MS Dhoni IPL : ధోనీ ఫ్యాన్స్​కి బ్యాడ్​ న్యూస్​ ఇచ్చిన ఫ్లెమింగ్​- ఇక బ్యాటింగ్​ కష్టమే!

MS Dhoni IPL 2024 : ఇప్పుడు చాలా మంది.. ఎంఎస్​ ధోనీ కోసమే ఐపీఎల్​ చూస్తున్నారు! చాలా మంది.. ధోనీ చూసేందుకే స్టేడియంకు వెళుతున్నారు. అందుకు తగ్గట్టుగానే.. ధోనీ కూడా తన కేమియోలతో ఫ్యాన్స్​ని అలరిస్తున్నాడు. చెన్నై సూపర్​ కింగ్స్​ బ్యాటింగ్​ చివర్లో వచ్చి, తన మెరుపులతో ఫ్యాన్స్​ని సంతోషపెట్టడమే కాదు.. ప్రత్యర్థి బౌలర్లను కూడా వణికిస్తున్నాడు. మొన్న ముంబై ఇండియన్స్​, నిన్న లక్నో సూపర్​ జెయింట్స్​ మ్యాచ్​లో ఇదే జరిగింది. కానీ ధోనీ ఫ్యాన్స్​లో ఏదో వెలితి! ధోనీని చివరి వరకు ఎందుకు పంపడం లేదు? బ్యాటింగ్​ ఆర్డర్​లో ముందే ధోనీని పెట్టొచ్చు కదా? చివర్లో పంపడం వల్ల ధోనీ బ్యాటింగ్​ని ఎక్కువ సేపు చూడలేకపోతున్నాము అని​ ఫ్యాన్స్​ అంటున్నారు. ఈ విషయంపై సీఎస్కే హెడ్​ కోచ్​ స్టీఫెన్​ ఫ్లెమింగ్​ తాజాగా స్పందించాడు. అతని మాటలు వింటే.. ధోనీ ఫ్యాన్స్​కి బ్యాడ్​ న్యూసే!

ధోనీ ఎందుకు ముందు బ్యాటింగ్​కి రావట్లేదు?

ఎల్​ఎస్​జీతో జరిగిన మ్యాచ్​ తర్వాత.. మీడియాతో మాట్లాడాడు స్టీఫెన్​ ఫ్లెమింగ్​.

"ధోనీ ఒక ఇన్స్​పిరేషన్​. ట్రైనింగ్​లో చాలా గ్యాప్​ వచ్చినా, తక్కువసేపే ట్రైనింగ్​ చేసినా.. అద్భుతంగా బ్యాటింగ్​ చేస్తున్నాడు. వాస్తవానికి.. ధోనీ బ్యాటింగ్​ మా టీమ్​కి ఆశ్చర్యం అనిపించలేదు. ప్రీ సీజన్​లో అతను చూపించిన స్కిల్​ని చూస్తే.. ఈ సీజన్​లో ఎలా ఆడతాడే మాకు అర్థమైపోయింది. ఇక.. ధోనీని బ్యాటింగ్​ ఆర్డర్​లో ఎందుకు ముందు పంపడం లేదని అడుగుతున్నారు. ధోనీకి మోకాలు సమస్య ఉన్న విషయం తెలిసిందే. దాని నుంచి ఇప్పుడిప్పుడే రికవర్​ అవుతున్నాడు. అందుకే.. లిమిటెడ్​ బాల్స్​ ఆడాల్సి వస్తోంది," అని ఫ్లెమింగ్​ చెప్పుకొచ్చాడు.

LSG vs CSK IPL 2024 : అంటే.. ఐపీఎల్​ 2024 మిగిలిన మ్యాచుల్లో కూడా.. ధోనీ ముందు బ్యాటింగ్​కి రాకపోవచ్చు! జట్టు పీకల్లోతు కష్టాల్లో ఉంటే తప్ప.. ధోనీ ఇప్పుడు ఆడుతున్న స్థానంలోనే కొనసాగవచ్చు. ధోనీ బ్యాటింగ్​ని చూద్దామనుకుంటున్న వారికి ఇది కాస్త బాధకలిగించే వార్తే!

ఇదీ చూడండి:- MS Dhoni IPL : ధోనీపై డికాక్​ భార్య పోస్ట్​ వైరల్​.. ఆ 'వార్నింగ్​'ని చూపిస్తూ..

"ధోనీ 2-3 ఓవర్ల కామియోలో అద్భుతంగా రాణిస్తున్నాడు. మిగిలిన బాధ్యత బ్యాటింగ్​ యూనిట్​దే. వారు మంచిగా ఆడితే.. చివర్లో ధోనీ వచ్చి, స్కోర్​ని మరింత పెంచుతాడు. అతని బ్యాటింగ్​ చూడటానికి చాలా బాగుంది. ధోనీ ఘనతలకు మాకు చాలా గర్వంగా ఉంది. అతనికి దక్కుతున్న ప్రేమ చూసి మార్వెల్​ అవుతున్నాము. ధోనీ మా టీమ్​లో ఉండటం.. మాకు చాలా గర్వంగా ఉంది. సీఎస్కే గుండెచప్పుడు.. ధోనీ," అని చెప్పుకొచ్చాడు ఫ్లెమింగ్​.

ఎల్​ఎస్​జీ చేతిలో సీఎస్కే ఓటమి..

శుక్రవారం జరిగిన ఐపీఎల్​ 2024 మ్యాచ్​లో లక్నో సూపర్ జెయింట్స్ అద్భుతమే చేసింది. డిఫెండింగ్ ఛాంపియన్స్ చెన్నై సూపర్ కింగ్స్ కు చిత్తుగా ఓడించింది. 177 పరుగుల లక్ష్యాన్ని ఆడుతూ పాడుతూ మరో ఓవర్ మిగిలి ఉండగానే చేజ్ చేసింది. పూర్తి వివరాల కోసం ఇక్కడ క్లిక్​ చేయండి.