Prashanth Neel-NTR : ప్రశాంత్ నీల్ నిర్ణయంపై ఎన్టీఆర్ ఫ్యాన్స్ సీరియస్!

ప్రశాంత్ నీల్ దర్శకత్వంలో ప్రభాస్(Prabhas) నటిస్తున్న చిత్రం సలార్ టీజర్(Salaar Teaser) ఇటీవల విడుదలైంది. ఈ టీజర్‌లో సలార్ 2(Salaar 2) ఆలోచనను కూడా వెల్లడించారు. ప్రస్తుతం ఈ విషయం జూనియర్ ఎన్టీఆర్ అభిమానులను ఆందోళనకు గురిచేస్తోంది. ప్రశాంత్ నీల్, జూనియర్ ఎన్టీఆర్ సినిమా(Prashanth Neel-NTR Cinema) అనౌన్స్ చేసి చాలా రోజులైంది. వీరిద్దరి కాంబినేషన్‌లో సినిమా ఎప్పుడెప్పుడా అని ఎదురుచూస్తున్న అభిమానులకు సలార్ 2 నిర్ణయం కాస్త భయాన్ని కలిగించింది.

జూనియర్ ఎన్టీఆర్ ఆర్ఆర్ఆర్(RRR) సినిమాతో మంచి విజయాన్ని అందుకున్నాడు. రాజమౌళితో పని చేసిన తర్వాత ఓటమి ఖాయమని చాలా మంది చెబుతారు. అది నిజం కాదు అనే విషయాన్ని ఎంతమంది చెప్పినా.. ఓ నమ్మకం అయితే క్రియేట్ అయింది. ఈ కారణంగానే దేవర సినిమా(Devara) పరాజయం పాలవుతుందా అనే ప్రశ్న అభిమానుల్లో నెలకొంది. ఎన్టీఆర్ 31 సినిమాపై మరింత శ్రద్ధ పెట్టాల్సి వస్తుంది.

ప్రస్తుతం ప్రశాంత్ నీల్ సలార్ సినిమాని పూర్తి చేశాడు. దీని తర్వాత సలార్ 2 తీస్తాడా లేక ఎన్టీఆర్ 31 చేస్తాడా అని అభిమానులు ఉత్కంఠగా ఎదురుచూస్తున్నారు. కేజీఎఫ్(KGF) కూడా గ్యాప్ లేకుండా.. రెండు పార్ట్స్ తీశాడు ప్రశాంత్. ఇలాగే.. సలార్ కూడా తీసేస్తే.. మరీ మా హీరోతో సినిమా ఎప్పుడు అని ఎన్టీఆర్ అభిమానులు(NTR Fans) సీరియస్ అవుతున్నారు. ప్రశాంత్ నీల్, ఎన్టీఆర్ కాంబినేషన్ కోసం ఎంతగానో ఎదురుచూస్తు్న్నారు.

జూనియర్ ఎన్టీఆర్ కూడా చాలా సినిమాల్లో నటిస్తున్నాడు. దేవర సినిమా(Devara Cinema) పనుల్లో బిజీగా ఉన్నాడు. దీంతో పాటు హృతిక్ రోషన్ వార్ 2(War 2)లోనూ ఎన్టీఆర్ కనిపించనున్నాడు. ఈ యాక్షన్ సినిమా కోసం.. అభిమానులు వెయిట్ చేస్తున్నారు. బాలీవుడ్ హీరో సినిమాలో తమ అభిమాన నటుడిని చూసుకోవాలనుకుంటున్నారు ఎన్టీఆర్ ఫ్యాన్స్. కొన్ని వార్తల ప్రకారం.. దేవర సినిమా పూర్తయిన తర్వాత జూనియర్ ఎన్టీఆర్ వార్ 2 పనుల్లో నిమగ్నమై ఉంటాడని సమాచారం. అలాంటప్పుడు ప్రశాంత్ నీల్ సలార్ 2 లేదా కేజీఎఫ్ 3 సినిమాలను ప్రారంభించాల్సి ఉంటుంది. ఒకవేళ కుదిరితే.. ప్రశాంత్ నీల్-ఎన్టీఆర్ సినిమా పట్టాలెక్కే అవకాశం ఉంది. సలార్ సినిమా విడుదల తర్వాత ప్రభాస్ ఇతర సినిమా పనుల్లో నిమగ్నమై ఉంటాడు. ఇప్పటికే ప్రాజెక్ట్ కే పనుల్లో బిజీగా ఉన్నాడు. సలార్ సక్సెస్ అయితే.. పార్ట్ 2ను వెంటనే తీస్తారా లేదా చూడాలి.

సలార్‌ చిత్రాన్ని హోంబాలే ఫిలింస్‌(Hombale Films) భారీ బడ్జెట్‌తో నిర్మించింది. ఈ సినిమాలో శృతి హాసన్ కథానాయికగా నటించింది. మలయాళ స్టార్ నటుడు పృథ్వీరాజ్ సుకుమారన్ కూడా కీలక పాత్ర పోషించారు. కేజీఎఫ్: చాప్టర్ 2 సినిమాకు పనిచేసిన చాలా మంది టెక్నీషియన్లు, సంగీత దర్శకుడు రవి బస్రూరుతో సహా సలార్ చిత్రానికి పనిచేశారు. బాహుబలి 2 తర్వాత ప్రభాస్‌కు ఏ సినిమా కూడా పెద్దగా విజయం సాధించలేదు. సలార్ ద్వారా గట్టి విజయం సాధించాలనుకుంటున్నాడు. అభిమానులు కూడా దీనికోసం ఎదురుచూస్తున్నారు. ఇటీవల విడుదలైన సలార్ టీజర్‌లో కేజీఎఫ్(KGF) స్టైల్ కనిపిస్తోంది.

ప్రభాస్ స‌లార్ టీజ‌ర్‌కు మించి ట్రైల‌ర్ ఉంటుంద‌ని సినిమా యూనిట్ ప్రకటించింది. స‌లార్ టీజ‌ర్‌కు అమెజింగ్ రెస్పాన్స్ రావ‌డంతో టీమ్ ఆనందంలో మునిగిపోయింది. హ‌య్యెస్ట్ వ్యూస్ సాధించిన ఇండియ‌న్ మూవీ టీజ‌ర్‌గా (Teaser) రికార్డ్ క్రియేట్ చేసింది. టీజ‌ర్‌తో సినిమాపై ఉన్న అంచ‌నాలు అమాంతం రెట్టింప‌య్యాయి. తాజాగా స‌లార్‌ ట్రైల‌ర్‌(Salaar Trailer)ను ఆగ‌స్ట్‌లో రిలీజ్ చేయ‌బోతున్నట్లు అఫీషియ‌ల్‌గా నిర్మాణ సంస్థ వెల్లడించింది.