Cleaning Tips: డ్రెస్సులపై పడిన మొండి మరకలు పొగొట్టేందుకు ఈ ఇంటి చిట్కాలు పాటించండి-follow these home remedies to remove stubborn stains from dresses ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Cleaning Tips: డ్రెస్సులపై పడిన మొండి మరకలు పొగొట్టేందుకు ఈ ఇంటి చిట్కాలు పాటించండి

Cleaning Tips: డ్రెస్సులపై పడిన మొండి మరకలు పొగొట్టేందుకు ఈ ఇంటి చిట్కాలు పాటించండి

Haritha Chappa HT Telugu
Jul 09, 2024 10:49 AM IST

Cleaning Tips: వంటగదిలో పనిచేసేటప్పుడు దుస్తులకు నూనె, కూర మరకలు పడుతూ ఉంటాయి. సాధారణ డిటర్జెంట్‌తో ఎంత రుద్దినా అవి పోవు. వాటిని శుభ్రపరచడానికి సులభమైన చిట్కాలను తెలుసుకోండి.

క్లినింగ్ టిప్స్
క్లినింగ్ టిప్స్ (Shutterstock)

బట్టలపై మరకలు పడడం అనేది ప్రతి ఇంట్లోను జరిగేదే. ముఖ్యంగా వంటగదిలో పనిచేసేటప్పుడు బట్టలపై నూనె, కూర మరకలు పడుతూ ఉంటాయి. ఈ మరకలు చాలా మొండిగా ఉంటాయి. సాధారణ డిటెర్జెంట్‌తో వాటిని శుభ్రం చేయడం కూడా చాలా కష్టం. సాధారణ డిటర్జెంట్లను ఉపయోగించి అలాంటి మరకలను శుభ్రం చేయలేము. ఎక్కువగా రుద్దితే బట్టలు చెడిపోయే ప్రమాదం ఉంది. ఈ సమస్యకు చిన్న చిన్న చిట్కాలను ఇచ్చాము. ఈ చిట్కాలను పాటించడం ద్వారా ఎంత మొండి మరకలనైనా పొగొట్టుకోవచ్చు.

వెనిగర్

వెనిగర్‌ను కొని ఇంట్లో పెట్టుకోండి. ఇది జిడ్డు మరకలను తొలగించడానికి సహాయపడుతుంది. మీ బట్టలపై నూనె మరకలు పడినప్పుడు అదొక రకమైన వాసన వస్తాయి. అలాంటి మరకలను వెనిగర్ సులభంగా శుభ్రపరుస్తుంది. వెనిగర్‌తో దుస్తులను శుభ్రం చేయడానికి, గోరువెచ్చని నీటిలో కలపండి. ఆ నీటిలో మరకలు పడిన డ్రెస్ ను నానబెట్టండి. కాసేపటి తర్వాత చేతులతో రుద్దితే బట్టలపై పడిన మరక శుభ్రంగా పోతుంది. ఇలాంటి జిడ్డు మరకలను వెనిగర్ సమర్థవంతంగా శుభ్రపరుస్తుంది.

నిమ్మకాయ

జిడ్డును పొగొట్టడానికి, మరకలను తొలగించడానికి నిమ్మరసం అద్భుతంగా పనిచేస్తుంది. ఇది నేచురల్ బ్లీచింగ్ లా పనిచేస్తుంది. డ్రెస్సుపై మరకలు పడినప్పుడు, ఒక చిన్న నిమ్మకాయ ముక్కను కట్ చేసి, దాని రసాన్ని మరకపై పిండాలి. చేతులతోనే రుద్దాలి. మరక రంగు క్రమంగా తగ్గి తేలికపడుతుంది.

బట్టలపై ఉన్న నూనె మరకలను తొలగించడానికి టాల్కమ్ పౌడర్ ను కూడా ఉపయోగించవచ్చు. ఇందుకోసం బట్టలపై నూనె పడిన వెంటనే ఆ ప్రదేశంలో టాల్కం పౌడర్ వేయాలి. ఇలా 20 నుంచి 30 నిమిషాలు ఉంచాలి. టాల్కమ్ పౌడర్ బట్టలపై పడిన నూనెను పూర్తిగా పీల్చేస్తుంది. ఒకవేళ దుస్తులపై అదనపు నూనె పడినట్లయితే, పౌడర్ పూర్తిగా తడిసిన తర్వాత స్క్రబ్ చేయాలి. తరచూ పౌడర్ వేస్తూ మరకను తిరిగి పూయండి. కనీసం 30 నిమిషాల తరువాత, డిటర్జెంట్ ఉపయోగించి, తేలికపాటి చేతులతో రుద్దడం ద్వారా మరకను పొగొట్టుకోవచ్చు. ఇలా చేస్తే మరకలు పూర్తిగా తొలగిపోతాయి.

బేకింగ్ సోడాతో

మొండి మరకలను శుభ్రం చేయడంలో బేకింగ్ సోడా బాగా సహాయపడుతుంది. బేకింగ్ సోడాతో బట్టలపై ఉన్న మొండి మరకలను తొలగించడానికి, బట్టను తడిపి, సరైన మొత్తంలో బేకింగ్ సోడాను మరకలు ఉన్న ప్రదేశంలో వేయండి. ఇది బట్టలపై ఉన్న నూనె మరకలను పూర్తిగా గ్రహిస్తుంది. దీని తరువాత, సాధారణ పద్ధతిలో డిటర్జెంట్ ఉపయోగించి నీటితో వస్త్రాన్ని కడగాలి. వస్త్రం పూర్తిగా శుభ్రపడుతుంది. డ్రెస్ పై మరకలు పడిన వెంటనే పైన చెప్పిన చిట్కాలు పాటిస్తే మంచిది. ఎక్కువ గంటలు గడిస్తే మొండి మరకలు పూర్తిగా పోవడం కష్టంగా మారుతుంది.

WhatsApp channel