KFC Chicken: ఇంట్లోనే కెఎఫ్‌సి చికెన్ ఇలా సింపుల్‌గా చేసేయండి, పిల్లలు ఇష్టంగా తింటారు-kfc chicken recipe in telugu know how to make this snacks ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Kfc Chicken: ఇంట్లోనే కెఎఫ్‌సి చికెన్ ఇలా సింపుల్‌గా చేసేయండి, పిల్లలు ఇష్టంగా తింటారు

KFC Chicken: ఇంట్లోనే కెఎఫ్‌సి చికెన్ ఇలా సింపుల్‌గా చేసేయండి, పిల్లలు ఇష్టంగా తింటారు

Haritha Chappa HT Telugu
Jul 02, 2024 11:34 AM IST

KFC Chicken: కెఎఫ్‌సి చికెన్ పేరు చెబితేనే నోరూరిపోతుంది. క్రిస్పీగా, క్రంచీగా ఉండే ఈ చికెన్ పిల్లలు కూడా ఇష్టపడతారు. దీన్ని ఇంట్లోనే చాలా సులువుగా తయారు చేసుకోవచ్చు. కెఎఫ్‌సి చికెన్ రెసిపీ ఇదిగో.

కెఎఫ్‌సి చికెన్ రెసిపీ
కెఎఫ్‌సి చికెన్ రెసిపీ

KFC Chicken: కేఎఫ్‌సి చికెన్ క్రిస్పీగా ఉంటుంది. తింటున్న కొద్దీ మరింతగా తినాలనిపిస్తుంది. కానీ దీని ధర చాలా ఎక్కువ. అందుకే కేఎఫ్‌సి చికెన్ కొనే కన్నా ఇంట్లోనే చాలా సులువుగా తయారు చేసుకోవచ్చు. పరిశుభ్రంగా అప్పటికప్పుడు తాజాగా వండుకోవచ్చు. కేఎఫ్‌సి చికెన్ ఎలా చేయాలో ఇక్కడ రెసిపీ ఇచ్చాము. దీన్ని ఫాలో అయిపోతే క్రిస్పీ, క్రంచి కేఎఫ్‌సి చికెన్ సిద్ధమైపోతుంది.

కేఎఫ్‌సి చికెన్ రెసిపీకి కావలసిన పదార్థాలు

చికెన్ ముక్కలు - అర కిలో

గుడ్లు - రెండు

మైదా - రెండు కప్పులు

వెల్లుల్లి పొడి - రెండు స్పూన్లు

నూనె - ఫ్రై చేయడానికి తగినంత

పాలు - రెండు స్పూన్లు

ఓట్స్ - రెండు స్పూన్లు

ఉప్పు - రుచికి సరిపడా

ఉల్లిపాయ పొడి - రెండు స్పూన్లు

కారం - ఒక స్పూను

నిమ్మరసం - ఒక స్పూను

మిరియాల పొడి - అర స్పూను

బ్రెడ్ పొడి - రెండు స్పూన్లు

కేఎఫ్‌సి చికెన్ రెసిపీ

1. చికెన్‌ను మరీ చిన్న ముక్కలుగా కాకుండా కొంచెం పెద్ద ముక్కలుగా కట్ చేసుకోవాలి.

2. వాటిని శుభ్రంగా కడిగి టిష్యూ పేపర్‌తో తడి తుడిచేయాలి.

3. ఇప్పుడు ఒక గిన్నెలో నిమ్మరసం, కారం, మిరియాల పొడి, ఉప్పు వేసి బాగా కలుపుకొని అందులో చికెన్ ముక్కలను వేయాలి.

4. చికెన్ ముక్కలకు ఆ మిశ్రమం అంతా పట్టేలా కలపాలి. రెండు గంటల పాటు మ్యారినేట్ చేయాలి.

5. ఇప్పుడు మరొక గిన్నెలో గుడ్లు పగలగొట్టి వేసి బాగా గిలక్కొట్టాలి.

6. అందులో పాలు వేయాలి. మరొక గిన్నెలో మైదాపిండి, వెల్లుల్లి పొడి, ఉల్లిపాయ పొడి, కారం, మిరియాల పొడి, ఓట్స్ పొడి, ఉప్పు వేసి బాగా కలుపుకోవాలి.

7. బ్రెడ్ పొడిని కూడా వేయాలి.

8. ఇప్పుడు స్టవ్ మీద కళాయి పెట్టి డీప్ ఫ్రై చేయడానికి సరిపడా నూనె వేయాలి.

9. ముందుగా మ్యారినేట్ చేసుకున్న చికెన్ ముక్కలను గుడ్ల మిశ్రమంలో ఒకసారి ముంచి తీయాలి.

10. వాటిని కాగుతున్న నూనెలో వేసి ఫ్రై చేసుకోవాలి.

11. గోల్డ్ కలర్ వచ్చేంతవరకు ఫ్రై చేసి తీసి టిష్యూ పేపర్ మీద వేసుకోవాలి.

12. టిష్యూ పేపర్ అదనంగా ఉన్న నూనెను పీల్చేస్తుంది.

13. ఇలా అన్ని చికెన్ ముక్కలను ఫ్రై చేసుకుని సర్వ్ చేసుకోవాలి.

14. అంతే క్రిస్పీ కేఎఫ్‌సి చికెన్ సిద్ధమైపోతుంది. దీన్ని పిల్లలు ఇష్టంగా తింటారు. రుచి కూడా అదిరిపోతుంది. ఒకసారి చేసుకున్నారంటే మీరు చాలా సులువుగా చేసుకోగలరు.

కేఎఫ్‌సి చికెన్ పై ఎన్నో ఆరోపణలు వచ్చాయి. కొన్నిచోట్ల కలుషిత చికెన్‌తో తయారు చేసినట్టు వార్తలు వచ్చాయి. కాబట్టి వాటిని బయట కొనుక్కునే బదులు ఇంట్లోనే ఇలా తయారు చేసుకుంటే తాజాగా, పరిశుభ్రంగా ఉంటుంది. పిల్లలు ఇష్టంగా తింటారు. చికెన్ కర్రీ తినడానికి ఇష్టపడని పిల్లలకు ఇలా కేఎఫ్‌సి చికెన్ రూపంలో తినిపిస్తే వారు తినే అవకాశం ఉంది. పెద్దలు ఈ రెసిపీని ఇష్టపడతారు. టమాటో కెచప్‌తో కేఎఫ్‌సి చికెన్ అదిరిపోతుంది.

WhatsApp channel