Aha OTT: ఆహా అనిపించే 5 ఓటీటీ సినిమాలు.. క్రైమ్ నుంచి సైకలాజికల్ థ్రిల్లర్ వరకు.. రోజుకోటి ఇక్కడ చూసేయండి!

OTT Movies In Aha: ఇండియావైడ్‌గా ఎన్నో రకాల ఓటీటీ ప్లాట్‌ఫామ్స్ ఉన్నప్పటికీ కేవలం తెలుగు కంటెంట్ మాత్రమే ఇచ్చే డిజిటల్ స్ట్రీమింగ్ వేదికలు మాత్రమే చాలా అరుదుగా ఉన్నాయి. వాటిలో ఒకటే ఆహా ఓటీటీ. ఇందులో ఎన్నో రకాల తెలుగు కంటెంట్‌ను ప్రేక్షకులకు ఎంటర్టైన్‌ పంచుతోంది. సినిమాలు, వెబ్ సిరీసులు, సింగింగ్, కామెడీ షోలతో నిత్యం అలరిస్తోంది ఆహా.

ఆహా అనిపించే ఐదు

ఇక ప్రతివారం సరికొత్త సినిమాలు వస్తుంటాయన్న విషయం తెలిసిందే. ఈ వారం కూడా చాలా వరకు సినిమాలు ఆహా ఓటీటీలో విడుదలయ్యాయి. ఈ వారం మాత్రమే కాకుండా అంతకుముందు విడుదలైన సినిమాలు కూడా ప్రస్తుతం ఓటీటీలో ట్రెండింగ్‌లో దూసుకుపోతున్నాయి. మరి ఆహా అనిపించే ఆ ఐదు సినిమాలు ఏంటో ఓ లుక్కేద్దాం.

ధూమం ఓటీటీ

మలయాళ పాపులర్ యాక్టర్, పుష్ప విలన్ ఫహాద్ ఫాజిల్ నటించిన క్రైమ్ యాక్షన్ థ్రిల్లర్ మూవీ ధూమం. కేజీఎఫ్ సిరీస్ నిర్మాణ సంస్థలు హోంబలే ఫిల్మ్స్ నిర్మించిన ఈ సినిమాకు పవన్ కుమార్ దర్శకత్వం వహించారు. ఫహాద్‌తోపాటు అపర్ణ బాలమురళి, రోషన్ మాథ్యూ, దేవ్ మోహన్, పార్వతి నాయర్, వినీత్ తదితరులు కీలక పాత్రలు పోషించిన ఈ సినిమా ఆహా ఓటీటీలో జూలై 11 నుంచి తెలుగులో స్ట్రీమింగ్ అవుతోంది.

అప్పటి నుంచి ఇప్పటివరకు అంటే గత పది రోజులుగా ఆహా ఓటీటీలో టాప్ ట్రెండింగ్‌లో దూసుకుపోతోంది. ప్రస్తుతం ఇతర సినిమాలన్నింటిని అధిగమించి ఆహాలో టాప్ 2 స్థానంలో ట్రెండ్ అవుతోంది.

హరోం హర ఓటీటీ

సుధీర్ బాబు హీరోగా నటించిన మరో లేటెస్ట్ మూవీ హరోం హర. యాక్షన్ థ్రిల్లర్ మూవీగా తెరకెక్కిన హరోం హర జూలై 15 నుంచి ఆహా ఓటీటీలో స్ట్రీమింగ్ అవుతోంది. ఆ తర్వాత ఈటీవీ విన్ ఓటీటీలోకి కూడా అడుగుపెట్టింది ఈ సినిమా. 1980 కాలంనాటి బ్యాక్‌డ్రాప్‌తో తెరకెక్కిన ఈ సినిమా ఆహాలో టాప్ 3 స్థానంలో ట్రెండ్ అవుతూ మంచి రెస్పాన్స్ తెచ్చుకుంటోంది.

ఆరంభం ఓటీటీ

సైన్స్ ఫిక్షన్ కాన్సెప్ట్‌తో తెలుగులో వచ్చిన మరో ప్రయోగాత్మక చిత్రం ఆరంభం. మోహన్ భగత్ మెయిన్ లీడ్ రోల్ చేసిన ఈ సినిమాను లూప్, డేజావు ఆధారంగా తెరకెక్కించారు. ఓ కన్నడ నవలను బేస్ చేసుకుని రూపొందించిన ఆరంభం మొదట ఈటీవీ విన్ ఓటీటీలో మే 21 నుంచి స్ట్రీమింగ్ అయింది. ఇటీవల ఆహా ఓటీటీలోకి వచ్చిన ఈ సినిమా ఆరో స్థానంలో ట్రెండింగ్ అవుతోంది. అమెజాన్ ప్రైమ్‌లో కూడా అందుబాటులో ఉంది.

జిలేబి ఓటీటీ

శివానీ రాజశేఖర్ హీరోయిన్‌గా చేసిన లేటెస్ట్ మూవీ జిలేబి. కామెడీ ఎంటర్టైనర్‌గా తెరకెక్కిన ఈ సినిమాకు సీనియర్ డైరెక్టర్ కే విజయభాస్కర్ దర్శకత్వం వహించారు. హారర్ కామెడీ నేపథ్యంలో వచ్చిన ఈ సినిమాలో మురళి శర్మ, గెటప్ శ్రీను, బిత్తిరి సత్తి కీలక పాత్రలు పోషించారు. ఈ మధ్యే ఆహా ఓటీటీలోకి వచ్చిన జిలేబి సినిమా టాప్ 7 ప్లేసులో ట్రెండింగ్‌లో ఆకట్టుకుంటోంది.

అహం రిబూట్ ఓటీటీ

హీరో సుమంత్ అశ్విన్ మెయిన్ లీడ్ రోల్ ప్లే చేసిన సినిమా అహం రీబూట్. సైకలాజికల్ థ్రిల్లర్‌గా ఒకే ఒక్క పాత్రతో వచ్చిన ఈ సినిమా నేరుగా ఆహా ఓటీటీలో జూన్ 30 నుంచి డిజిటల్ ప్రీమియర్‌కు వచ్చింది. అప్పటి నుంచి ఇప్పటివరకు ట్రెండింగ్‌లో కొనసాగుతోన్న ఈ సినిమా ప్రస్తుతం టాప్ 8 ప్లేసులో స్థానం సంపాదించుకుంది. కాగా ఈ సినిమాలన్నింటిని ఫ్యామిలీతో రోజుకోటి చొప్పున చూసి ఎంజాయ్ చేయొచ్చు.