Daughter kills father : 'నరకం అనుభవిస్తున్నా'- రేపిస్ట్​ తండ్రిని తుపాకీతో కాల్చి చంపిన మైనర్​

Daughter kills father : పాకిస్థాన్​లో షాకింగ్​ ఘటన వెలుగులోకి వచ్చింది. ఓ వ్యక్తి, తన కూతురుపై మూడు నెలలుగా అత్యాచారం చేస్తుండగా, అతడిని ఆమె కాల్చి చంపేసింది!

ఇదీ జరిగింది..

పాకిస్థాన్​ పంజాబ్​ రాష్ట్రంలోని లాహోర్​ గుజ్జార్​పురా ప్రాంతంలో శనివారం జరిగింది ఈ ఘటన. ఓ వ్యక్తి గత మూడు నెలలుగా తన కూతురిపై అత్యాచారానికి పాల్పడుతున్నాడు. ఆమె వయస్సు 14ఏళ్లు. ఆమె ఒక మైనర్​.

కాగా.. ఆ బాలిక, తండ్రి వేధింపులను భరించలేకపోయింది. అతడిని చంపేద్దామని నిర్ణయించుకుంది. ఈ క్రమంలో.. తుపాకీతో అతడిని కాల్చిచంపేసింది. ఆ వ్యక్తి అక్కడికక్కడే ప్రాణాలు కోల్పోయాడు.

ఘటనపై సమాచారం అందుకున్న పోలీసులు.. ఘటనాస్థలానికి వెళ్లారు. ఆ వ్యక్తి మృతదేహాన్ని స్వాధీనం చేసుకుని, పోస్టుమార్టం కోసం ఆసుపత్రికి తరలించారు.

Girl kills father : "మూడు నెలలుగా నా మీద అత్యాచారం చేస్తున్నాడు. నరకం అనుభవిస్తున్నాను. నా రేపిస్ట్​ తండ్రిని చంపేశాను. తుపాకీతో కాల్చి చంపేశాను," అని ఆ బాలిక.. పోలీసులకు చెప్పింది.

అన్ని కోణాల్లోనూ దర్యాప్తు చేపట్టిన అనంతరం ఈ ఘటనపై కేసు నమోదు చేస్తామని పోలీసులు వెల్లడించారు.

Father rapes daughter : మరో కేసులో.. మైనర్​ కూతురిని రేప్​ చేసిన కారణంతో ఓ వ్యక్తికి పాకిస్థాన్​ కోర్టు శుక్రవారం ఉరిశిక్ష విధించింది. ఈ తీర్పు వెలువడిన ఒక రోజు తర్వాతే.. గుజ్జార్​పురాలో ఆ బాలిక, తన తండ్రిని తుపాకీతో చంపేసింది.

ఇదీ చూడండి:- Crime news : మహిళపై గ్యాంగ్​ రేప్​- విషం తాగి ఆత్మహత్య చేసుకున్న దంపతులు! ముగ్గురు బిడ్డలు..

ఇండియాలోనూ..!

పాకిస్థాన్​లోనే కాదు.. మహిళలు, బాలికలపై అత్యాచారానికి సంబంధించిన ఘటనలు ఇండియాలో కూడా ఎక్కువగానే వార్తల్లో నిలుస్తున్నాయి. ముగ్గురు మహిళలు, వారి కుటుంబసభ్యుల కళ్ల ముందే అత్యాచారానికి గురైన ఘటన హరియాణాలో ఇటీవలే కలకలం సృష్టించింది.

హరియాణాలోని పానిపట్​లో బధవారం అర్ధరాత్రి సమయంలో ఈ ఘటన జరిగింది. నలుగురు సభ్యుల గ్యాంగ్​ ఒకటి.. ఓ ఇంట్లోకి చొరబడింది. కుటుంబంలో కొందరి కాళ్లు, చేతులను తాళ్లతో కట్టేశారు దుండగులు. అనంతరం వారి ఎదురుగానే.. ముగ్గురు మహిళలపై సామూహిక అత్యాచారానికి ఒడిగట్టారు.

ఆ తర్వాత.. దుండగులు ఈ ఇంట్లో నుంచి డబ్బులు, నగలను దొంగలించి అక్కడి నుంచి పారిపోయారు. పూర్తి వివరాల కోసం ఇక్కడ క్లిక్​ చేయండి.