Crime news : 2014లో మహిళపై రేప్​, హత్య- 2024లో దొరికిన నిందితుడు..!

పదేళ్ల క్రితం నైరుతి దిల్లీలో ఓ మహిళపై అత్యాచారం, ఆ తర్వాత హత్య చేసిన 48 ఏళ్ల వ్యక్తిని ఉత్తరప్రదేశ్ పోలీసులు తాజాగా అరెస్ట్​ చేశారు. నిందితుడిని రాంపాల్​గా గుర్తించినట్లు పోలీసులు తెలిపారు.

ఇదీ జరిగింది..

2014 ఆగస్ట్​లో జరిగింది ఈ ఘటన. రాంపాల్, అతని అనుచరులు ఓ మహిళపై అత్యాచారం చేసి హత్య చేసినట్లు పోలీసులు తెలిపారు. ఆమె నగ్న మృతదేహాన్ని వసంత్ కుంజ్ నార్త్ పోలీస్ పరిధిలోని సంజయ్ వాన్ ప్రాంతంలో పడేశారు.

2014 ఆగస్టు 8న రాంపాల్ స్నేహితులు మనోజ్, రాకేష్​లు సంజయ్ వాన్ ప్రాంతంలో పార్టీకి చేసుకున్నారు.

అదే సమయంలో ఆ ప్రాంతంలోని ఓ పార్కులో బాధితురాలు కనిపించింది. తన తండ్రిని సమీపంలోని ఆసుపత్రిలో చేర్పించడంతో ఓ మహిళ తరచూ ఆ పార్కుకు వేళ్లేది. ఆ రోజు, ఆమె పార్కులో ఉన్న సమయంలో వారంతా ఆ మహిళపై అత్యాచారం చేశారు. అనంతరం గొంతు నులిమి హత్య చేశారు. ఈ విషయాలను పోలీసులు తాజాగా వెల్లడించారు.

కాగా పదేళ్ల క్రితం జరిగిన ఈ ఘటనలో ఇతర నిందితులను పోలీసులు పట్టుకోగలిగారు. కానీ ప్రధాన నిందితుడు రాంపాల్​ని మాత్రం పట్టుకోవడంలో పోలీసులు విఫలం అయ్యారు. కానీ ఎప్​ఐఆర్​ నమోదు చేసుకుని, పరారీలో ఉన్న రాంపాల్​ని పట్టుకునేందుకు ప్రయత్నిస్తూనే ఉన్నారు. అతడిని పరారీలో ఉన్న నేరస్తుడిగానూ గుర్తించారు.

రాంపాల్​కి గతంలో దిల్లీ, యూపీల్లో హత్య, అపహరణ, అత్యాచారం, హత్యాయత్నం సహా ఐదు క్రిమినల్ కేసుల్లో ప్రమేయం ఉందని పోలీసులు తెలిపారు.

“మా బృందం అక్టోబర్ 1న యూపీలోని బాగ్​పట్​లోని లుహారీ గ్రామంలో నిందితుడిని అరెస్టు చేసింది. అతను గత పదేళ్లుగా పరారీలో ఉన్నాడు. అతను తన సహచరులతో కలిసి ఓ మహిళపై అత్యాచారం చేసి హత్య చేశాడు. అనంతరం నగ్నంగా మృతదేహాన్ని పడేశాడు,” అని డిప్యూటీ కమిషనర్ ఆఫ్ పోలీస్ (స్పెషల్ సెల్) అమిత్ కౌశిక్ తెలిపారు.

సాయంత్రం 4 గంటల నుంచి 5 గంటల మధ్య నిందితుడు లుహారీ గ్రామంలోని తన ఇంటికి వస్తాడని తమ బృందానికి పక్కా టిప్​ రావడంతో వెంటనే స్పందించినట్టు పోలీసు అధికారి వివరించారు. ట్రాప్​ వేసి అతడిని పట్టుకున్నట్టు స్పష్టం చేశారు.

రాంపాల్ 1993లో హత్యాయత్నం కేసులో జైలుకు వెళ్లాడని, అక్కడ అతను, అతని తండ్రి పక్క సెల్​లో ఉన్న వారిని కొట్టారని పోలీసులు తెలిపారు.

జైలు నుంచి బయటకు వచ్చాక రాంపాల్​ తన గ్రామంలో గ్యాంగ్​స్టర్​లా ప్రవర్తించడం ప్రారంభించాడని డీసీపీ తెలిపారు.

1994లో రాంపాల్​ తండ్రిని అదే గ్రామానికి చెందిన సుభాష్, రాజేందర్ హత్య చేశారు. గ్రామ ప్రవేశ ద్వారం వద్ద ఏర్పాటు చేసిన ట్రాన్స్​ఫార్​లోని కొన్ని భాగాలను సుభాష్, రాజేందర్ దొంగిలించగా అది రాంపాల్​ తండ్రి చూసి వారిని పట్టుకున్నాడు. ఈ క్రమంలోనే ఆయన హత్యకు గురయ్యాడు!

తండ్రి మరణానికి ప్రతీకారం తీర్చుకునేందుకు రాంపాల్ తన బావమరిది, తల్లితో కలిసి సుభాష్​ని కిడ్నాప్ చేసి హత్య చేసినట్లు పోలీసులు తెలిపారు.

2002లో రాంపాల్, అతని అనుచరులు పప్పు, జశ్వంత్ తమ గ్రామంలోని వైన్ షాప్ సమీపంలో ఓ వ్యక్తిని హత్య చేసి భయానక వాతావరణాన్ని సృష్టించారు అని పోలీసలు వివరించారు.