OTT Telugu Movies: ఈవారం ఓటీటీల్లోకి తెలుగులో 5 సినిమాలు.. ఒకే ప్లాట్‍ఫామ్‍లో మూడు

ఓటీటీల్లో కొత్త కంటెంట్ కోసం ప్రేక్షకులు ఎదురుచూస్తుంటారు. ముఖ్యంగా సినిమాల కోసం నిరీక్షిస్తుంటారు. ఓటీటీల్లో తెలుగులో సినిమాలు చూడాలని అనుకుంటున్న వారి కోసం కొత్తగా ఈ వారం ఐదు చిత్రాలు వచ్చేస్తున్నాయి. వీటిలో రెండు డబ్బింగ్‍లో అందుబాటులోకి వచ్చాయి. ఐదింట మూడు చిత్రాలు ఆహా ఓటీటీ ప్లాట్‍ఫామ్‍లో ఎంట్రీ ఇచ్చాయి. ఈ వారం తెలుగులో ఓటీటీల్లోకి వచ్చేస్తున్న సినిమాలు ఏవో ఇక్కడ చూడండి.

రాజుయాదవ్

గెటప్ శ్రీను హీరోగా నటించిన రాజుయాదవ్ చిత్రం ఈ వారంలోనే జూలై 24వ తేదీన ఆహా ఓటీటీ ప్లాట్‍ఫామ్‍లో స్ట్రీమింగ్‍కు వచ్చేసింది. కామెడీ ఎమోషనల్ డ్రామాగా ఈ మూవీని తెరకెక్కించారు దర్శకుడు కృష్ణమాచారి కే. ముఖం ఎప్పుడూ నవ్వుతూ ఉండే డిజార్డర్‌ చుట్టూ ఈ కథను రాసుకున్నారు. రాజుయాదవ్ చిత్రంలో గెటప్ శ్రీను సరసన అంకిత ఖారత్ హీరోయిన్‍గా చేశారు. ఈ మూవీ మే 24వ తేదీన థియేటర్లలో రిలీజ్ అయింది. రెండు నెలల తర్వాత ఆహాలో స్ట్రీమింగ్‍కు వచ్చేసింది.

యేవమ్

హీరోయిన్ చాందినీ చౌదరి మెయిన్ రోల్ చేసిన యేవమ్ చిత్రం నేడు (జూలై 25) ఆహా ఓటీటీలోనే స్ట్రీమింగ్‍కు వచ్చేసింది. క్రైమ్ ఇన్వెస్టిగేషన్ థ్రిల్లర్‌గా ఈ మూవీ రూపొందింది. ఈ చిత్రానికి ప్రకాశ్ దంతులూరి దర్శకత్వం వహించారు. వశిష్ట సింహా, జై భరత్ రాజ్, అషు రెడ్డి కూడా కీరోల్స్ చేశారు. జూన్ 14న థియేటర్లలో రిలీజైన యేవమ్ చిత్రం సుమారు 40 రోజుల తర్వాత ఆహా ఓటీటీలో అడుగుపెట్టింది.

భరతనాట్యం

కామెడీ థ్రిల్లర్ ‘భరతనాట్యం’ మూవీ జూలై 27వ తేదీన ఆహా ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ఈ చిత్రంలో సూర్య తేజ అయిలే, మీనాక్షి గోస్వామి ప్రధాన పాత్రలు పోషించారు. దొరసాని ఫేమ్ డైరెక్టర్ కేవీఆర్ మహేంద్ర దర్శకత్వం వహించారు. భరతనాట్యం చిత్రం ఏప్రిల్ 5వ తేదీన థియేటర్లలో రిలీజ్ అయింది. తక్కువ బడ్జెట్‍తో వచ్చిన ఈ మూవీకి మిక్స్డ్ టాక్ వచ్చింది.

శాకాహారి

కన్నడ సినిమా 'శాకాహారి'కి పాజిటివ్ రెస్పాన్స్ వచ్చింది. థియేటర్లలో ఈ చిత్రం మంచి వసూళ్లు రాబట్టింది. రంగాయన రఘు, గోపాల్ కృష్ణ దేశ్‍పాండే ఈ మూవీలో ప్రధాన పాత్రలు పోషించారు. ఈ ఏడాది ఫిబ్రవరి 16వ తేదీన శాకాహారి చిత్రం థియేటర్లలో కన్నడలో రిలీజ్ అయింది. ఆ తర్వాత మే 24న అమెజాన్ ప్రైమ్ వీడియో ఓటీటీలోకి కన్నడలో వచ్చింది. అయితే, ఈ వారం జూలై 24న శాకాహారి సినిమా తెలుగు డబ్బింగ్‍లోనూ అందుబాటులోకి వచ్చింది. తెలుగు వెర్షన్‍ను కూడా ప్రైమ్ వీడియో తీసుకొచ్చింది. ఈ చిత్రానికి సందీప్ సుంకడ్ దర్శకత్వం వహించారు.

కోకో

రజిషా విజయన్‍, మమితా బైజూ లీడ్ రోల్స్ చేసిన ఖోఖో అనే మలయాళం చిత్రం 2021లో థియేటర్లలో రిలీజ్ అయింది. ఈ స్పోర్ట్స్ డ్రామా మూవీ ఇప్పుడు తెలుగులో అందుబాటులోకి వచ్చింది. ఈటీవీ విన్ ఓటీటీలో నేడు (జూలై 25) ఈ చిత్రం స్ట్రీమింగ్‍కు అడుగుపెట్టింది. పాఠశాలలో విద్యార్థినులతో ఖోఖో జట్టును తయారు చేసి వారిని తీర్చిదిద్దడం చుట్టూ ఈ మూవీ తిరుగుతుంది. ఈ చిత్రానికి మలయాళంలో ప్రశంసలు దక్కాయి. ఇప్పుడు ఖోఖో మూవీ తెలుగులో ఈటీవీ విన్‍లో చూసేయవచ్చు.