Gangstar Trend In Movies : హీరోలంతా గ్యాంగ్‌స్టర్స్.. ఇప్పుడదే ట్రెండ్

గ్యాంగ్ స్టర్ సినిమాలకు చాలా మంది ఫ్యాన్స్ ఉంటారు. తమ అభిమాన హీరో.. సినిమాలో గ్యాంగ్ సర్ట్ గా ఉండి.. చెప్పే డైలాగుకు ఊగిపోతారు. స్టైల్ గా గన్ పడితే.. అభిమానికి అదో తృప్తి. దీంతో ఇటు దర్శకుడు, అటు హీరోలు కూడా.. అలాంటి కథలే చేసేందుకు ఇంట్రస్ట్ చూపిస్తారు. ఇప్పుడు గ్యాంగ్ స్టర్స్ ట్రెండ్(Gangstar Trend) ఎక్కువగా నడుస్తోంది. పెద్ద హీరోలు సైతం అదే ఫాలో అయిపోతున్నారు.

ప్రభాస్ తర్వాతి సినిమా సలార్(Prabhas Salaar) సెప్టెంబర్ 28న విడుదల కానుంది. ఈ సినిమాలో డార్లింగ్ మోస్ట్ వాంటెడ్ క్రిమినల్ పాత్రలో కనిపిస్తాడని అంటున్నారు. ఈ సినిమా ఫస్ట్‌ గ్లింప్సే అందరినీ ఆకట్టుకుంది. ప్రశాంత్ నీల్(Prashanth Neel) దర్శకత్వం వహించిన ఈ చిత్రాన్ని హోంబలే ఫిలింస్ నిర్మిస్తోంది. గ్యాంగ్ స్టర్ గా ప్రభాస్ ను చూడాలని ఫ్యాన్స్ తెగ ఎదురూచూస్తున్నారు.

పవన్ కల్యాణ్ నటించిన చిత్రం ‘ఓజీ’(Pawan Kalyan OG). ఇటీవల పవన్ నటించిన బ్రో సినిమా విడుదలై మంచి హిట్ అందుకుంది. ఇక ఓజీ సినిమా(OG Cinema) కోసం అభిమానులు ఎంతో ఆసక్తిగా ఎదురుచూస్తున్నారు. ఓజీ అనగా.. ఒరిజినల్ గ్యాంగ్‌స్టర్ అనేది టైటిల్. పవన్ కల్యాణ్ పాత్రకు నెగెటివ్ షేడ్స్ కూడా ఉంటాయని అంటున్నారు. ఈ సినిమా ఇప్పటికే 50 శాతం షూటింగ్ పూర్తి చేసుకుంది.

ఇక ఐకాన్ స్టార్ అల్లు అర్జున్ ఇప్పటికే పుష్ప సినిమా(Pushpa Cinema)తో దుమ్ములేపాడు. పుష్ప 2(Pushpa 2) కోసం చాలా మంది ఎదురుచూస్తున్నారు. అల్లు అర్జున్(Allu Arjun) స్మగ్లర్‌గా నటించాడు. శేషాచలం అడవుల్లో ఎర్ర చందనం స్మగ్లర్ గా మెుదలైన పుష్పరాజ్ తర్వాత పెద్ద డాన్‌గా ఎదిగాడు. పుష్ప 2లో ఇది చూపించనున్నారు. ఈ చిత్రానికి సుకుమార్ దర్శకత్వం వహిస్తున్నారు.

దళపతి విజయ్ నటిస్తున్న చిత్రం లియో(Leo Cinema). ఈ సినిమా ఫస్ట్ లుక్‌తోనే అందరి దృష్టిని ఆకర్షించింది. అతని పాత్ర గ్యాంగ్‌స్టర్‌గా ఉంటుందని అంటున్నారు. గతేడాది సీతా రామమ్ సినిమాతో అందరి దృష్టిని ఆకర్షించిన నటుడు దుల్కర్ సల్మాన్. కింగ్ ఆఫ్ కోట(king of kota) చిత్రంలో నటిస్తున్నాడు. గ్యాంగ్‌స్టర్‌గా కనిపిస్తున్న ఈ సినిమా పోస్టర్‌ను విడుదల చేశారు.

కన్నడ చిత్ర పరిశ్రమలోనూ గ్యాంగ్ స్టర్స్ ట్రెండ్ నడుస్తోంది. కేజీఎఫ్ 2 పార్ట్స్ అలానే చూపించారు. ఇప్పుడు బేతాళుడు సినిమాలో గ్యాంగ్‌స్టర్‌గా నటిస్తున్నాడు శివరాజ్ కుమార్. ఇటీవల విడుదలైన టీజర్ అందరినీ ఆకట్టుకుంది. ఒరిజినల్ గ్యాంగ్ స్టర్ ఓజీ అంటూ శివన్న చెప్పే డైలాగ్ అందరినీ ఆకర్షిస్తోంది.

ఇక అర్జున్ రెడ్డి దర్శకుడు.. సందీప్ రెడ్డి వంగా(Sundeep Reddy Vanga) బాలీవుడ్‌లో మరో హిట్ కోసం చూస్తున్నాడు. రణబీర్ కపూర్ హీరోగా నటించిన యానిమల్(Animal) చిత్రానికి దర్శకత్వం వహించాడు. ఇందులో రణ్‌బీర్ పాత్రకు నెగెటివ్ షేడ్స్ ఉన్నట్టుగా తెలుస్తోంది.