Telangana Election 2023 : కాంగ్రెస్ చేతికి 'తెలంగాణ' - మంత్రులుగా వీరికి ఛాన్స్ దక్కొచ్చు..!

Who will get a chance to become minister in Congress govt in telangana

paragraph

Telangana Assembly Elections 2023 : తెలంగాణ గడ్డపై కాంగ్రెస్ జెండా ఎగిరింది. రాష్ట్ర ఏర్పాటు తర్వాత… తొలిసారిగా కాంగ్రెస్ పార్టీ అధికారంలోకి వచ్చింది. సింగిల్ గానే అధికారంలోకి వచ్చేసింది. ఇప్పటికే ప్రభుత్వ ఏర్పాటు దిశగా ఏర్పాటు పనుల్లో ఉన్నారు కాంగ్రెస్ నేతలు. డిసెంబర్ 9వ తేదీన ఎల్బీ స్టేడియంలో ముఖ్యమంత్రితో పాటు పలువురు ఎమ్మెల్యేలు మంత్రులుగా ప్రమాణస్వీకారం చేసే అవకాశం ఉంది.

తెలంగాణలో అధికారంలోకి రావటంతో ముఖ్యమంత్రి అభ్యర్థి ఎవరనేదానిపై కూడా కాంగ్రెస్ హైకమాండ్ కసరత్తు మొదలుపెట్టినట్లు తెలుస్తోంది. ఈ విషయంలో… టీపీసీసీ అధ్యక్షుడు రేవంత్ రెడ్డి ప్రముఖంగా ఉన్నారు. ఇక ఆ తర్వాత ఖమ్మం జిల్లాకు చెందిన భట్టి విక్రమార్క పేరు వినిపిస్తోంది. అయితే కాంగ్రెస్ హైకమాండ్… ఎవరి పేరును సీఎం అభ్యర్థిగా ప్రకటిస్తుందనేది ఇప్పుడు ఆసక్తికరంగా మారింది. మరోవైపు ఉమ్మడి జిల్లాల నుంచి మంత్రులుగా అవకాశం దక్కించుకునే వారిలో పలువురు ఎమ్మెల్యేల పేర్లు ప్రముఖంగా వినిపిస్తున్నాయి. మంత్రుల ఎంపికలో సామాజిక సమీకరణాలు కూడా కీలకంగా మారాయి.

<h2>మంత్రులుగా ఛాన్స్ దక్కే ఎమ్మెల్యేలు…!</h2>ఉమ్మడి కరీంనగర్ - పొన్నం ప్రభాకర్, శ్రీధర్ బాబుకు మంత్రులుగా ఛాన్స్ దక్కొచ్చు. పార్టీలో సీనియర్ నేతలుగా గుర్తింపు పొందటమే కాకుండా… సామాజిక సమీకరణాలు కూడా కలిసిరానున్నాయి.

ఉమ్మడి ఆదిలాబాద్ - ఈ జిల్లా నుంచి వెడ్మ బొజ్జు (ఖానాపూర్) నుంచి గెలిచారు. ఎస్టీ కావటం కలిసి వచ్చే అవకాశం ఉంది. ఇక ఇదే జిల్లా నుంచి ఎస్సీ సామాజికవర్గానికి చెందిన వివేక్, వినోద్ లు మంత్రుల రేసులో ఉంటారు.

మెదక్ - ఈ జిల్లా నుంచి ఆందోల్ లో గెలిచిన దామోదరకు అవకాశం ఉండగా.. కీలకమైన శాఖను అప్పగించే అవకాశం ఉంది.

ఉమ్మడి రంగారెడ్డి - ఈ జిల్లా నుంచి మల్ రెడ్డి రంగారెడ్డి(ఇబ్రహీంపట్నం), గడ్డం ప్రసాద్(వికారాబాద్)కు అవకాశం ఉంది. ఇద్దరు నేతలు కూడా సీనియర్లుగా గుర్తింపు పొందారు. కష్టకాలంలో కూడా పార్టీలో కీలకంగా పని చేశారు.

మహబూబ్ నగర్ - ఈ జిల్లా నుంచి టీపీసీసీ అధ్యక్షుడు రేవంత్ రెడ్డి ఉన్నారు. ముఖ్యమంత్రి రేసులో ఉన్నారు. కొల్లాపూర్ లో గెలిచిన జూపల్లి సీనియర్ నేతగా పేరుంది. మంత్రివర్గ రేసులో ఉండొచ్చని తెలుస్తోంది.

నల్గొండ - ఉమ్మడి నల్గొండ జిల్లా నుంచి కోమటిరెడ్డి బ్రదర్స్, ఉత్తమ్ కుమార్ రెడ్డి రేసులో ఉన్నారు. వీరే కాకుండా జానారెడ్డికి కూడా ఛాన్స్ రావొచ్చని తెలుస్తుంది. ఈ

ఉమ్మడి వరంగల్ - ఈ ఎన్నికల్లో ఉమ్మడి వరంగల్ జిల్లాలో కాంగ్రెస్ సత్తా చాటింది. అయితే ఈ జిల్లా నుంచి గెలిచిన సీతక్క(ములుగు), సురేఖ(వరంగల్ తూర్పు)కు మంత్రులుగా ఛాన్స్ దక్కే అవకాశం ఉంది. సీతక్క ఎస్టీ, సురేఖ బీసీ సామాజికవర్గానికి చెందినవారు కావటం కలిసివచ్చే అవకాశం.

ఖమ్మంలో - ఈ జిల్లా నుంచి సీనియర్ నేతలు తుమ్మల, పొంగులేటి, భట్టి విక్రమార్క రేసులో ఉన్నారు. భట్టికి కీలక పదవి దక్కే అవకాశం ఉంటుంది. పార్టీ విజయంలో కీలకంగా వ్యవహరించారు. సుదీర్ఘమైన పాదయాత్రను కూడా చేశారు.

ఉమ్మడి నిజామాబాద్ - ఈ జిల్లా నుంచి పార్టీ సీనియర్ నేత సుదర్శన్ రెడ్డి(బోధన్) కి అవకాశం ఉంది.

హైదరాబాద్ - ఈ ఎన్నికల్లో హైదరాబాద్ లో కాంగ్రెస్ పార్టీ ఖాతా తెరవలేదు. అయితే కీలకమైన భాగ్యనగరం నుంచి ప్రాతనిధ్యం ఉండాలని భావిస్తే….ఒకరు లేదా ఇద్దరు నేతలకు మంత్రి పదవి ఇచ్చే అవకాశం ఉంటుంది. ఎమ్మెల్సీగా నియమించే అవకాశాలను బట్టి ఈ నిర్ణయం ఉండొచ్చు.

warangal Revenge: వరంగల్‌లో 2018 రిజల్ట్స్ రివర్స్ చేసిన హస్తం పార్టీ

<ul><li>warangal Revenge: ఓరుగల్లులో కాంగ్రెస్ పార్టీ బీఆర్ఎస్ పై రివేంజ్ తీసుకుందనే సంకేతాలు కనిపిస్తున్నాయి. 2018లో కాంగ్రెస్ పార్టీని కొట్టిన దెబ్బకు ఇప్పుడు ప్రతీకారం తీర్చుకుందనే అభిప్రాయాలు వ్యక్తమవుతున్నాయి.</li></ul>

Revanth Reddy : తెలంగాణ సీఎంగా రేవంత్ రెడ్డి- డిప్యూటీ సీఎంలు భట్టి, సీతక్క-రేపే ప్రమాణ స్వీకారం?

<ul><li>Revanth Reddy : కాంగ్రెస్ ఎమ్మెల్యేలు సీఎల్పీ నేతగా రేవంత్ రెడ్డిని ఎంపిక చేయనున్నారు. రేపు సాయంత్రం సీఎంగా రేవంత్ రెడ్డి ప్రమాణ స్వీకారం చేసే అవకాశం ఉంది.</li></ul>

Nalgonda Election Results 2023 : నల్గొండలో హస్తం హవా, 11 చోట్ల ఘన విజయం

<ul><li>Nalgonda Election Results 2023 : నల్గొండ జిల్లాలో కాంగ్రెస్ పార్టీ తిరుగులేని విజయం సాధించింది. 12 నియోజకవర్గాలకు 11 చోట్ల ఘన విజయం సాధించింది.</li></ul>

Telangana DGP : తెలంగాణ కొత్త డీజీపీగా రవిగుప్తా నియామకం

<ul><li>Telangana DGP : తెలంగాణ నూతన డీజీపీగా రవిగుప్తాను ఎన్నికల సంఘం నియమించింది. ఈ మేరకు ఉత్తర్వులు జారీ అయ్యాయి.</li></ul>

<ul><li>Telangana Assembly Elections 2023 : తెలంగాణలో కాంగ్రెస్ పార్టీ అధికారంలోకి వచ్చింది. ఇప్పటికే సీఎం అభ్యర్థిగా రేవంత్ రెడ్డి పేరు ప్రముఖంగా వినిపిస్తుండగా… ఆ తర్వాత భట్టి పేరు రేసులో ఉంది.</li></ul>

Telangana Results 2023 : కేసీఆర్ కు బిగ్ షాక్... కామారెడ్డిలో ఓటమి, బీజేపీ అభ్యర్థి విక్టరీ

KCR lost against BJP candidate in Kamareddy

Telangana Election Results 2023 : బీఆర్ఎస్ అధినేత కేసీఆర్ గట్టి షాాక్ తగిలింది. ఓవైపు కాంగ్రెస్ పార్టీ స్పష్టమైన మెజార్టీతో అధికారంలోకి రాగా… స్వయంగా కేసీఆర్ పోటీ చేసిన కామారెడ్డిలోనూ ఓడిపోయారు. ఇక్కడ అనూహ్యంగా బీజేపీ అభ్యర్థి వెంకటరమణా రెడ్డి 6 వేలకు పైగా మెజార్టీ తో సంచలన విజయం సాధించారు.టీపీసీ అధ్యక్షుడు రేవంత్ రెడ్డి … మూడో స్థానంలో నిలిచారు.

ఉద‌యం కౌంటింగ్ స‌మ‌యంలో తొలి 8 రౌండ్లు పీసీసీ చీఫ్ రేవంత్‌రెడ్డి 2 వేల ఓట్ల వ‌ర‌కు లీడింగ్‌లో ఉండ‌గా.. 9వ రౌండ్ నుంచి ఫ‌లితాలు తారుమ‌ర‌య్యాయి. ప్ర‌తిరౌండ్‌లోనూ ర‌మణారెడ్డి ఆధిక్య‌త సాధిస్తూ చివ‌ర‌కు ప్ర‌జా ఆశీర్వాదంతో ముందు వ‌రుస‌లో కొన‌సాగుతున్నారు. 19వ రౌండు పూర్త‌య్యేస‌రికి ర‌మణారెడ్డి 5810 ఓట్ల మెజార్టీతో కొన‌సాగుతున్నారు. బీజేపీ అభ్య‌ర్థికి మొత్తం 65,198 ఓట్లు రాగా..కేసీఆర్‌కు 59,388 ఓట్లు వ‌చ్చాయి. ఇక రేవంత్‌రెడ్డికి 54,296 ఓట్లు పోల‌య్యాయి.

<ul><li>Telangana Election Results 2023 : తెలంగాణ అసెంబ్లీ ఎన్నికల్లో సంచలనాలు నమోదయ్యాయి. గజ్వేల్ తో పాటు కామారెడ్డిలో పోటీ చేసిన కేసీఆర్… బీజేపీ అభ్యర్థి చేతిలో ఓడిపోయారు.</li></ul>

Telangana Election Results 2023 : అప్పుడు ఒకే ఒక్క సీటు! ఈసారి బీజేపీ గెలిచిన స్థానాలివే

These are the seats won by BJP in Telangana

Telangana Election Results 2023 : తెలంగాణ ఎన్నికల్లో కాంగ్రెస్ పార్టీ విజయం సాధించింది. బీఆర్ఎస్ పార్టీ రెండో స్థానంలో నిలవగా… బీజేపీ మూడో స్థానంలో నిలిచింది. 2018 అసెంబ్లీ ఎన్నికల్లో కేవలం ఒక్క స్థానానికి పరిమితమైన బీజేపీ… ఈసారి ఎన్నికల్లో ఎక్కువ సీట్లను గెలుచుకుంది.

<h2>బీజేపీ గెలిచిన స్థానాలు</h2>1.అదిలాబాద్ - పాయల్ శంకర్

2.ముదోల్ - రామారావు పటేల్

3.నిర్మల్ - ఏలేటి మహేశ్వర్ రెడ్డి

4.గోషామహల్ - రాజాసింగ్

5.కామారెడ్డి - వెంకట రమణారెడ్డి(ఆధిక్యం)

6.నిజామాబాద్ (అర్బన్)- ధన్ పాల్ సూర్యనారాయణ గుప్తా

7.ఆర్మూర్ - పైడి రాకేష్ రెడ్డి

<ul><li>Telangana Election Results 2023 : తెలంగాణ అసెంబ్లీ ఎన్నికల్లో మెజార్టీ సీట్లను సాధించి కాంగ్రెస్ అధికారంలోకి వచ్చింది. అయితే ఈ ఎన్నికల్లో బీజేపీ.. గతంతో పోల్చితే ఈసారి ఎక్కువ సీట్లను గెలుచుకుంది.</li></ul>

Telangana Elections 2023 : నిలబడి.... పోరాడి - ఇచ్చిన తెలంగాణలో ఎగిరిన 'హస్తం' జెండా

For the first time Congress party won in Telangana after state formation

Telangana Election Results 2023 : తెలంగాణ గడ్డపై తొలిసారిగా కాంగ్రెస్ పార్టీ జెండా ఎగిరింది. 2014లో రాష్ట్ర ఏర్పడగా… రెండు సార్లు బీఆర్ఎస్ పార్టీకే పట్టం కట్టారు ఇక్కడి ప్రజలు. కానీ ఈసారి మాత్రం… తెలంగాణ ఇచ్చిన పార్టీగా కాంగ్రెస్ కు పీఠాన్ని అప్పగించారు. ఈ మధ్య కాలంలో…. కాంగ్రెస్ పార్టీ ఎన్నో ఒడిదొడుకులను ఎదుర్కొని నిలబడింది. అధికార పార్టీతో తలపడి, పోరాడి విజయాన్ని అందుకోగలిగింది.

<h2>2014లో రాష్ట్ర ఏర్పాటు ప్రకటన</h2>2009లో మలిదశ ఉద్యమం తర్వాత తెలంగాణ కేంద్రంగా ప్రత్యేక రాష్ట్ర ఉద్యమం బాగా బలపడింది. దాదాపు నాలుగేళ్లపాటు మహాత్తర పోరాటం సాగింది. అప్పుడు కేంద్రంలో ఉన్న కాంగ్రెస్ హయాంలోని యూపీఏ సర్కార్… రాష్ట్ర ప్రజల ఆకాంక్షల మేరకు ప్రత్యేక తెలంగాణ రాష్ట్రాన్ని ప్రకటించింది. 2014లో ఈ ప్రక్రియ పూర్తి అయింది. అయితే ఆ తర్వాత దేశవ్యాప్తంగా జరిగిన ఎన్నికల్లో యూపీఏ సర్కార్ ఘోరమైన ఓటమిని చవి చూసింది. ఇక తెలంగాణలోనైనా జెండా ఎగరుతుందేమో అని భావించారు. కానీ పోరాడిన పార్టీగా బీఆర్ఎస్ కే పట్టం కట్టారు ప్రజలు. దీంతో తెలంగాణ తొలి ముఖ్యమంత్రిగా కేసీఆరే ప్రమాణస్వీకారం చేశారు.

ఇక 2018 ఎన్నికల్లోనైనా కాంగ్రెస్ గెలుస్తుందేమోనని అంతా భావించారు. కానీ ఈ ఎన్నికల్లో బీఆర్ఎస్ పార్టీ సూపర్ విక్టరీని అందుకుంది. ఏకంగా 88 స్థానాల్లో గెలిచి తిరుగులేని శక్తిగా మారింది. అప్పటికే ఓసారి ఓడిపోయిన కాంగ్రెస్ తీవ్ర ఇబ్బందులు ఎదుర్కొవాల్సి వచ్చింది. కానీ 2018 ఎన్నికల్లోనూ ఓడిపోవటంతో… మరింత కష్టాలు వచ్చాయి. ఓవైపు కాంగ్రెస్ పార్టీ గుర్తుపై గెలిచిన ఎమ్మెల్యేలు… కారు ఎక్కేశారు. అంతేకాకుండా… చాలా మంది నేతలు పార్టీని వీడి గులాబీ కండువా కప్పుకున్నారు.

వీటన్నింటి నేపథ్యంలో… పార్టీలోని నేతల మధ్య సఖ్యత లేకపోవటం కూడా కాంగ్రెస్ కు ఇబ్బందిగా మారింది. కానీ రేవంత్ రెడ్డి పార్టీలో చేరటం.. అధ్యక్ష బాధ్యతలు చేపట్టిన తర్వాత పరిస్థితి నెమ్మదిగా మారుతూ వచ్చింది. ప్రభుత్వంపై పోరాడే విషయంలో… కీలక కార్యక్రమాలను తీసుకున్నారు. ప్రభుత్వ వైఫల్యాలను ప్రజల్లోకి తీసుకెళ్లగలిగారు. అసెంబ్లీలో బలం లేకున్నా.. ఉన్న సభ్యులతో రాణించారు.

ఇక ఈసారి ఎలాగైనా కాంగ్రెస్ జెండా ఎగరవేయాలని భావించిన కాంగ్రెస్ గత ఏడాది కాలంగా తెలంగాణపై దృష్టిపెట్టింది. నేతల మధ్య విభేదాలు లేకుండా కలిసి నడవాలని తేల్చి చెప్పింది. అగ్రనేత రాహుల్ చేపట్టిన జోడో యాత్రతో పార్టీలో మంచి జోష్ ను తెచ్చి పెట్టింది. ఆ తర్వాత నిరుద్యోగుల తరపున గట్టిగా పోరాడటమే కాకుండా… వారిలో భరోసాను నింపే ప్రయత్నం చేసింది. ఎన్నికల ప్రకటన రావటంతో… అభ్యర్థుల ఎంపిక నాటి నుంచి… పోలింగ్ వరకు కూడా ఏ చిన్న ఛాన్స్ ను కూడా వదులుకోకుండా పని చేసింది కాంగ్రెస్. వీటన్నింటి ఫలితమే నేటి విజయంగా మారింది.

<ul><li>Telangana Election Results 2023 : 2014లో తెలంగాణ రాష్ట్రాన్ని ప్రకటించింది నాటి యూపీఏ ప్రభుత్వం. అయితే ప్రజల ఆకాంక్షల దృష్ట్యా… రాష్ట్రాన్ని ప్రకటించినప్పటికీ హస్తం పార్టీని ఆదరించలేదు ఇక్కడి ప్రజలు. తెచ్చిన పార్టీగా బీఆర్ఎస్ నే గెలిపించాలి. కానీ ఈసారి ఇచ్చిన కాంగ్రెస్ వెంటే నడిచారు</li></ul>

Telangana Election Results 2023 : అయ్యో ఈటల... అసలుకే ఎసరు!

BJP Leadet Etela Rajender Trailing in Two Constituencies in election results 2023

Telangana Election Results 2023 Updates : తెలంగాణలో కాంగ్రెస్ విజయదుందుభి మోగించింది. బీఆర్ఎస్ పార్టీకి గట్టి షాక్ ఇస్తూ… మెజార్టీ స్థానాల్లో పాగా వేసే దిశగా వెళ్తోంది. తొలిసారిగా తెలంగాణ గడ్డపై హస్తం జెండా ఎగరవేసి… ప్రభుత్వాన్ని ఏర్పాటు చేయబోతుంది. అయితే ఈసారి ఫలితాల్లో కీలక నేతలు ఓడిపోయారు. మంత్రులు కూడా ఈ లిస్టులో ఉన్నారు. ఇక బీజేపీలో కీలకంగా వ్యవహరించిన ఆయన… ఈటల రాజేందర్ పరిస్థితి కూడా అలాగే ఉంది.

బీఆర్ఎస్ పార్టీని విబేధించి…బీజేపీలోకి వెళ్లిన ఈటల రాజేందర్ ఉపఎన్నికల్లో గెలిచి సంచలనం సృష్టించారు. ఆ తర్వాత బీజేపీలో కీలకంగా మారారు. ఇక ఈ అసెంబ్లీ ఎన్నికల్లో నేరుగా కేసీఆర్ నే ఢీకొట్టాలని భావించి… హుుజరాబాద్ తో పాటు గజ్వేల్ నియోజకవర్గంలోనూ పోటీ చేశారు. అయితే ఈసారి సమీకరణాలు మారిపోయాయి. హుజురాబాద్ లోనే కాకుండా… గజ్వేల్ లోనూ వెనకబడ్డారు ఈటల. రెండు చోట్ల కూడా ఓడిపోయే పరిస్థితి ఉంది. గజ్వేల్ లో కేసీఆర్ గెలిచే అవకాశం ఉండగా… హుజురాబాద్ నియోజకవర్గంలో బీఆర్ఎస్ అభ్యర్థి పాడి కౌశిక్ రెడ్డి… ముందంజలో ఉన్నారు. ఇక్కడ కాంగ్రెస్ అభ్యర్థి ప్రణవ్ బాబు కూడా గట్టి పోటీనిస్తున్నారు. ఓ దశలో రెండో స్థానంలో ఉండగా… ఈటల మూడో ప్లేస్ కు పడిపోయారు. చివరి రౌండ్ వరకు ఏం జరగబోతుందనేది ఆసక్తికరంగా మారింది.

మరోవైపు దుబ్బాకలో సిట్టింగ్ ఎమ్మెల్యే రఘునందర్ రావు కూడా ఈ ఎన్నికల్లో ఓడిపోయారు. ఆయనపై బీఆర్ఎస్ అభ్యర్థి కొత్త ప్రభాకర్ రెడ్డి విజయం సాధించారు.

<ul><li>Telangana Election Results 2023 Updates : తెలంగాణ అసెంబ్లీ ఎన్నికల్లో సంచలనాలు నమోదవుతున్నాయి. కీలక నేతలు ఓటమిపాలుకాగా… బీజేపీ నుంచి రెండుచోట్ల పోటీ చేసిన ఈటల రాజేందర్ పరిస్థితి కూడా అలాగే మారింది.</li></ul>

Telangana Election Results 2023 : పాలకుర్తిలో ఎర్రబెల్లి ఓటమి - అదే బాటలో పలువురు మంత్రులు!

errabelli dayakar rao lost in Palakurthi Constituency

Telangana Election Results 2023 : తెలంగాణ అసెంబ్లీ ఎన్నికల ఫలితాల్లో సంచలనాలు నమోదవుతున్నాయి. పాలకుర్తి నుంచి మరోసారి పోటీ చేసిన మంత్రి ఎర్రబెల్లి దయాకర్ రావు ఓటమి పాలయ్యారు. మరికొందరు మంత్రులు కూడా ఎదురీదుతున్న పరిస్థితి కనిపిస్తోంది.

బాన్సువాడలో స్పీకర్ పోచారం శ్రీనివాస్‌రెడ్డి గెలుపొందారు. 23, 582పైగా ఓట్లతో విజయం సాధించారు.

బాల్కొండలో ప్రశాంత్‌ రెడ్డి 3 వేల ఓట్ల తేడాతో విజయం సాధించారు.

మేడ్చల్ లో మంత్రి మల్లారెడ్డి విజయం సాధించారు.

పాలకుర్తిలో.. ఎర్రబెల్లి దయాకర్‌ రావు ఓడిపోయారు.

ఖమ్మంలో పువ్వాడ అజయ్‌కుమార్‌ ఓటమి.

సూర్యాపేటలో మంత్రి జగదీశ్ రెడ్డి… ఆధిక్యంలో ఉన్నారు.

నిర్మల్‌ నియోజకవర్గంలో ఇంద్రకరణ్‌ రెడ్డి ఓటమి, ధర్మపురిలో కొప్పుల ఈశ్వర్‌ వెనకబడి ఉన్నారు.

మహబూబ్‌నగర్‌ లో మంత్రి శ్రీనివాస్‌ గౌడ్‌ ఓటమి పొందారు.

సనత్ నగర్ లో మంత్రి తలసాని విజయం.

మహేశ్వరంలో మంత్రి సబితా ఇంద్రారెడ్డి విజయం సాధించారు.

ధర్మపురిలో కొప్పుల ఈశ్వర్, వనపర్తిలో నిరంజన్ రెడ్డి ఓటమి.

<ul><li>Telangana Election Results 2023 : పాలకుర్తిలో మంత్రి ఎర్రబెల్లి దయాకర్ ఓటమిపాలయ్యాడు. మరికొన్నిచోట్ల మంత్రులు ఎదురీదుతున్నారు.</li></ul>

Telangana Election Results 2023 : కామారెడ్డిలో కేసీఆర్ వెనుకంజ - 2 చోట్లా ఈటలకు ఎదురుగాలి

KCR trailing in Kamareddy and leads in Gajwel

Telangana Election Results 2023 : తెలంగాణ అసెంబ్లీ ఎన్నికల్లో కాంగ్రెస్ పార్టీ సత్తా చాటింది. సింగిల్ గానే అధికారంలోకి రానుంది. ఇక రాష్ట్రవ్యాప్తంగా అందరి దృష్టిని ఆకర్షించిన… కామారెడ్డిలో కేసీఆర్ వెనుకంజలో ఉన్నారు. టీపీసీసీ అధ్యక్షుడు రేవంత్ రెడ్డి… ముందంజలో కొనసాగుతున్నారు. బీజేపీ అభ్యర్థి వెంకటరమణారెడ్డి రెండో స్థానంలో ఉండగా… కేసీఆర్ మూడో స్థానంలో ఉన్నారు.

మరోవైపు గజ్వేల్ లో కేసీఆర్ లీడ్ లో ఉండగా… బీజేపీ అభ్యర్థి వెనుకంజలో ఉన్నారు. ఇక హుజురాబాద్ లో పాడి కౌశిక్ రెడ్డి లీడ్ లో ఉండగా… ఇక్కడ కూడా ఈటల వెనకబడ్డారు.

పాలకుర్తిలో మంత్రి దయాకర్ రావు బరిలో ఉండగా.. అక్కడ కాంగ్రెస్ అభ్యర్థి యశస్వని రెడ్డి ఆరో రౌండ్ ముగిసే సరికి 6900 పైచీలుకు ఓట్లతో లీడ్ లో కొనసాగుతున్నారు. వరంగల్ వెస్ట్ లో ప్రభుత్వ చీఫ్ విప్ దాస్యం వినయ్ భాస్కర్, కాంగ్రెస్ అభ్యర్థి నాయిని రాజేందద్ రెడ్డి మధ్య పోరు నడుస్తుండగా.. 2800 కు పైగా ఓట్లతో నాయిని లీడ్ లో ఉన్నారు. ఇక గత రెండు సార్లు భారీ మెజారిటీ సాధించిన వర్ధన్నపేట ఎమ్మెల్యే అరూరి రమేష్ పై కాంగ్రెస్ అభ్యర్థి కేఆర్ నాగరాజు ముందంజలో కొనసాగుతున్నారు. 10వ రౌండ్ ముగిసే సరికి నాగరాజు 4821 ఓట్లతో లీడ్ లో ఉన్నారు. మహబూబాబాద్ లో శంకర్ నాయక్ పై కాంగ్రెస్ అభ్యర్థి మురళీ నాయక్ 13,728 ఓట్లతో, పరకాల చల్లా ధర్మారెడ్డి పై ఐదో రౌండ్ లో కాంగ్రేస్ అభ్యర్థి రేవూరి ప్రకాష్ రెడ్డి 2235 ఓట్ల ఆధిక్యం లో ఉన్నారు. నర్సంపేట 11 రౌండ్ లో బీఆర్ ఎస్ అభ్యర్థి పెద్ది సుదర్శన్ రెడ్డి పై కాంగ్రెస్ అభ్యర్థి దొంతి మాధవరెడ్డి 5,054 ఓట్లతో ముందంజలో ఉన్నారు. భూపాలపల్లి లో బీఆరెస్ అభ్యర్థి గండ్ర వెంకట రమణారెడ్డి పై కాంగ్రెస్ అభ్యర్థి గండ్ర సత్యనారాయణ రావు 10 వేల పైచీలుకు ఓట్ల ఆధిక్యంలో కొనసాగుతున్నారు. ఇక వరంగల్ తూర్పు నియోజకవర్గంలో కాంగ్రెస్ అభ్యర్థి కొండా సురేఖ 6,271 ఓట్ల లీడ్ లో కొనసాగుతున్నారు. ములుగులో కాంగ్రెస్ అభ్యర్థి సీతక్క 14,716 ఓట్లు, డోర్నకల్ కాంగ్రెస్ అభ్యర్థి రాంచంద్ర నాయక్ ఐదో రౌండ్ ముగిసే సరికి 13,186 ఓట్ల ఆధిక్యం లో ఉన్నారు.

<ul><li>Telangana Election Results 2023 : తెలంగాణ అసెంబ్లీ ఎన్నికల్లో కాంగ్రెస్ హవా కొనసాగుతోంది. ఇక అందరి దృష్టిని ఆకర్షించిన కామారెడ్డిలో కేసీఆర్ వెనుకంజలో ఉన్నారు.</li></ul>

TPCC Chief Revanth Reddy : రేవంత్ రెడ్డి నివాసానికి డీజీపీ, పోలీసు ఉన్నతాధికారులు

Telangana DGP greetings to TPCC Chief  Revanth Reddy

DGP greetings to TPCC Chief Revanth Reddy: తెలంగాణలో హస్తం జెండా ఎగరటం ఖాయంగా మారింది. 60కిపైగా స్థానాల్లో కాంగ్రెస్ పార్టీ దూసుకెళ్తోంది. మరోవైపు రాష్ట్రవ్యాప్తంగా కాంగ్రెస్ పార్టీ శ్రేణులు సంబరాలు చేసుకుంటున్నారు. ఇదిలా ఉంటే… రేవంత్ రెడ్డి నివాసానికి భారీగా నేతలు, అభిమానులు చేరుకుంటున్నారు.

ఇక రేవంత్ రెడ్డి నివాసానికి రాష్ట్ర డీజీపీ అంజనీ కుమార్ వచ్చారు. మర్యాదపూర్వకంగా కలిసి శుభాకాంక్షలు తెలిపారు. మరోవైపు ర్యాలీగా గాంధీభవన్ కు బయల్దేరారు. డీకే శివ కుమార్ కూడా గాంధీభవన్ కు బయల్దేరారు.

<ul><li>Telangana Election Results 2023 : తెలంగాణలో కాంగ్రెస్ సూపర్ విక్టరీ కొట్టేసే దిశగా ముందుకెళ్తోంది. మేజిక్ ఫిగర్ దాటి మెజార్టీ స్థానాల్లో గెలవనుంది. మరోవైపు రేవంత్ రెడ్డిని డీజీపీ అంజనీ కుమార్ కలిసి శుభాకాంక్షలు తెలిపారు.</li></ul>

Telangana Election Results 2023 : 'కారు'కు బ్రేకులు... గ్రామీణంలో 'హస్తం' హవా!

BRS was hit hard in rural areas over Telangana Election Results 2023 

Telangana Election Results 2023 : తెలంగాణ అసెంబ్లీ ఎన్నికల ఫలితాలు వెలువడుతున్నాయి. ఇప్పటికే మేజిక్ ఫిగర్ దాటి… కాంగ్రెస్ దూసుకెళ్తోంది. సొంతంగానే ప్రభుత్వాన్ని ఏర్పాటు చేసే దిశగా అడుగులు వేసింది. అయితే ఈసారి హ్యాట్రిక్ కొట్టి… తిరుగులేని శక్తిగా మారాలని భావించిన బీఆర్ఎస్ కు గట్టి షాక్ ఇచ్చింది కాంగ్రెస్. హస్తం హవాతో కారుకు బ్రేకులు పడినట్లు అయింది.

<h2>గ్రామీణంలో కాంగ్రెస్ హవా…!</h2>తెలంగాణ అసెంబ్లీ ఎన్నికల ఫలితాల్లో కాంగ్రెస్ ఆధికత్యాన్ని ప్రదర్శించింది. 60కి పైగా స్థానాల్లో కాంగ్రెస్ అభ్యర్థులు ముందంజలో ఉండగా… బీఆర్ఎస్ అభ్యర్థులు 35 నుంచి 40 చోట్ల లీడ్ లో ఉన్నారు. అయితే ఈసారి ఫలితాలు ఆసక్తికరంగా కనిపిస్తున్నాయి. హైదరాబాద్ లో బీఆర్ఎస్ పార్టీ మెజార్టీ సీట్లలో గెలిచే దిశగా అడుగులు వేస్తోంది. కానీ తమకు ఆయువుపట్టుగా భావించే గ్రామీణ ప్రాంతాల్లో మాత్రం… గట్టి ఎదురుదెబ్బ తగిలినట్లు కనిపిస్తోంది.

ఉమ్మడి నల్గొండ, వరంగల్, ఖమ్మం, నిజామాబాద్, కరీంనగర్ జిల్లాలో కాంగ్రెస్ పార్టీ మెజార్టీ సీట్లలో గెలిచే అవకాశం ఉంది. ముఖ్యంగా గ్రామీణ ప్రాంతాల్లో తిరుగులేని విధంగా కాంగ్రెస్ పార్టీ ఓట్లను రాబట్టినట్లు కనిపిస్తోంది. గ్రేటర్ హైదరాబాద్ నియోజకవర్గాలు తప్ప… మిగతా అన్నిచోట్ల కూడా హస్తం హవా స్పష్టంగా కనిపిస్తోంది. ఇక బీజేపీ పార్టీ కూడా ఆదిలాబాద్, నిజామబాద్ తో పాటు గ్రేటర్ పరిధిలో ప్రభావం చూపింది.

ఈ ఎన్నికల్లో గ్రామీణ ఓటర్లు అందరూ కాంగ్రెస్ వైపు చూసినట్లు స్పష్గం కనిపిస్తోంది. ప్రధానంగా ఆరు గ్యారెంటీల హామీ కార్డుతో పాటు పలు డిక్లరేషన్ లు, మేనిఫెస్టోలోని అంశాలను జనాల వద్దకు చేర్చగలిగింది. బీఆర్ఎస్ మేనిఫెస్టోలో పెద్దగా ప్రజాకర్షక పథకాలు లేకపోవటంతో పాటు ప్రభుత్వ వ్యతిరేకత ఉన్న నేపథ్యంలో…. గ్రామీణంలోని ప్రజలు కాంగ్రెస్ వైపు చూసినట్లు విశ్లేషణలు వినిపిస్తున్నాయి.

<ul><li>Telangana Election Results 2023: తెలంగాణ అసెంబ్లీ ఎన్నికల్లో బీఆర్ఎస్ పార్టీకి గట్టి షాక్ తగిలినట్లు అయింది. హ్యాట్రిక్ కొట్టాలని భావించిన కారు పార్టీకి హస్తం పార్టీ బ్రేకులు వేసింది. అయితే ముఖ్యంగా గ్రామీణ నియోజకవర్గాల్లో బీఆర్ఎస్ ఓట్లకు భారీగా గండి పడింది.</li></ul>

Telangana Election Results 2023 : కాంగ్రెస్ బోణీ.. అశ్వరావుపేట అభ్యర్థి విజయం

Congress candidate Jare Adinarayana won in Aswaraopeta

Telangana Election Results 2023 : తెలంగాణలో కాంగ్రెస్ సత్తా చాటింది. ప్రభుత్వాన్ని ఏర్పాటు చేసే దిశగా దూసుకెళ్తోంది. ఇప్పటికే మెజార్టీ సీట్లలో కాంగ్రెస్ అభ్యర్థులు ముందంజలో ఉండగా… ఖమ్మం జిల్లాలో తొలి విజయం నమోదైంది. అశ్వరావుపేట నియోజకవర్గంలో కాంగ్రెస్ పార్టీ అభ్యర్థి జారే ఆదినారాయణ విజయం సాధించారు. 28 358 ఓట్ల మెజారిటీతో విక్టరీ కొట్టారు.

<ul><li>Telangana Assembly Elections 2023 :తెలంగాణలో కాంగ్రెస్ తొలి విజయం నమోదైంది. అశ్వరావుపేట నియోజకవర్గం లో కాంగ్రెస్ పార్టీ అభ్యర్థి జారే ఆదినారాయణ&nbsp;విక్టరీ కొట్టారు.</li></ul>

Maheshwaram Mahendra Chary