Swimming In Morning : రోజూ ఉదయం ఈత కొడితే ఊహించని ప్రయోజనాలు

రోజూ ఉదయం రకరకాల వ్యాయామాలు చేసే బదులు కేవలం స్విమ్మింగ్ చేస్తే చాలు. నిత్యం ఈత కొట్టడం వల్ల మన శరీరంలోని అనేక వ్యాధులు నయమై శరీరాన్ని ఫిట్‌గా ఉంచుతాయి. మీరు ప్రతిరోజూ ఉదయం ఈత కొట్టినట్లయితే, శరీరంలోని అదనపు కొవ్వు తొలగిపోతుంది. మానసిక అలసట తగ్గుతుంది. ఆస్తమా, నిద్రలేమి సమస్యలు కూడా మెరుగుపడతాయి. ఈత వలన కలిగే అనేక ప్రయోజనాలు చూద్దాం..

కేలరీలను బర్న్ చేయడానికి ఈత ఒక గొప్ప మార్గం. మీరు ఎక్కువ కేలరీలు బర్న్ చేస్తే, మీరు మరింత బరువు కోల్పోతారు. ఈతలో కేలరీల బర్న్ రేటు ఇతర సాధారణ వ్యాయామాల కంటే చాలా ఎక్కువగా ఉంటుంది. రోజూ ఉదయం ఈత కొడితే మీ త్వరగా బరువు తగ్గుతారు.

ముఖ్యంగా మహిళల్లో వయసు పెరిగే కొద్దీ ఎముకల ద్రవ్యరాశి తగ్గుతుంది. ఈత ఎముకల నష్టాన్ని నివారించడంలో సహాయపడుతుంది. కీళ్ల నొప్పులు లేదా ఆర్థరైటిస్‌కు కూడా ఈత చాలా సహాయపడుతుంది. బోలు ఎముకల వ్యాధిని గణనీయంగా మెరుగుపరుస్తుంది. ఎముక ద్రవ్యరాశిని మెరుగుపరుస్తుంది. ఎముకలను బలంగా చేస్తుందని అధ్యయనాలు చెబుతున్నాయి.

స్విమ్మింగ్ గుండె, ఊపిరితిత్తులను చాలా ఆరోగ్యంగా ఉంచుతుంది. గుండెను ఆరోగ్యంగా ఉంచుకోవడానికి ఈత ఉత్తమమైన వ్యాయామాలలో ఒకటి అని అధ్యయనాలు వివరిస్తున్నాయి. రోజూ ఈత కొట్టే వారికి గుండె సమస్యలు చాలా వరకు తగ్గుతాయి. ఈత అనేది కండరాలను బలపరుస్తుంది, రక్త ప్రసరణను మెరుగుపరుస్తుంది.

శరీరంలో ట్రైగ్లిజరైడ్ స్థాయిలు పెరగడం వల్ల గుండె జబ్బులు, అకాల మరణం వచ్చే ప్రమాదం ఉంటుంది. రక్తంలో ట్రైగ్లిజరైడ్ స్థాయిలను తగ్గించడంలో స్విమ్మింగ్ చాలా ప్రభావవంతంగా ఉంటుంది. ఈ సమస్యను నివారించడానికి క్రమం తప్పకుండా ఈత కొట్టడం ప్రారంభించండి.

రాత్రి బాగా పట్టడం లేదా? అయితే కచ్చితంగా ఈత కొట్టడం ప్రారంభించండి. మీకు నిద్ర సమస్యలు ఉంటే ఈత ద్వారా నిద్ర సమస్యలు తొలగిపోతాయి. ఈత కొట్టేటప్పుడు మెదడుతో సహా మొత్తం శరీరం చురుకుగా ఉంటుంది. ఇది మంచి నిద్ర పొందడానికి సహాయపడుతుంది.

నిత్యం ఈత కొడితే మనసు బాగుంటుంది. ఒత్తిడి, ఆందోళన, నిరాశను తగ్గుతుంది. వివిధ తీవ్రమైన మానసిక సమస్యలకు చికిత్స చేయడంలో ఈత సహాయపడుతుంది. ఫలితంగా శరీరం ఆక్సీకరణ ఒత్తిడి తగ్గుతుంది.

అందుకే ప్రతిరోజూ ఉదయం ఈత కొట్టండి. వేసవిలో ఉదయంపూట ఈత కొట్టేందుకు అనుకూలంగానే ఉంటుంది. చలి కూడా ఎక్కువగా ఉండదు. ఈత కొడితే మీ శరీరం ఫ్లెక్సిబిలిటీ పెరుగుతుంది. దీంతో మెుత్తం ఆరోగ్యం బాగుంటుంది.