Pushpa 2 Shooting: పుష్ప 2 షూటింగ్ పూర్తయింది.. అల్లు అర్జున్ ఎమోషనల్ పోస్ట్.. రిలీజ్ కౌంట్‌డౌన్ స్టార్ట్

Pushpa 2 Shooting: పుష్ప 2 రిలీజ్ కు కౌంట్ డౌన్ మొదలైన వేళ మొత్తానికి షూటింగ్ కు ముగింపు పలికారు. ఈ సీక్వెల్ కోసం మూడేళ్లుగా అభిమానులు ఎదురు చూస్తున్న విషయం తెలిసిందే. చివరి రోజు చివరి షాట్‌తో పుష్ప ఐదేళ్ల జర్నీ ముగిసిందంటూ అల్లు అర్జున్ ట్వీట్ చేశాడు. ఈ ట్వీట్ ఇప్పుడు వైరల్ అవుతోంది. పుష్ప 2 మూవీ డిసెంబర్ 5న రిలీజ్ కానున్న విషయం తెలిసిందే.

పుష్ప 2 షూటింగ్

అల్లు అర్జున్, రష్మిక మందన్నా నటిస్తున్న పుష్ప 2 మూవీ షూటింగ్ మంగళవారం (నవంబర్ 26)తో ముగిసినట్లు అల్లు అర్జున్ ఓ ట్వీట్ చేశాడు. "పుష్ప చివరి రోజు చివరి షాట్. పుష్ప ఐదేళ్ల జర్నీ ముగిసింది. ఎంతో అద్బుతమైన ప్రయాణం" అనే క్యాప్షన్ తో బన్నీ ఈ ట్వీట్ చేశాడు.

అందులో చివరి షాట్ కు సంబంధించిన ఫొటోను షేర్ చేయడం విశేషం. పెళ్లి మండపంలా కనిపిస్తున్న సెట్ లో ఈ చివరి షాట్ షూట్ చేశారు. రిలీజ్ కు కేవలం పది రోజుల ముందు ఈ మూవీ షూటింగ్ పూర్తి కావడం గమనార్హం. మూడేళ్లుగా రిలీజ్ కోసం అభిమానులు ఎంతో ఆశగా ఎదురు చూస్తున్నారు.

ఇప్పటికే రిలీజ్ పలుమార్లు వాయిదా పడింది. మొత్తానికి డిసెంబర్ 5న ప్రపంచవ్యాప్తంగా రిలీజ్ కాబోతోంది. ఈ సీక్వెల్ బాక్సాఫీస్ రికార్డులను తిరగరాయడం ఖాయంగా కనిపిస్తోంది.

పుష్ప 2 కిస్సిక్ సాంగ్

మరోవైపు చెన్నైలో ఆదివారం (నవంబర్ 24) వైల్డ్ ఫైర్ పేరుతో స్పెష‌ల్ ఈవెంట్‌ను పుష్ప 2 టీమ్ నిర్వ‌హించింది. ఈ ఈవెంట్‌లో కిస్సిక్ సాంగ్‌ను రిలీజ్ చేశారు. చెన్నై వేడుక‌లో అల్లు అర్జున్‌, ర‌ష్మిక మంద‌న్న‌తోపాటు సినిమా టీమ్ పాల్గొన్నారు. కిస్సిక్ పాట ప్ర‌స్తుతం ట్రెండింగ్ అవుతోంది.

కిస్సిక్ సాంగ్‌పై ట్రోల్స్‌..

కిస్సిక్ సాంగ్‌కు ప్ర‌శంస‌ల‌తో పాటు సోష‌ల్ మీడియాలో ట్రోల్ వ‌స్తోన్నాయి. పుష్ప 2 సినిమా క‌థ మొత్తం 1990 బ్యాక్‌డ్రాప్‌లో సాగుతుంది. కానీ కిస్సిక్ పాట‌లోనే ప‌దాలు మాత్రం నేటి ట్రెండ్‌కు త‌గ్గ‌ట్లుగా ఉన్నాయి. సోష‌ల్ మీడియాలో ఫేమ‌స్ అయిన చాలా ప‌దాలు పాట‌లు వినిపించ‌డంపై నెటిజ‌న్లు విమ‌ర్శ‌లు గుప్పిస్తోన్నారు. ఊ అంటావా మావ పాట‌కు కిస్సిక్ సాంగ్ లేద‌ని అంటున్నారు.

డ్యూయెట్ సాంగ్‌...

పుష్ప 2 మూవీ డిసెంబ‌ర్ 5న వ‌ర‌ల్డ్ వైడ్‌గా రిలీజ్ కాబోతోంది. ఈ సినిమా షూటింగ్ సోమ‌వారం నాటితో పూర్తికానున్న‌ట్లు స‌మాచారం. ప్ర‌స్తుతం అల్లు అర్జున్, ర‌ష్మిక మంద‌న్న‌ల‌పై హైద‌రాబాద్‌లో సుకుమార్ ఓ డ్యూయెట్ సాంగ్‌ను చిత్రీక‌రిస్తోన్న‌ట్లు ప్ర‌చారం జ‌రుగుతోంది. పుష్ప 2 మూవీలో మ‌ల‌యాళం న‌టుడు ఫ‌హాద్ ఫాజిల్ విల‌న్‌గా న‌టిస్తోన్నాడు. సునీల్‌, జ‌గ‌ప‌తిబాబు, అన‌సూయ కీల‌క పాత్ర‌ల్లో న‌టిస్తోన్నారు.