Bigg Boss Remuneration: బిగ్ బాస్ నుంచి నైనిక ఎలిమినేట్.. 5 వారాల్లో ఢీ డ్యాన్సర్ ఎంత సంపాదించిందంటే?

Bigg Boss 8 Telugu Nainika Remuneration: బిగ్ బాస్ తెలుగు 8 సీజన్‌ జోరుగా సాగుతోంది. చాలా వరకు ఫెయిర్ ఎలిమినేషన్సే జరుగుతున్నాయి. బిగ్ బాస్ ఓటింగ్‌లో తక్కువ ఉన్న కంటెస్టెంట్స్‌ను మాత్రమే ఎలిమినేట్ చేస్తున్నారు. అయితే, సెప్టెంబర్ 1న ప్రారంభమైన బిగ్ బాస్ 8 తెలుగు సీజన్‌లోకి మొత్తంగా 14 మంది కంటెస్టెంట్స్ వచ్చిన విషయం తెలిసిందే.

రెండు సార్లు ఎలిమినేషన్

వారిలో ఒక్కో వారం ఒక్కొక్కరిగా వరుసగా బెజవాడ బేబక్క, ఆర్జే శేఖర్ బాషా, పెళ్లి చూపులు ఫేమ్ అభయ్ నవీన్, ఆశ ఎన్‌కౌంటర్ మూవీ హీరోయిన్ సోనియా ఆకుల ఎలిమినేట్ అయ్యారు. అయితే, కొత్తగా 8 మంది వైల్డ్ కార్డ్ కంటెస్టెంట్స్ ఎంట్రీ ఉన్న నేపథ్యంలో బిగ్ బాస్ 8 తెలుగు ఐదో వారం రెండు సార్లు ఎలిమినేషన్స్ నిర్వహించారు.

బిగ్ బాస్ తెలుగు 8 ఐదో వారం మిడ్ వీక్‌ ఎవిక్షన్‌లో భాగంగా ఆదిత్య ఓం ఎలిమినేట్ అయ్యాడు. 33 రోజులు హౌజ్‌లో ఉన్న ఆదిత్య సుమారుగా రూ. 14,14,281 రెమ్యునరేషన్ (వారానికి రూ. 3 లక్షలు) అందుకున్నాడు. ఇక ఇదే ఐదో వారం వీకెండ్‌లో నైనిక ఎలిమినేట్ అయింది. నైనిక ఎలిమినేషన్‌కు సంబంధించిన షూటింగ్ శనివారం (అక్టోబర్ 5) పూర్తి అయింది.

ఐదు వారాలు

బిగ్ బాస్ తెలుగు 8 నైనిక ఎలిమినేషన్‌ను ఇవాళ్టీ (అక్టోబర్ 6) ఎపిసోడ్‌లో ప్రసారం చేయనున్నారు. కానీ, ఈపాటికే నైనిక ఎలిమినేట్ అయి వెళ్లిపోయింది. ఈరోజుతో చూస్తే సెప్టెంబర్ 1న హౌజ్‌లోకి అడుగుపెట్టిన నైనిక సుమారుగా ఐదు వారాలు ఉంది. షూటింగ్ కాకుండా ప్రసారమైన ఆదివారాన్ని కూడా లెక్కలోకి తీసుకుంటే 36 రోజులు అవుతున్నాయి.

అయితే, నైనిక వారానికి రూ. 2 లక్షల 20 వేలు (రోజుకు రూ. 31,428) పారితోషికం తీసుకుంటుందని సమాచారం. ఈ లెక్కన బిగ్ బాస్ ద్వారా నైనిక ఐదు వారాల్లో సుమారుగా 11 లక్షల రూపాయాలు సంపాదించింది. అదే 36 రోజులకు లెక్కకడితే సుమారుగా రూ. 11, 31, 408 అందుకుంది. ఎటు చూసిన నైనిక దాదాపుగా రూ. 11 లక్షల రెమ్యునరేషన్ సంపాదించిందని తెలుస్తోంది.

ముగ్గురి కంటే ఎక్కువ

అయితే, నైనిక రెమ్యునరేషన్ ఇదివరకు ఎలిమినేట్ అయిన బేబక్క (వారానికి రూ. 1,50,000), అభయ్ నవీన్ (వారానికి రూ. 2 లక్షలు), సోనియా ఆకుల (రూ. 1,50,000 వారానికి) కంటే ఎక్కువ. కానీ, శేఖర్ బాషా (వారానికి రూ.2,50,000 ), ఆదిత్య ఓం (వారానికి 3 లక్షలు) కంటే తక్కువ.

ఇదిలా ఉంటే, ఆదివారం ఎపిసోడ్‌ ప్రారంభంలోనే ఢీ షో ద్వారా పాపులర్ అయిన నైనిక ఎలిమినేషన్‌ చూపించనున్నారు. నైనిక ఎలిమినేషన్ తర్వాత వైల్డ్ కార్డ్ కంటెస్టెంట్స్ ఎంట్రీ ప్రసారం చేయనున్నారు. బిగ్ బాస్ తెలుగు 8 గ్రాండ్ లాంచ్ 2.0 ఈవెంట్‌తో 8 మంది వైల్డ్ కార్డ్ కంటెస్టెంట్స్ హోజ్‌లోకి అడుగుపెట్టనున్నారు. దీనికి సంబంధించిన షూటింగ్ కూడా పూర్తి అయింది.

వైల్డ్ కార్డ్‌తో 8 మంది ఎంట్రీ

బిగ్ బాస్ 8 తెలుగు హౌజ్‌లోకి వైల్డ్ కార్డ్ ద్వారా మెహబూబ్ షేక్, హరితేజ, గౌతమ్ కృష్ణ, నయని పావని, జబర్దస్త్ అవినాష్, రోహిణి, గంగవ్వ, టేస్టీ తేజ 8 మంది అడుగుపెట్టారు. వీరితోపాటు నాలుగో వారం ఎలిమినేట్ అయిన సోనియా ఆకుల కూడా వైల్డ్ కార్డ్ ద్వారా ఎంట్రీ ఇవ్వనుందని సమాచారం. వైల్డ్ కార్డ్ తొమ్మిదో కంటెస్టెంట్‌గా సోనియా సోమవారం (అక్టోబర్ 7) నాడు అడుగుపెట్టే అవకాశం ఉంది.