Crime news : పాకిస్థాన్​లో హిందూ బాలిక దారుణ హత్య.. గ్యాంగ్​ రేప్​ చేసి..!

Pakistan crime news : పాకిస్థాన్​లో దారుణ ఘటన వెలుగులోకి వచ్చింది. ఓ హిందూ బాలిక దారుణ హత్యకు గురైంది. దాని కన్నా ముందు.. కొందరు వ్యక్తులు ఆ బాలికపై సామూహిక అత్యాచారానికి పాల్పడినట్టు తెలుస్తోంది.

ఇదీ జరిగింది..

పాకిస్థాన్​లో ఛోలిస్తాన్​ ఎడారి ప్రాంతంలోని ఖాసిమ్​ వాలా బంగ్లాలో ఈ ఘటన వెలుగులోకి వచ్చింది. బాధితురాలు.. అర్ధరాత్రి వేళ బాత్​రూమ్​ కోసం బయటకు వెళ్లిందని, ఆ తర్వాత కనిపించకుండా పోయిందని ఆమె తండ్రి తెలిపారు.  ఆమె కిడ్నాప్​కు గురైందని ఆరోపించారు.

Hindu girl killed in Pakistan : కాగా.. గురువారం నాడు బాలిక మృతదేహం.. భుట్ట కెనాల్​ వద్ద కనిపించింది. ఘటనపై సమాచారం అందుకున్న పోలీసులు.. ఘటనాస్థలానికి వెళ్లి మృతదేహాన్ని స్వాధీనం చేసుకున్నారు. బాలికను కిడ్నాప్​ చేసిన దుండగులు.. ఆమెపై సామూహిక అత్యాచారానికి పాల్పడినట్టు పోలీసులు అనుమానిస్తున్నారు. ఆమె మృతదేహాన్ని పోస్టుమార్టం కోసం ఆసుపత్రికి తరలించారు.

కాగా.. ఈ వార్త స్థానికంగా కలకలం సృష్టించింది. నిందితులను కఠినంగా శిక్షించాలని ప్రజలు డిమాండ్​ చేస్తున్నారు.

పెరిగిపోతున్న నేరాలు..

పాకిస్థాన్​లో నేరాల సంఖ్య రోజురోజుకు పెరిగిపోతోంది. మరీ ముఖ్యంగా మైనారిటీలపై అఘాయిత్యాలు ఆందోళనకరంగా మారాయి. హిందూ బాలికలు, మహిళలు.. మత మార్పిడి, రేప్​, బలవంత పెళ్లిళ్లకు గురవుతున్నారు.

Pakistan crime latest news : 2023 తొలి రెండు నెలల డేటా ప్రకారం.. పాకిస్థాన్​లోని హిందువులపై నేరాలకు సంబంధించి 42 కేసులు నమోదయ్యాయి. ఇప్పుడు ఈ నెంబర్​ పెరిగి ఉంటుందని తెలుస్తోంది. వీటిల్లో 6 కిడ్నాప్​ కేసులు, బలవంతపు పెళ్లి, మత మార్పిడి వంటి నేరాలు ఉన్నాయి. కాగా.. 9 కేసుల్లో హిందువుల మృతదేహాలు వేలాడుతూ కనిపించాయి. నాలుగు మర్డర్​ కేసులు ఉన్నాయి.

'నరకం అనుభవిస్తున్నా..'

పాకిస్థాన్​లో జరిగిన ఈ షాకింగ్​ ఘటన ఇటీవలే వెలుగులోకి వచ్చింది. ఓ బాలిక.. తన తండ్రిని చంపేసింది. తనను రేప్​ చేస్తున్నాడని, తాను నరకం అనుభవిస్తున్నానని.. అందుకే సొంత తండ్రిని చంపేశానని బాలిక చెప్పింది.

Daughter kills father in Pakistan : పాకిస్థాన్​ పంజాబ్​ రాష్ట్రంలోని లాహోర్​ గుజ్జార్​పురా ప్రాంతంలో గత నెలలో జరిగింది ఈ ఘటన. ఓ వ్యక్తి గత మూడు నెలలుగా తన కూతురిపై అత్యాచారానికి పాల్పడుతున్నాడు. ఆమె వయస్సు 14ఏళ్లు. ఆమె ఒక మైనర్​. కాగా.. ఆ బాలిక, తండ్రి వేధింపులను భరించలేకపోయింది. అతడిని చంపేద్దామని నిర్ణయించుకుంది. ఈ క్రమంలో.. తుపాకీతో అతడిని కాల్చిచంపేసింది. ఆ వ్యక్తి అక్కడికక్కడే ప్రాణాలు కోల్పోయాడు. ఘటనపై సమాచారం అందుకున్న పోలీసులు.. ఘటనాస్థలానికి వెళ్లారు. ఆ వ్యక్తి మృతదేహాన్ని స్వాధీనం చేసుకుని, పోస్టుమార్టం కోసం ఆసుపత్రికి తరలించారు. పూర్తి వివరాల కోసం ఇక్కడ క్లిక్​ చేయండి.