Netflix latest movies: నెట్‌ఫ్లిక్స్‌లోకి కొత్తగా వచ్చిన సినిమాలు ఇవే.. త్వరలోనే లేటెస్ట్ తెలుగు సూపర్ హిట్

Netflix latest movies: నెట్‌ఫ్లిక్స్ ఓటీటీ ఈ మధ్య దూకుడుగా వెళ్తోంది. ఎన్నో సూపర్ హిట్, మోస్ట్ అవేటెడ్ సినిమాల డిజిటల్ హక్కులను సొంతం చేసుకుంది. అయితే ఈ ఓటీటీలోకి ఈ మధ్యకాలంలో కొన్ని ఇంట్రెస్టింగ్ సినిమాలు వచ్చాయి. వాటిలో అమర్‌సింగ్ చమ్కీలా, ఆర్టికల్ 370, స్కూప్, రెబల్ మూన్ 2లాంటి సినిమాలు ఉన్నాయి.

నెట్‌ఫ్లిక్స్ లేటెస్ట్ మూవీస్

ఆర్టికల్ 370

నెట్‌ఫ్లిక్స్ లోకి ఈ శుక్రవారమే (ఏప్రిల్ 19) ఆర్టికల్ 370 మూవీ స్ట్రీమింగ్ కు వచ్చింది. యామీ గౌతమ్, ప్రియమణి నటించిన ఈ పొలిటికల్ యాక్షన్ థ్రిల్లర్ మూవీ బాక్సాఫీస్ దగ్గర సక్సెస్ సాధించిన విషయం తెలిసిందే. జమ్ముకశ్మీర్ కు స్వయం ప్రతిపత్తి కల్పించిన ఆర్టికల్ 370, దాని రద్దు, కశ్మీర్ ఉగ్రవాదం చుట్టూ తిరిగే కథతో ఈ సినిమా తెరకెక్కింది.

ఆల్ ఇండియా ర్యాంక్

గతేడాది చివర్లో రిలీజైన మూవీ ఆల్ ఇండియా ర్యాంక్. థియేటర్లలో రిలీజైన చాలా రోజుల తర్వాత ఈ మధ్యే నెట్‌ఫ్లిక్స్ లోకి వచ్చింది. 1990ల్లో జరిగిన కథగా ఈ సినిమాను తెరకెక్కించారు. ఐఐటీల్లో సీటు సాధించడమే లక్ష్యంగా పెట్టుకున్న 17 ఏళ్ల యువకుడి చుట్టూ తిరిగే కథే ఈ ఆల్ ఇండియా ర్యాంక్ మూవీ.

ఎనీవన్ బట్ యు

గతేడాది రిలీజైన అమెరికన్ రొమాంటిక్ కామెడీ మూవీ ఎనీవన్ బట్ యు. షేక్స్పియర్ రాసిన మచ్ అడో అబౌట్ నథింగ్ ఆధారంగా ఈ సినిమాను తెరకెక్కించారు. గతంలో డేటింగ్ చేసి తర్వాత విడిపోయిన జంట.. సడెన్ గా ఓ పెళ్లిలో కలిసిన తర్వాత ఎలా బిహేవ్ చేస్తారన్నది ఈ సినిమాలో చూడొచ్చు.

ఎల్విస్

అమెరికన్ మ్యూజిక్ లెజెండ్ ఎల్విస్ ప్రెస్లీ జీవితం ఆధారంగా తెరకెక్కిన మూవీ ఎల్విస్. గతేడాది థియేటర్లలో రిలీజైన ఈ సినిమా.. తాజాగా నెట్‌ఫ్లిక్స్ లో అందుబాటులోకి వచ్చింది.

అమర్‌సింగ్ చమ్కీలా

27 ఏళ్లకే హత్యకు గురైన సింగర్ అమర్ సింగ్ చమ్కీలా బయోపిక్ ఇది. ఈ మధ్యే నెట్‌ఫ్లిక్స్ లోకి వచ్చింది. ఈ సినిమాకు ఆడియెన్స్ నుంచి మంచి రెస్పాన్స్ వచ్చింది. దిల్జిత్ దొసాంజ్, పరిణీతి చోప్రా ఈ మూవీలో నటించారు.

ఇవే కాకుండా స్కూప్, రెబల్ మూన్ పార్ట్ 2లాంటి సినిమాలు కూడా ఈ మధ్యే నెట్‌ఫ్లిక్స్ లోకి స్ట్రీమింగ్ కు వచ్చాయి.

టిల్లూ స్క్వేర్ ఓటీటీ రిలీజ్ డేట్

ఇక నెట్‌ఫ్లిక్స్ లోకి వచ్చే వారం టాలీవుడ్ సూపర్ హిట్ మూవీ టిల్లూ స్క్వేర్ రానుంది. సిద్దూ జొన్నలగడ్డ, అనుపమ పరమేశ్వరన్ నటించిన ఈ మూవీ ఏప్రిల్ 26 నుంచి స్ట్రీమింగ్ కానున్నట్లు శుక్రవారం (ఏప్రిల్ 19) నెట్‌ఫ్లిక్స్ అధికారికంగా అనౌన్స్ చేసింది. బాక్సాఫీస్ దగ్గర సక్సెసైన ఈ మూవీ ఓటీటీ రిలీజ్ కోసం అభిమానులు ఆసక్తిగా ఎదురు చూస్తున్నారు. ఇప్పటికే నెట్‌ఫ్లిక్స్ లో గుంటూరు కారం, యానిమల్, సలార్ లాంటి సినిమాలు కూడా స్ట్రీమింగ్ అవుతున్న విషయం తెలిసిందే.