Salaar Movie : సలార్ 2000 కోట్లు వసూళ్లు చేస్తుంది.. కమెడియన్ జోస్యం
Salaar First Review : సలార్ ఫస్ట్ రివ్యు వచ్చేసింది.. ఏంటి నమ్మట్లేదా? సినిమా విడుదల కాకముందే రివ్యూ ఏంటి అనుకుంటున్నారా? కమెడియన్ సప్తగిరి సలార్.. రివ్యూ చెప్పేశాడు. సలార్ చిత్రానికి డబ్బింగ్ పూర్తి చేసిన సప్తగిరి ఆనందంగా ట్వీట్ చేశాడు. బాక్సాఫీస్‌పై అంచనాలు వేసుకున్నాడు.
ప్రముఖ దర్శకుడు ప్రశాంత్ నీల్(Prashanth Neeel) తెరకెక్కించిన కేజీఎఫ్: చాప్టర్ 2 సినిమా వేల కోట్ల రూపాయలను వసూలు చేసింది. ఇప్పుడు ఆయన దర్శకత్వంలో వస్తున్న సలార్ సినిమా (Salaar Cinema) గురించే భారీగా హైప్ క్రియోట్ అయింది. ఈ సినిమా టీజర్ ఇటీవలే విడుదలైంది. దీనికి ప్రజల నుంచి మిశ్రమ స్పందన వచ్చింది. ఈ సినిమా రెండు భాగాలుగా రూపొందుతోంది. మొదటి భాగం సెప్టెంబర్ 28న విడుదల కానుంది. మరి ఈ సినిమాతోనైనా నటుడు ప్రభాస్ మంచి విజయం సాధిస్తాడో లేదో చూడాలి.
అయితే ప్రముఖ హాస్య నటుడు సప్తగిరి(Saptagiri) సలార్ చిత్రంలో కూడా నటించాడు. ఈ సినిమా బాక్సాఫీస్ వసూళ్లను అంచనా వేశాడు. సలార్ సినిమా 2 వేల కోట్ల రూపాయల వసూళ్లు సాధిస్తుందని చెప్పుకొచ్చాడు. సలార్ సినిమాకు డబ్బింగ్ పూర్తి చేసిన సప్తగిరి.. ఆనందంగా ట్వీట్ చేశాడు. 'ఎప్పుడెప్పుడా అని ఎదురుచూస్తున్న సలార్ సినిమాకి సంబంధించిన డబ్బింగ్ పూర్తి చేశాను. ఈ సినిమా డబుల్ బ్లాక్ బస్టర్ అవుతుంది. ఈ సినిమా బాక్సాఫీస్ వద్ద 2000 కోట్ల రూపాయలకు పైగా కలెక్ట్ చేస్తుందని నమ్ముతున్నాను. నాకు ఈ అవకాశం ఇచ్చిన ప్రభాస్, ప్రశాంత్ నీల్, హోంబలే ఫిలింస్‌కి థాంక్స్‌.' అని సప్తగిరి ట్వీట్ చేశాడు.
సలార్ చిత్రాన్ని హోంబాలే ఫిలింస్‌(Hombale Films) భారీ బడ్జెట్‌తో నిర్మించింది. ఈ సినిమాలో శృతి హాసన్ కథానాయికగా నటించింది. మలయాళ స్టార్ నటుడు పృథ్వీరాజ్ సుకుమారన్ కూడా కీలక పాత్ర పోషించారు. కేజీఎఫ్: చాప్టర్ 2 సినిమాకు పనిచేసిన చాలా మంది టెక్నీషియన్లు, సంగీత దర్శకుడు రవి బస్రూరుతో సహా సలార్ చిత్రానికి పనిచేశారు. బాహుబలి 2 తర్వాత ప్రభాస్‌కు ఏ సినిమా కూడా పెద్దగా విజయం సాధించలేదు. సలార్ ద్వారా గట్టి విజయం సాధించాలనుకుంటున్నాడు. అభిమానులు కూడా దీనికోసం ఎదురుచూస్తున్నారు. ఇటీవల విడుదలైన సలార్ టీజర్‌లో కేజీఎఫ్(KGF) స్టైల్ కనిపిస్తోంది. దీంతో ఎవరికి నచ్చినట్టుగా వారు సినిమా గురించి ఊహించుకుంటున్నారు.
ప్రభాస్ సలార్ టీజ‌ర్‌కు మించి ట్రైలర్ ఉంటుంద‌ని సినిమా యూనిట్ ప్రకటించింది. సలార్ టీజ‌ర్‌కు అమెజింగ్ రెస్పాన్స్ రావ‌డంతో టీమ్ ఆనందంలో మునిగిపోయింది. గురువారం రిలీజైన ఈ టీజర్ వంద మిలియ‌న్ల వ్యూస్‌ను ద‌క్కించుకొని సంచ‌ల‌నం సృష్టించింది. హ‌య్యెస్ట్ వ్యూస్ సాధించిన ఇండియ‌న్ మూవీ టీజ‌ర్‌గా (Teaser) రికార్డ్ క్రియేట్ చేసింది. టీజ‌ర్‌తో సినిమాపై ఉన్న అంచనాలు అమాంతం రెట్టింప‌య్యాయి. తాజాగా సలార్ ట్రైలర్(Salaar Trailer)ను ఆగ‌స్ట్‌లో రిలీజ్ చేయ‌బోతున్నట్లు అఫీషియ‌ల్‌గా నిర్మాణ సంస్థ వెల్లడించింది. మీ క్యాలెండ‌ర్‌లో ఆగ‌స్ట్ నెల‌ను మార్క్ చేసుకొండి. భార‌తీయ సినిమా వైభ‌వాన్ని చాటిచెప్పే అత్యంత ఆస‌క్తిక‌ర‌మైన ట్రైలర్ మీ కోసం వ‌స్తోందిని ప్రకటించింది.
టాపిక్