Soya Idly Recipe : సోయాబీన్స్తో ఇడ్లీలు.. ప్రోటీన్కు మంచి నేస్తాలు..
Soya Idly Recipe : ఉదయాన్నే చాలామంది ఇడ్లీలు తినడానికి ఇష్టపడతారు. ఎందుకంటే దీనిని ఎలాంటి ఆయిల్ లేకుండా.. స్టీమ్ మీద ఉడికిస్తారు కాబట్టి ఆరోగ్యానికి మంచిదంటారు. అయితే దీనిలో ప్రోటీన్ను మరింత పెంచుకోవాలి అనుకుంటే.. మీరు ఈ రెసిపీని ట్రై చేయాల్సిందే.
Soya Idly Recipe : రోజూ ప్రోటీన్ను తగినంత తీసుకోవాలని ఆరోగ్యనిపుణులు చెప్తారు. ఆరోగ్యానికి ఇది చాలా అవసరం కూడా. అయితే మీ ఇడ్లీలలో ప్రోటీన్ ఎక్కువ ఉండేలా తీసుకుంటే.. అది రోజంతా మిమ్మల్ని మరింత ఎనర్జిటిక్గా ఉంచుతుంది. అది ఎలా అనుకుంటున్నారా? సోయాబీన్స్ను మీ ఇడ్లీ రెసిపీలో చేర్చుకుంటే.. ఇది మీకు ప్రోటీన్ను అందిస్తుంది. మరి దీనిని ఎలా తయారు చేసుకోవాలో.. కావాల్సిన పదార్థాలు ఏమిటో ఇప్పుడు తెలుసుకుందాం.
కావాల్సిన పదార్థాలు
* సోయాబీన్ - 1 కప్పు
* మినపప్పు - 1 కప్పు
* మెంతి గింజలు - 1 టీస్పూన్
* ఇడ్లీరవ్వ - 1 కప్పు
* శనగపప్పు - 1 టీస్పూన్
తయారీ విధానం
ముందుగా పప్పు, బియ్యం, సోయాబీన్‌లను విడిగా నానబెట్టండి. వాటిలో మెంతిగింజలు, శనగపప్పు వేయండి. బియ్యాన్ని కనీసం 5-6 గంటలు నానబెట్టండి. నానబెట్టిన తర్వాత అన్నింటిని కలిపి మందపాటి, స్థిరమైన పేస్ట్‌గా రుబ్బుకోవాలి. అనంతరం దానిలో ఇడ్లీరవ్వ, ఉప్పు వేసి బాగా కలపండి. పిండిని కనీసం 6 గంటలు లేదా రాత్రిపూట పులియనివ్వండి. ఉదయాన్నే లేదా పులిసిన తర్వాత.. పిండిని మరోసారి బాగా కలపండి. ఇప్పుడు ఇడ్లీ స్టీమర్‌లో ఇడ్లీలు వేసేయండి. దీనిని సాంబార్, కొబ్బరి చట్నీతో వేడి వేడిగా లాగించేయవచ్చు.
సంబంధిత కథనం