OTT Crime Thriller: ఓటీటీలోకి నాలుగు నెలల తర్వాత వచ్చిన తమిళ క్రైమ్ థ్రిల్లర్ మూవీ

OTT Crime Thriller: తమిళ క్రైమ్ థ్రిల్లర్ మూవీ అంధగన్ ఇప్పుడు ఓటీటీలోకి అడుగుపెట్టింది. హిందీలో బ్లాక్‌బస్టర్ అయిన అంధాధున్ మూవీ రీమేక్ గా తమిళ ప్రేక్షకుల ముందుకు వచ్చిన ఈ సినిమా.. ఈ ఏడాది ఆగస్ట్ 9న థియేటర్లలో రిలీజైంది. త్యాగరాజన్ డైరెక్ట్ చేసిన ఈ సినిమాకు థియేటర్లలో మంచి రెస్పాన్స్ వచ్చింది. మొత్తానికి మంగళవారం (నవంబర్ 26) ఓటీటీ స్ట్రీమింగ్ మొదలైంది.

అంధగన్ ఓటీటీ స్ట్రీమింగ్

తమిళ క్రైమ్ థ్రిల్లర్ మూవీ అంధగన్.. అమెజాన్ ప్రైమ్ వీడియోలోకి వచ్చింది. ఓ డిఫరెంట్ స్టోరీ లైన్ తోపాటు మంచి థ్రిల్ అందించిన ఈ సినిమా.. ప్రేక్షకులకు తెగ నచ్చేసింది. ఐఎండీబీలోనూ 7 రేటింగ్ ఉంది.

ఆగస్ట్ 9న థియేటర్లలో రిలీజ్ కాగా.. ఇప్పుడు ఓటీటీలోకి అడుగుపెట్టింది. త్యాగరాజన్ డైరెక్ట్ చేసిన ఈ సినిమాలో ప్రశాంత్, సిమ్రన్, ప్రియా ఆనంద్, కార్తీక్, సముద్రఖని, ఊర్వశి, యోగి బాబు, కేఎస్ రవికుమార్ లాంటి వాళ్లు నటించారు.

అంధగన్ మూవీ స్టోరీ ఇదీ..

అంధగన్ మూవీ 2018లో హిందీలో వచ్చిన అంధాధున్ మూవీకి రీమేక్. హిందీతో ఆయుష్మాన్ ఖురానా, రాధికా ఆప్టే, టబులాంటి వాళ్లు నటించారు. ఈ క్రైమ్ థ్రిల్లర్ మూవీ ఊహించని ట్విస్టులతో మంచి థ్రిల్ పంచింది. ఆరేళ్ల తర్వాత ఈ ఏడాది ఆగస్ట్ లో తమిళంలో అంధగన్ పేరుతో రీమేక్ అయింది.

తమిళంలోనూ ఈ సినిమాను ప్రేక్షకులు బాగా ఆదరించారు. ఈ అంధగన్ మూవీ ఓ పియానిస్ట్ చుట్టూ తిరుగుతుంది. కళ్లు లేని వాడిగా నటిస్తూ ఉండే అతడు.. ఓ రోజు అనుకోకుండా ఓ సినిమా నటుడి హత్యను చూస్తాడు. ఆ ఘటన తర్వాత అతని జీవితం ఊహించని విధంగా మారిపోతుంది.

అక్కడి నుంచి సినిమాలో వచ్చే ట్విస్టులు ఆకట్టుకుంటాయి. మొదటి నుంచి చివరి సీన్ వరకూ ప్రేక్షకులను కట్టిపడేసేలా ఉంటుందీ డార్క్ కామెడీ క్రైమ్ థ్రిల్లర్ మూవీ. అంధగన్ మూవీని ఇప్పుడు ప్రైమ్ వీడియోలో చూడొచ్చు.