తెలుగు న్యూస్ / ఆంధ్ర ప్రదేశ్ / Ap Group 1 Results : గ్రూపు-1 మెయిన్స్ ఫలితాలు విడుదల - ఇంటర్వూలు ఎప్పుడంటే..?

AP Group 1 Results : గ్రూపు-1 మెయిన్స్ ఫలితాలు విడుదల - ఇంటర్వూలు ఎప్పుడంటే..?

Maheshwaram Mahendra HT Telugu Jul 14, 2023 03:50 PM IST

మమ్మల్ని ఫాలో అవ్వండి

Maheshwaram Mahendra Chary HT Telugu

Jul 14, 2023 03:50 PM IST

APPSC Group 1 Results:ఏపీలో గ్రూప్-1 మెయిన్స్ ఫలితాలు వచ్చేశాయ్. మొత్తం 259 మంది ఇంటర్వ్యూ దశకు అర్హత సాధించినట్లు ఏపీపీఎస్సీ వెల్లడించింది. ఫలితాలను అధికారిక వెబ్ సైట్ లో ఉంచారు.

ఏపీపీఎస్సీ గ్రూప్ - 1

మమ్మల్ని ఫాలో అవ్వండి

APPSC Group 1 Results: ఏపీ గ్రూప్ -1 ఉద్యోగాల భర్తీకి సంబంధించి కీలక అప్డేట్ ఇచ్చింది ఆంధ్రప్రదేశ్ పబ్లిక్ సర్వీస్ కమిషన్. మెయిన్స్ ఫలితాలను ప్రకటించింది. జూన్ 3 నుంచి 10వ తారీఖు వరకు జరిగిన మెయిన్స్ పరీక్షలకు మొత్తం 5035 మంది హాజరైన సంగతి తెలిసిందే. వీరిలో 259 మంది ఇంటర్వ్యూకి అర్హత సాధించినట్లు ఏపీపీఎస్సీ తెలిపింది. ఎంపికైన అభ్యర్థులకు ఆగస్టు 2 నుంచి గ్రూప్-1 ఇంటర్వ్యూలు నిర్వహించనున్నారు.

రాష్ట్రంలో ఖాళీగా ఉన్న 111 పోస్టుల భర్తీకోసం ఏపీపీఎస్సీ గతేడాది సెప్టెంబర్ 30న గ్రూప్ 1 నోటిఫికేషన్ జారీ చేసిన సంగతి తెలిసిందే. ఈ పోస్టులకుగాను మొత్తం 1,26,449 మంది అభ్యర్థులు దరఖాస్తు చేసుకున్నారు. ఈ ఏడాది జనవరి 8న... 18 జిల్లాల్లో 297 పరీక్షా కేంద్రాల్లో ఏపీపీఎస్సీ నిర్వహించిన ప్రాథమిక పరీక్షకు 82.38శాతం మంది హాజరయ్యారు. వీలైనంత త్వరగా ఫలితాలు వెల్లడిస్తామని ప్రకటించిన అధికారులు... అందరినీ ఆశ్చర్యపరుస్తూ... రికార్డు స్థాయిలో 20 రోజుల్లోనే ప్రిలిమ్స్ రిజల్ట్స్ వెలువరించారు. 1 : 50 పద్ధతిలో ఫలితాలు వెల్లడించిన ఏపీపీఎస్సీ... 6,455 మంది మెయిన్స్ కు అర్హత సాధించారు. వీరికి మెయిన్స్ పరీక్షలు నిర్వహించిన కమిషన్.... కేవలం 34 రోజులలోనే ఫలితాలను ప్రకటించింది. ఇంటర్వూలకు అర్హత సాధించిన వారి వివరాలను వెబ్ సైట్ లో అందుబాటులో ఉంచింది.