Raw Coconut Fry : పచ్చి కొబ్బరి వేపుడు.. పిల్లలు ఇష్టంగా తింటారు

చాలా ఇళ్లలో మధ్యాహ్న భోజనంలో అన్నం తప్పనిసరిగా ఉంటుంది. మరో మాటలో చెప్పాలంటే.. అయితే దీనిలోకి ఏదైనా కాస్త వెరైటీగా చేసుకుంటే ఇంకా బాగుంటుంది. చాలా మంది ఏదో ఒక ఫ్రైని సైడ్ డిష్‌లాగా చేసుకుంటారు. ఆరోగ్యానికి మంచిదైనా కొబ్బరితోనూ ఫ్రై చేసుకోవచ్చు. మంచి రుచి వస్తుంది. శరీరానికి కూడా చాలా మంచిది.

చాలా మంది ఫ్రైస్ లేకుండా అన్నం తినరు. ఏదో ఒకటి సైడ్‌కి ఉండాల్సిందే. మీ ఇంట్లో పచ్చి కొబ్బరి ఉంటే.. ఫ్రై చేసుకోవచ్చు. ఫ్రైస్ ఏమి చేయాలో తెలియకుంటే.. కచ్చితంగా మీరు కొబ్బరి ఫ్రై చేసుకోండి. మీరు 10 నిమిషాల్లో ఈ పచ్చికొబ్బరి ఫ్రైని సులభంగా తయారు చేసుకోవచ్చు.

ప్రధానంగా పచ్చికొబ్బరి ఫ్రైలు చాలా రుచిగా ఉంటాయి. వీటిని పిల్లలు ఇష్టపడి తింటారు. మహిళలకు కూడా పచ్చి కొబ్బరి నుంచి చాలా ఆరోగ్య ప్రయోజనాలు ఉన్నాయి. మహిళలు క్రమం తప్పకుండా పచ్చికొబ్బరి ఆహారంలో చేర్చుకుంటే చాలా సమస్యలను దూరం చేసుకోవచ్చు.

మీరు కొబ్బరితో చాలా వంటకాలను చేయవచ్చు. అయితే దీన్ని వేయించి సాంబార్ రైస్, పెరుగు అన్నం మొదలైన వాటితో తింటే.. అద్భుతంగా ఉంటుంది. చిరుతిండిగా కూడా తినవచ్చు. అలా చేస్తే పచ్చికొబ్బరి వేపుడు కమ్మని రుచి ఉంటుంది. పచ్చికొబ్బరి వేపుడు ఎలా చేయాలో ఇప్పుడు తెలుసుకుందాం..

పచ్చి కొబ్బరి ఫ్రైకి కావాల్సిన పదార్థాలు

పచ్చి కొబ్బరి - 500 గ్రాములు, ఉప్పు - రుచి ప్రకారం, మిరియాల పొడి - 1 టేబుల్ స్పూన్, పసుపు పొడి - 1 టేబుల్ స్పూన్, నూనె - 3-4 టేబుల్ స్పూన్లు, ఆవాలు - 1 టేబుల్ స్పూన్, కరివేపాకు - కొద్దిగా

పచ్చి కొబ్బరి ఫ్రై ఎలా చేయాలి?

ముందుగా పచ్చి కొబ్బరిని నీళ్లలో బాగా కడిగి సన్నగా కట్ చేసుకోవాలి.

తర్వాత తరిగిన పచ్చిమిర్చిని ఒక గిన్నెలో వేసి ఉప్పు, కారం, పసుపు వేసి రుచికి తగినట్లు వేసి చేతితో బాగా ముద్దలా చేసి 30 నిమిషాలు నాననివ్వాలి.

తర్వాత పొయ్యి మీద కడాయి పెట్టి అందులో నూనె పోసి వేడయ్యాక ఆవాలు, కరివేపాకు వేసి తాలింపు వేయాలి.

తర్వాత పచ్చి కొబ్బరిని వేసుకోవాలి.

ఇప్పుడు పచ్చిమిర్చి ముద్దను కొబ్బరి ఫ్రై అయ్యాక వేసుకోవాలి. కరకరలాడే వరకు ఉడికించుకుంటే రుచికరమైన పచ్చి కొబ్బరి ఫ్రై రెడీ.