిపెట్టేలా మాత్రం కనిపించటం లేదు. మరోసారి ఈ అస్త్రంతో ప్రధాన ప్రత్యర్థులను ఇరుకునపెట్టేలా పావులు కదుపుతోంది.</li></ul>

TS Assembly Elections 2023 : పొటీకి సై అంటున్న ప్రొఫెసర్... ఆసక్తికరంగా 'ఇల్లందు' రాజకీయాలు

professor Gummadi Anuradha to Contest Polls as an Independent from Yellandu Assembly constituency 2023

<p><strong>Yellandu Assembly constituency: </strong>రాష్ట్రంలో ఎన్నికల వేడి మొదలైంది. నోటిఫికేషన్ రాకముందే అభ్యర్థుల జాబితాపై ప్రధాన పార్టీలు దృష్టిపెట్టాయి. బీఆర్ఎస్ ఇప్పటికే అభ్యర్థులను(115) ప్రకటించగా.. త్వరలోనే బీజేపీ, కాంగ్రెస్ పార్టీల జాబితాలు రానున్నాయి. ఇదిలా ఉంటే... ఇతర పార్టీల నుంచి పోటీ చేయడమే కాకుండా, ఇండిపెండెంట్ గా కూడా బరిలో నిలిచే వాళ్లు ఏర్పాట్లు చేసుకునే పనిలో పడ్డారు. మరికొద్దిరోజుల్లోనే ఎన్నికల నగారా మోగబోతున్న నేపథ్యంలో.... పోటీ చేసే స్థానాలపై గురిపెట్టారు. అయితే రిజర్వుడు నియోజకవర్గాల నుంచి ఎక్కువ మంది బరిలో ఉండేందుకు ఆసక్తి చూపుతున్నారు. ఇటీవల కాంగ్రెస్ పార్టీ దరఖాస్తుల స్వీకరించగా... ఉమ్మడి ఖమ్మం జిల్లా పరిధిలోని ఇల్లందు సీటు కోసం ఏకంగా 36 మంది దరఖాస్తు చేసుకున్నారు. ఇక ఇతర ప్రాంతీయ పార్టీల్లో కూడా డిమాండ్ ఎక్కువగానే ఉంది. ఇదిలా ఉంటే... ఇదే ఇల్లందు సీటు నుంచి బరిలో ఉండేందుకు ఓయూకు చెందిన ఓ మహిళా ప్రొఫెసర్ రంగం సిద్ధం చేసుకున్నారు. ఆమె ఎంట్రీ ఖరారు కావటంతో... ఇల్లందు రాజకీయాలు ఆసక్తికరంగా మారాయి.</p>

<h2>పోటీ సై అంటున్న గుమ్మడి అనురాధ...</h2><p>వచ్చే అసెంబ్లీ ఎన్నికల్లో ఇల్లెందు నియోజకవర్గం నుంచి స్వతంత్ర అభ్యర్థిగా పోటీ చేస్తానని లా డిపార్ట్ మెంట్ ఫ్రొఫెసర్ గుమ్మడి అనురాధ ప్రకటించారు. ఈమె మాజీ ఎమ్మెల్యే గుమ్మడి నర్సయ్య కుమార్తె. ఇటీవలే ఇల్లెందులో మీడియాతో మాట్లాడిన ఆమె.... పోటీ విషయంపై ఓ ప్రధాన పార్టీకి చెందిన నేతలు కలిశారని, పోటీ చేయాలని కోరారని తెలిపారు. అయితే తాను మాత్రం రాజకీయ పార్టీలకు దూరంగా ఉండాలని నిర్ణయించుకున్నాని.... స్వతంత్రంగా పోటీ చేస్తానని స్పష్టం చేశారు. నియోజకవర్గాన్ని కుట్రలు, కబ్జా రాజకీయాల బారినుంచి కాపాడేందుకు ఇండిపెండెంట్‌ అభ్యర్థిగా బరిలో దిగుతానని చెప్పుకొచ్చారు. ఈ సందర్భంగా స్థానిక సమస్యలను కూడా ప్రస్తావించారు అనురాధ. ఇక ప్రస్తుతం గుమ్మడి అనురాధ ఉస్మానియా పీజీ న్యాయ కళాశాల ప్రిన్సిపాల్ గా పని చేస్తున్నారు. అసిస్టెంట్‌ ప్రొఫెసర్‌గా ఉద్యోగం సాధించిన తొలి ఆదివాసీ మహిళగా కూడా అనురాధకు గుర్తింపు దక్కింది.</p>

<p>అనురాధ తండ్రి గుమ్మడి నర్సయ్య... ఇయన అంటే తెలియని వారు ఉండరు. సీపీఐ ఎంఎల్‌ పార్టీ విప్లవ రాజకీయాల్లో రాష్ట్ర నాయకుడిగా, ఇల్లెందు నియోజకవర్గం నుంచి 1983, 1985, 1989, 1999, 2004లో 5 పర్యాయాలు ఎమ్మెల్యేగా గెలిచారు. ఎలాంటి ఆర్బాటాలకు తావులేకుండా తన పదవీ కాలమంతా ప్రజల మధ్యనే గడిపారు నర్సయ్య. ఇప్పటికీ ఒక సామాన్య జీవితం గడుపుతున్నారు. ఇప్పటికీ ఆయన వ్యవసాయం మీదే ఆధాపడుతూ జీవనం గడుపుతున్నారు. నియోజకవర్గాల పునర్విభజనతో రెండుసార్లు ఓడిపోయారు. అయినా పార్టీని అంటిపెట్టుకుని, తాను నమ్మిన సిద్ధాంతాల కోసం పనిచేస్తూ ప్రజలతోనే జీవిస్తున్నారు. 25 ఏళ్లు ఎమ్మెల్యేగా చేసినప్పటికీ ఏనాడు కూడా అవినీతిని దరిచేరనివ్వని గొప్ప నాయకుడిగా నర్సయ్య పేరు పొందారు. ఈ నేపథ్యంలో నర్సయ్య కుమార్తె కావటమే కాకుండా... ప్రొఫెసర్ గా పని చేస్తున్న అనురాధతో బీఆర్ఎస్ చర్చలు జరిపినట్లు కూడా వార్తలు వచ్చాయి. ఆమె టికెట్ ఇచ్చి... ఇల్లందు నుంచి బరిలో ఉంచాలని భావించింది. ఈ మేరకు ఆమెతో చర్చలు జరిపినప్పటికీ... అనురాధ స్వతంత్రంగానే పోటీ చేసేందుకు సిద్ధమయ్యారు.</p>

<p>గత ఎన్నికల్లో ఇక్కడ్నుంచి కాంగ్రెస్ తరపున బానోతు హరి ప్రియా నాయక్ ఎమ్మెల్యేగా గెలిచారు. అనంతరం ఆమె బీఆర్ఎస్ లో చేరారు. ప్రస్తుతం ఆమెకో మరోసారి టికెట్ కూడా ప్రకటించింది గులాబీ అధినాయకత్వం. ఇక కాంగ్రెస్ పార్టీ తరపున ఇంకా ఖరారు కావాల్సి ఉంది. ఇలాంటి నేపథ్యంలో... మాజీ ఎమ్మెల్యే నర్సయ్య కుమార్తె అయిన గుమ్మడి అనురాధ పోటీ ఇల్లందులో ఆసక్తికరంగా మారింది.</p>

<ul><li>Telangana Assembly Elections 2023: అసెంబ్లీ ఎన్నికలు సమీపిస్తున్న వేళ ఎస్టీ రిజర్వుడు నియోజకవర్గమైన ఇల్లందు రాజకీయాలు ఆసక్తికరంగా మారుతున్నాయి. ఈ సీటు నుంచి పోటీ చేయాలని చాలా మంది భావిస్తున్నారు. ఇదిలా ఉంటే… &nbsp;ఓ మహిళా ప్రొఫెసర్ కూడా ఈ జాబితాలో చేరిపోయింది.</li></ul>

Malkajgiri BRS Ticket : మల్కాజ్‍గిరిపై అదే ఉత్కంఠ - తెరపైకి మరో ముఖ్య నేత..!

brs Likely to Replace Mynampally in Malkajgiri seat

<p><strong>Telangana Assembly Elections 2023: ఎన్నికలు సమీపిస్తున్న వేళ</strong> అధికార బీఆర్ఎస్ దూకుడు పెంచేసింది. ఏకంగా 115 మంది అభ్యర్థులను ప్రకటించి… ఎన్నికల రేసులో టాప్ గేర్ వేసింది. క్షేత్రస్థాయిలో చేపట్టాల్సిన కార్యక్రమాలపై ఫోకస్ పెట్టింది. ఇప్పటికే చాలా నియోజకవర్గాల్లో ప్రచారం షురూ చేసే పనిలో పడ్డారు టికెట్ దక్కించుకున్న నేతలు. మరోవైపు అసంతృప్త నేతలను కూడా లైన్ లోకి తీసుకొచ్చే పనిలో ఉంది అధినాయకత్వం. ఇదిలా ఉంటే మల్కాజ్ గిరి సీటు అంశంపై లోతుగానే ఆలోచన చేస్తున్నట్లు తెలుస్తోంది. మంత్రి హరీశ్ రావ్ టార్గెట్ గా మైనంపల్లి తీవ్రస్థాయిలో విమర్శలు చేయటంతో… పార్టీ హైకమాండ్ సీరియస్ గా తీసుకుంది. మైనంపల్లి వ్యాఖ్యలను ఎట్టి పరిస్థితుల్లో ఉపేక్షించే పరిస్థితి లేదని తెలుస్తోంది. ఈ నేపథ్యంలో…. ఇక్కడ కొత్త అభ్యర్థిని ఖరారు చేయాలనే యోచనలో ఉన్నట్లు గులాబీ వర్గాల మేరకు సమాచారం అందుతోంది.</p>

<p>మంత్రి హరీశ్ రావ్ పై మల్కాజ్ గిరి ఎమ్మెల్యే <a class="manualbacklink" target="_blank" href="https://telugu.hindustantimes.com/telangana/hyderabad-mla-mynampally-hanumantha-rao-meets-followers-supporters-announce-decision-in-one-week-121693043684034.html">మైనంపల్లి </a>హన్మంత్ రావ్ చేసిన వ్యాఖ్యలు బీఆర్ఎస్ పార్టీలో చర్చనీయాంశంగా మారిన సంగతి తెలిసిందే. కేటీఆర్ తో పాటు మంత్రులు, ఇతర ప్రజాప్రతినిధులు తీవ్రంగా ఖండించారు. ఆయనపై చర్యలు తీసుకోవాలని డిమాండ్ కూడా చేశారు. ఈ నేపథ్యంలో మైనంపల్లిపై చర్యలకు సిద్ధమవుతోందట బీఆర్ఎస్ హైకమాండ్. హరీశ్ రావ్ పై చేసిన కామెంట్స్ పై వివరణ కోరుతూ షోకాజ్ నోటీసులు ఇచ్చే అవకాశం ఉందట! ఆయన్నుంచి వచ్చే రియాక్షన్ బట్టి వేటు వేసే అవకాశాలు ఉన్నట్లు తెలుస్తోంది. ఇదే సమయంలో ఆయన్ను పక్కనపెడితే అభ్యర్థిగా ఎవరిన్ని దించాలనే దానిపై కూడా గులాబీ బాస్ కేసీఆర్ ఇప్పటికే కసరత్తు షురూ చేశారు.  మల్లారెడ్డి అల్లుడు మర్రి రాజశేఖర్ రెడ్డితో పాటు కుత్బుల్లాపూర్ టికెట్ ఆశించిన ఎమ్మెల్సీ శంభీపూర్ రాజు పేర్లను పరిశీలించారు. అయితే శంభీపూర్ రాజువైపు గులాబీ అధినాయకత్వం కాస్త మొగ్గు చూపినప్పటికీ… ఆయన ఆసక్తికరంగా లేరని తెలుస్తోంది. అంతేకాదు…కొద్దిరోజుల కిందట బీజేపీలో చేరిన ఓ మాజీ ఎమ్మెల్యేను పార్టీలోకి తీసుకొచ్చి టికెట్ ఇస్తారనే చర్చ కూడా నడిచింది. ఇవన్నీ ఇలా ఉంటే… అనూహ్యంగా మరో సీనియర్ నేత పేరును పరిశీలిస్తున్నారట..! ఇప్పుడు ఇదే గులాబీ వర్గాల్లో ఆసక్తికరంగా మారింది.</p>

<h2>తెరపైకి మాజీ మేయర్…?</h2><p>మైనంపల్లిపై వేటు వేయటం జరిగితే అక్కడ్నుంచి మాజీ మేయర్ బొంతు రామ్మోహన్ ను బరిలో దింపే విషయంపై కూడా బీఆర్ఎస్ అధినాయకత్వం ఆలోచిస్తుందట…! ఉప్పల్ టికెట్ పై భారీగా ఆశలు పెట్టుకున్న ఆయనకు… ఈసారి కూడా టికెట్ ఇవ్వలేదు బీఆర్ఎస్. దీంతో ఆయన అసంతృప్తితో ఉన్నట్లు వార్తలు వచ్చాయి. ఈ నేపథ్యంలో… ఉప్పల్ పక్క నియోజకవర్గమైన మల్కాజ్ గిరి నుంచి ఛాన్స్ ఇస్తే ఎలా ఉంటుందనే దానిపై సమాలోచనలు జరుగుతున్నాయట..! మేయర్ గా పని చేసిన కాలంలో… మల్కాజ్ గిరి నియోజకవర్గ పరిధిలో ఉన్న పరిచయాలు కలిసివస్తాయని… పైగా బీసీ సామాజికవర్గాని(మున్నూరు కాపు)కి మరో టికెట్ ఇచ్చినట్లు అవుతుందని పార్టీ భావిస్తోందని తెలుస్తోంది. ఇవేకాకుండా… తెలంగాణ ఉద్యమంలో క్రియాశీలకంగా వ్యవహరించిన వ్యక్తిగా బొంతుకు పేరుంది. ప్రస్తుతం ఆయన భార్య జీహెచ్ఎంసీ కార్పొరేటర్ గా కూడా ఉన్నారు. ఇదే విషయంపై బొంతుతో కూడా పార్టీ పెద్దలు ప్రాథమికంగా చర్చలు జరిపారనే టాక్ వినిపిస్తోంది. అన్ని కుదిరితే… బొంతు రామ్మోహన్ కు ఛాన్స్ రావొచ్చనే అభిప్రాయాలు వ్యక్తమవుతున్నాయి. </p>

<p>మొత్తంగా జరుగుతున్న పరిణామాలు చూస్తుంటే… మైనంపల్లిపై వేటు పడటం ఖాయంగానే కనిపిస్తోంది. మరికొద్దిరోజుల్లోనే మీడియాకు ముందుకు వస్తానని మైనంపల్లి చెప్పారు. ఈ నేపథ్యంలో పునరాలోచన చేసిన హరీశ్ రావ్ కామెంట్స్ వ్యవహరంపై మైనంపల్లి యూటర్న్ తీసుకుంటారా..? లేక అంతలోపే బీఆర్ఎస్ హైకమాండ్ ఆయనపై వేటు వేస్తుందా..? అనేది కూడా టాక్ ఆఫ్ ది పాలిటిక్స్ గా మారింది. </p>

<ul><li>Malkajgiri Assembly Constituency: మైనంపల్లి కామెంట్స్ చిచ్చు రేపిన నేపథ్యంలో మల్కాజ్ గిరి సీటుపై డైలామాలో పడింది బీఆర్ఎస్ హైకమాండ్. ఫలితంగా రేపోమాపో కొత్త అభ్యర్థిని ఖరారు చేసే పనిలో ఉంది. ఇప్పటికే పలువురి పేర్లను పరిశీలించగా... కొత్తగా మరో సీనియర్ నేత పేరు తెరపైకి వచ్చినట్లు తెలుస్తోంది.</li></ul>

Mahendra Maheshwaram