One nation- One election : ‘ఒకే దేశం- ఒకే ఎన్నికలతో రాష్ట్రాలపై దాడి’

One nation- One election : ఈ నెల 18న పార్లమెంట్​ ప్రత్యేక సమావేశాలకు కేంద్ర పిలుపునివ్వడం సర్వత్రా చర్చనీయాంశంగా మారింది. ఈ నేపథ్యంలో 'ఒకే దేశం- ఒకే ఎన్నికలు' అంశంలోని సాధ్యాసాధ్యాలను పరిశీలించేందుకు కేంద్రం ఓ కమిటీని ఏర్పాటు చేయడంతో ఊహాగానాలు మరింత పెరిగాయి. ఇప్పుడు దేశంలో చర్చంతా ఈ వన్​ నేషన్​- వన్​ ఎలక్షన్​పైనే! తాజాగా ఈ వ్యవహారంపై మౌనం వీడారు కాంగ్రెస్​ సీనియర్​ నేత రాహుల్​ గాంధీ. ఒకే దేశం ఒకే ఎన్నికలకు వ్యతిరేకంగా ట్వట్​ చేశారు.

"ఇండియా, అంటే భారత్, అంటే రాష్ట్రాల ఐకమత్యం. ఒకే దేశం- ఒకే ఎన్నికల ఆలోచనతో ఇండియన్​ యూనియన్​తో పాటు రాష్ట్రాలపై దాడి చేస్తున్నారు," అని ట్వీట్​ చేశారు రాహుల్​ గాంధీ.

కమిటీ నుంచి తప్పుకున్న అధీర్​ రంజన్​ చౌదరి!

Rahul Gandhi on One nation- One election : పార్లమెంట్​ స్పెషల్​ సెషన్​లో వన్​ నేషన్​- వన్​ ఎలక్షన్​ అంశాన్ని మోదీ ప్రభుత్వం ప్రస్తావిస్తుందో లేదో ఇంకా క్లారిటీ లేదు. కానీ ఈ అంశం చుట్టూ ఇప్పటికే చర్చలు తీవ్రంగా జరుగుతున్నాయి. విపక్షంలోని చాలా మంది దీనిని వ్యతిరేకిస్తున్నారు. కొందరు ట్రైల్​ బేసిస్​లో పరీక్షించాలని సూచిస్తున్నారు.

ఇక కేంద్రం ఏర్పాటు చేసిన కమిటీకి మాజీ రాష్ట్రపతి రామ్​నాథ్​ కోవింద్​ నేతృత్వం వహిస్తున్నారు. హోంమంత్రి అమిత్​ షా, మాజీ ఎంపీ గులామ్​ నబీ ఆజాద్​, మాజీ ఆర్థికమంత్రి ఎన్​కే సింఘ్​, లోక్​సభ మాజీ సెక్రటరీ జెనరల్​ సుభాష్​ సీ కశ్యప్​, సీనియర్​ అడ్వకేట్​ హరీశ్​ సాల్వే, మాజీ చీఫ్​ విజిలెన్స్​ కమిషనర్​ సంజయ్​ కథారీలు ఉన్నాయి. కమిటీలో సభ్యుడిగా చేరాలన్న ప్రతిపాదనను కాంగ్రెస్​ నేత అధీర్​ రంజన్​ చౌదరి తిరస్కరించారు. సాధారణ ఎన్నికలు సమీపిస్తున్న తరుణంలో, కొద్ది నెలల సమయంలో ఇలా చట్టలను మార్చేందుకు కమిటీలను వేయడం సరైన విషయం కాదని ఆయన అభిప్రాయపడ్డారు.

One nation- One election committee : ఈ ఏడాది నవంబర్​- డిసెంబర్​ మధ్యలో మిజోరం, మధ్యప్రదేశ్​, ఛత్తీస్​గఢ్​, తెలంగాణ, రాజస్థాన్​లలో ఎన్నికలు జరగనున్నాయి. ఏప్రిల్​-జూన్​ మధ్యలో లోక్​సభ, ఆంధ్రప్రదేశ్​, ఒడిశ, సిక్కిం, అరుణాచల్​ ప్రదేశ్​లో ఎన్నికలు జరగాల్సి ఉంది.

ఇక్కడ ఒక విషయాన్ని ప్రస్తావించాలి. 1967లో లోక్​సభతో పాటు అన్ని రాష్ట్రాల ఎన్నికలు ఒకేసారి జరిగాయి. అయితే 1968, 1969లో కొన్ని అసెంబ్లీలు రద్దు అయ్యాయి. 1970లో లోక్​సభ రద్దు అయ్యింది. ఫలితంగా దేశవ్యాప్తంగా ఎన్నికల షెడ్యూల్​ పూర్తిగా మారిపోయింది.