Bigg Boss Elimination: ఓటింగ్‌లో మారిపోయిన స్థానాలు.. అతనికి సీజన్ మొత్తానికి నో నామినేషన్.. ఈ వారం ఎలిమినేట్ ఎవరంటే?

Bigg Boss Telugu 8 Elimination This Week: బిగ్ బాస్ తెలుగు 8 మరింత జోరుగా సాగుతోంది. హౌజ్‌లో ఒక్కొక్కరి గ్రూప్ గేమ్స్, ఎవరు ఎవరికీ సపోర్ట్ చేస్తున్నారు, ఏ కంటెస్టెంట్ ఎవరి చేతుల్లో మోసపోతున్నారో అర్థమైపోతోంది. ఇక బిగ్ బాస్ తెలుగు 8 పదో వారం ఎలిమినేషన్స్‌లో భాగంగా మరొక హౌజ్ మేట్ ఎలిమినేట్ అయి ఇంటి నుంచి వెళ్లిపోనున్నారు.

భారీ ఓటింగ్

బిగ్ బాస్ తెలుగు 8 పదో వారం నామినేషన్స్‌లో ఏడుగురు నామినేట్ అయి విషయం తెలిసిందే. బిగ్ బాస్ 8 తెలుగు 10 వారం నామినేషన్స్‌లో గౌతమ్, నిఖిల్, యష్మీ గౌడ, ప్రేరణ, పృథ్వీ, విష్ణుప్రియ, హరితేజ ఉన్నారు. వీరిలో అందరికంటే టాప్‌లో ఓటింగ్‌లో గౌతమ్ కృష్ణ దంచికొడుతున్నాడు. నామినేట్ అయిన మొదటి రోజు నుంచే గౌతమ్ కృష్ణకు భారీ ఓటింగ్ నమోదు అవుతోంది.

గౌతమ్ తర్వాత రెండో స్థానంలో నిఖిల్ ఉన్నాడు. మొదటి నామినేషన్ నుంచి మంచి ఓటింగ్ సంపాదించుకునే నిఖిల్ ఒక్కసారిగా డౌన్ అయిపోయాడు. దానికి కారణం తన కన్నడ బ్యాచ్ అయిన యష్మీ, ప్రేరణ, పృథ్వీ కూడా నామినేషన్స్‌లో ఉండటమే. గ్రూప్ గేమ్ ఆడుతున్న కన్నడ బ్యాచ్ మొత్తం ఈసారి నామినేట్ అయింది.

ఓటింగ్ తారుమారు

ఇదివరకు వీరిలో ఏ ఒక్కరు నామినేట్ అయిన మిగతా వారి ఫ్యాన్స్ అంతా ఓట్లు వేసేవారు. కానీ, ఈసారి అందరూ నామినేట్ కావడంతో ఎవరి ఫ్యాన్స్ వారికి ఓట్లు వేసుకుంటున్నారు. ఇక మూడో స్థానంలో ప్రేరణ, నాలుగో స్థానంలో పృథ్వీ, ఐదో స్థానంలో విష్ణుప్రియ, ఆరో స్థానంలో యష్మీ, ఏడో స్థానంలో హరితేజ ఉన్నారు. ఈ లెక్కన ఈ వారం ఫైనల్ డే వచ్చేసరికి ఓటింగ్ లెక్కలు తారుమారు అయినట్లు తెలుస్తోంది.

ఇంతకుముందు ఐదో స్థానంలో యష్మీ, ఆరో స్థానంలో విష్ణుప్రియ, ఏడో స్థానంలో హరితేజ ఉండేవారు. కానీ, ఈ సారి యష్మీ, విష్ణు స్థానాలు మారిపోయాయి. ఇక బిగ్ బాస్ తెలుగు 8 ఈ వారం డేంజర్ జోన్‌లో యష్మీ, హరితేజ ఉన్నారు. ఈ వారం వీరిద్దరిలో ఒకరు ఎలిమినేట్ కానున్నారని తెలుస్తోంది. అయితే, ఆట, ఫ్యాన్స్ పరంగా యష్మీ ఎక్కువ ప్రభావం చూపించింది.

హరితేజ ఎలిమినేట్

కాబట్టి, బిగ్ బాస్ తెలుగు 8 పదో వారం హరితేజ ఎలిమినేట్ కానుందని తెలుస్తోంది. ఇదిలా ఉంటే, ప్రస్తుతం హౌజ్‌లో టాస్క్‌లు జరుగుతున్నాయి. వాటిలో ఎగ్ టాస్క్‌ ఆడి గెలిచిన నబీల్‌కు ఫ్రీ ఎవిక్షన్ పాస్ దొరికింది. అంటే, దాని ద్వారా ఎలిమినేషన్ నుంచి అతను సేవ్ అవ్వొచ్చు, లేదా నామినేట్ అయిన ఇంటి సభ్యులను ఎలిమినేషన్ నుంచి ఒకరిని లేదా ఇద్దరిని కాపాడవచ్చు.

కానీ, ఈసారి ఎవిక్షన్ పాస్‌లో బిగ్ బాస్ ట్విస్ట్ పెట్టాడు. ఫ్రీ ఎవిక్షన్ పాస్ సాధించుకున్న నబీల్‌ను బిగ్ బాస్ తెలుగు 8 సీజన్ మొత్తంలోనే ఎవరు నామినేట్ చేయకుండా మెలిక పెట్టాడు. అంటే, ఈ సీజన్ మొత్తంలోనే నబీల్ నామినేషన్స్‌లోకి రాడన్నమాట.

అయితే, దీనివల్ల నబీల్‌కే నష్టమని పలువురు రివ్యూవర్స్ చెబుతున్నారు. నామినేషన్స్‌లోనే ఉంటేనే మంచి ఫ్యాన్ ఫాలోయింగ్ పెరగడానికి, టాస్క్‌లు గట్టిగా ఆడటానికి ఛాన్స్ ఉంటుంది. ఇక నామినేషన్స్‌లో లేకపోతే నబీల్‌కే తేడా కొట్టేలా ఉందని అంటున్నారు.