Today OTT Releases: ఓటీటీలోకి ఇవాళ ఒక్కరోజే 6 సినిమాలు- అన్నీ తెలుగులో స్ట్రీమింగ్- ఒక్కదాంట్లోనే 3- ఒక్కోటి ఒక్కో జోనర్

Today OTT Movies Telugu: ఓటీటీలోకి ఇవాళ ఒక్కరోజే ఏకంగా 6 సినిమాలు డిజిటల్ స్ట్రీమింగ్‌కు వచ్చాయి. అవన్నీ తెలుగులో ఓటీటీ రిలీజ్ అవడం స్పెషల్‌గా మారింది. అంతేకాకుండా ఏకంగా మూడు సినిమాలు ఒక్కదాంట్లోనే అందుబాటులో ఉన్నాయి. వాటిలో సైకలాజికల్ సస్పెన్స్ థ్రిల్లర్, క్రైమ్ థ్రిల్లర్, ఫ్యామిలీ డ్రామా, స్పై యాక్షన్‌తో ఒక్కోటి ఒక్కో జోనర్‌లో ఉన్నాయి.

హిడెన్ ఐడెంటిటీ ఓటీటీ

కొరియన్ స్పై యాక్షన్ డ్రామా వెబ్ సిరీస్ హిడెన్ ఐడెంటిటీ తెలుగు వెర్షన్‌ను తాజాగా ఓటీటీలో రిలీజ్ చేశారు. 2015లో వచ్చిన ఈ సిరీస్‌ తెలుగు వెర్షన్ ప్రముఖ తెలుగు ఓటీటీ ఈటీవీ విన్‌ ప్లాట్‌ఫామ్‌లో నేటి (అక్టోబర్ 24) నుంచే డిజిటల్ స్ట్రీమింగ్ అవుతోంది. 6.6 ఐఎమ్‌డీబీ రేటింగ్ ఉన్న హిడెన్ ఐడెంటిటీ సౌత్ కొరియన్ ఇంటెలిజెన్స్ స్వాడ్, అండర్ కవర్ డిటెక్టివ్స్ హార్బర్‌లో చేసే విన్యాసాలతో సాగుతుంది.

లిటిల్ హార్ట్స్ ఓటీటీ

మలయాళ రొమాంటిక్ ఫ్యామిలీ కామెడీగా తెరకెక్కిన సినిమా లిటిల్ హార్ట్స్. 2024 జూన్ 7న విడుదలై మంచి రెస్పాన్స్ తెచ్చుకున్న రొమాంటిక్ ఫ్యామిలీ డ్రామా లిటిల్ హార్ట్స్‌ తెలుగు వెర్షన్ ఓటీటీలోకి వచ్చేసింది. ఆహాలో ఇవాళ్టీ నుంచి లిటిల్ హార్ట్స్ ఓటీటీ స్ట్రీమింగ్ అవుతోంది. 6 ఐఎమ్‌డీబీ రేటింగ్ ఉన్న ఈ సినిమాకు ఆంటో జోస్ పెరైరా, అబీ ట్రేసా పాల్ దర్శకత్వం వహించారు.

బ్లింక్ ట్వైస్ ఓటీటీ

ఇటీవల కన్నడలో వచ్చిన బ్లింక్ మూవీ ఎంతటి హిట్ అందుకుందో తెలిసిందే. సేమ్ అలాంటి టైటిల్‌తో హాలీవుడ్‌లో వచ్చిన మూవీ ట్వైస్ బ్లింక్. అమెరికన్ సైకలాజికల్ సస్పెన్స్ థ్రిల్లర్ జోనర్‌లో తెరకెక్కిన ట్వైస్ బ్లింక్ ఓటీటీ స్ట్రీమింగ్‌కు వచ్చింది. అమెజాన్ ప్రైమ్‌లో ఓటీటీలో ట్వైస్ బ్లింక్ ఇంగ్లీష్, హిందీ, తెలుగు, తమిళ భాషల్లో డిజిటల్ స్ట్రీమింగ్ అవుతోంది. అయితే, 6.5 ఐఎమ్‌డీబీ రేటింగ్ ఉన్న ఈ సినిమా ప్రస్తుతానికి రెంటల్ విధానంలో మాత్రమే అందుబాటులో ఉంది.

బోన్‌యార్డ్ ఓటీటీ

నిజ జీవిత సంఘటనల ఆధారంగా తెరకెక్కిన క్రైమ్ థ్రిల్లర్ చిత్రం బోన్‌యార్డ్. 2009లో 11 మంది అమ్మాయిలను చంపిన ఒక సీరియల్ కిల్లర్‌ను పట్టుకునేందుకు ఒక డిటెక్టివ్, పోలీస్ ఇద్దరు కలిసి ఎఫ్‌బీఐలో జాయిన్ అవుతారు. ఆ తర్వాత నెలకొన్న సంఘటనల సముహారమే బోన్‌యార్డ్ కథ.

2024లో తెరకెక్కిన బోన్‌యార్డ్ అమెజాన్ ప్రైమ్‌లో హిందీ, తెలుగు, తమిళం, మరాఠీ భాషల్లో ఓటీటీ స్ట్రీమింగ్ అవుతోంది. అయితే, ఈ చిత్రం కూడా అమెజాన్ ప్రైమ్‌లో రెంటల్ విధానంలో మాత్రమే అందుబాటులో ఉంది.

క్రియేషన్ ఆఫ్ ది గాడ్స్ 1 ఓటీటీ

ఫాంటసీ అడ్వెంచర్ థ్రిల్లర్‌గా తెరకెక్కిన 2023 చైనీస్ ఫిల్మ్ క్రియేషన్ ఆఫ్ ది గాడ్స్ 1 కింగ్‌డమ్ ఆఫ్ స్టోర్మ్స్. రెండు గంటల 28 నిమిషాల రన్ టైమ్ ఉన్న ఈ సినిమాకు ఐఎమ్‌డీబీ నుంచి 6.7 రేటింగ్ సాధించుకుంది. అమెజాన్ ప్రైమ్‌లో ఈ చైనీస్ ఫిల్మ్ మాండరీన్, ఇంగ్లీష్, హిందీ, తెలుగు, తమిళ భాషల్లో ఓటీటీ స్ట్రీమింగ్ అవుతోంది.

బ్యూటీ ఇన్ బ్లాక్ ఓటీటీ

అమెరికన్ డ్రామా వెబ్ సిరీస్ బ్యూటీ ఇన్ బ్లాక్ నెట్‌ఫ్లిక్స్ ఓటీటీలో ఇవాళ (అక్టోబర్ 24) రిలీజ్ అయింది. 2024లో తెరకెక్కిన ఈ బ్యూటీ ఇన్ బ్లాక్ మొదటి ఎపిసోడ్‌ను నేడు ఓటీటీ రిలీజ్ చేశారు. ప్రస్తుతం బ్యూటి ఇన్ బ్లాక్ వెబ్ సిరీస్ ఇంగ్లీష్, హిందీ, తెలుగు, తమిళ భాషల్లో డిజిటల్ స్ట్రీమింగ్ అవుతోంది.