Egg Lollipop: పిల్లలకు ఎగ్ లాలీపాప్ చేసి పెట్టండి, ఎన్నయినా తింటారు

గుడ్డు ఇష్టంగా తినేలా రకరకాల స్నాక్స్ ట్రై చేయొచ్చు. ఈ ఎగ్ లాలీపాప్ కూడా అలాంటి రెసిపీయే. పిల్లల బర్త్‌డేలు, చిన్న పార్టీలకు ఫ్యాన్సీ స్నాక్ లాగా కనిపిస్తాయివి. వాటి రెసిపీ చూసేయండి.

ఎగ్ లాలీపాప్ తయారీకి కావాల్సినవి:

ఈ కొలతలన్నీ 6 గుడ్లకు సరిపోతాయి. మీ అవసరాన్ని బట్టి మార్చుకోండి.

6 గుడ్లు, ఉడికించి పెంకు తీసుకోండి

1 కప్పు మైదా

3 చెంచాల శనగపిండి

అరచెంచా కారం

అరచెంచా పసుపు

ఒక టీస్పూన్ మిరియాల పొడి

అర చెంచా అల్లం వెల్లుల్లి ముద్ద

1 ఉల్లిపాయ సన్నటి ముక్కల తరుగు

1 క్యాప్సికం, తరుగు

కాస్త కొత్తిమీర తరుగు

ఎగ్ లాలీపాప్ తయారీ విధానం:

1. ఒక పెద్ద బౌల్ తీసుకుని అందులో మైదా, శనగపిండి వేసుకోండి.
2. కారం, పసుపు, ఉప్పు, పొడి, అల్లం వెల్లుల్లి ముద్ద వేసి ఒకసారి కలపండి. ఈ పిండిని పక్కన పెట్టుకోండి.
3. ఇప్పుడు ఒక బౌల్ లో గుడ్లను సన్నటి ముక్కలు లేదా తురుముకుని వేసుకోండి. అందులో ఉప్పు, పసుపు, కారం, మిరియాలపొడి, ఉల్లిపాయ ముక్కలు,క్యాప్సికం ముక్కలు, కొత్తిమీర అన్నీ వేసి ముద్దలాగా కలుపుకోండి.
4. అంతా కలిసి ముద్ద అయ్యాక చిన్న చిన్న బాల్స్ చేసుకోండి.
5. ఈ బాల్స్ ముందుగా రెడీ చేసుకున్న పిండి మిశ్రమంలో ముంచండి.
6. కడాయి పెట్టుకుని నూనె వేసి వేడెక్కాక ఈ బాల్స్ వేసి ఎర్రగా వేయించండి.
7. వీటికి టూత్ పిక్ గుచ్చి సర్వ్ చేస్తే ఎగ్ లాలీపాప్ రెడీ.
8. ఇలా కాకుండా ఐస్ క్రీం పుల్లలకు గుడ్డు మిశ్రమాన్ని ముందుగానే గుండ్రంగా పెట్టి దాన్ని పిండిలో ముంచి కూడా డీప్ ఫ్రై చేసుకోవచ్చు.
9. వీటిని టమాటా సాస్‌తో సర్వ్ చేయండి.