GATE 2024 scorecard : నేడు గేట్​ 2024 స్కోర్​ కార్డ్​​ విడుదల- ఇలా డౌన్​లోడ్​ చేసుకోండి..

GATE 2024 scorecard release date : గేట్​ 2024 స్కోర్​ కార్డ్​ని నేడు, మార్చ్​ 23న విడుదల చేయనుంది బెంగళూరులోని ఇండియన్ ఇన్​స్టిట్యూట్​ ఆఫ్ సైన్స్. గ్రాడ్యుయేట్ ఆప్టిట్యూడ్ టెస్ట్ ఇన్ ఇంజినీరింగ్​ (గేట్​)కు హాజరైన అభ్యర్థులు.. gate2024.iisc.ac.in ఐఐఎస్​సీ గేట్ అధికారిక వెబ్​సైట్ ద్వారా స్కోర్ కార్డును డౌన్​లోడ్ చేసుకోవచ్చు.

గేట్ 2024 పరీక్షను.. 2024 ఫిబ్రవరి 3, 4, 10, 11 తేదీల్లో నిర్వహించింది ఐఐఎస్​సీ. అభ్యర్థుల సమాధానాలను ఫిబ్రవరి 16న, ఆన్సర్ కీని 2024 ఫిబ్రవరి 19న విడుదల చేసింది. ఇక.. గేట్ 2024 ఫలితాలను మార్చి 16, 2024న ప్రకటించింది.

గేట్ 2024 స్కోర్ కార్డ్- ఇలా డౌన్ లోడ్ చేసుకోండి..

గేట్​ 2024 స్కోర్ కార్డ్ ఈ రోజు విడుదలవుతుంది. పరీక్షకు హాజరైన అభ్యర్థులు ఈ క్రింద చెప్పిన స్టెప్స్​ని అనుసరించి స్కోర్ కార్డ్​ని డౌన్​లోడ్​ చేసుకోవచ్చు.

స్టెప్​ 1:- gate2024.iisc.ac.in ఐఐఎస్​సీ గేట్ అధికారిక వెబ్​సైట్​ని సందర్శించండి.

ఇదీ చూడండి:- TS TET 2024 Updates : ఈసారి మరింత పెంచేశారు..! రూ.1000కి చేరిన 'టెట్' దరఖాస్తు ఫీజు, రెండు పేపర్లు రాస్తే రూ. 2 వేలు

స్టెప్​ 2:- హోమ్ పేజీలో అందుబాటులో ఉన్న గేట్ 2024 స్కోర్​ కార్డ్​ లింక్​పై క్లిక్ చేయండి.

How to download GATE 2024 scorecard : స్టెప్​ 3:- కొత్త పేజీ ఓపెన్ అవుతుంది. అక్కడ అభ్యర్థులు అవసరమైన వివరాలను నమోదు చేయాల్సి ఉంటుంది.

స్టెప్​ 4:- సబ్మీట్ బటన్​పై క్లిక్ చేసి పేజీని డౌన్​లోడ్ చేసుకోండి.

స్టెప్​ 5:- తదుపరి అవసరాల కోసం దాని హార్డ్ కాపీని తీసుకోండి.

పరీక్షలో అభ్యర్థి ఏ మేరకు ప్రదర్శన చేశాడు? అని తెలియజేస్తుంది ఈ గేట్​ స్కోర్​ కార్డ్​. గేట్ 2024 స్కోర్ కార్డ్​.. ఫలితాలు ప్రకటించిన తేదీ నుంచి మూడేళ్ల పాటు చెల్లుబాటు అవుతుంది.

GATE 2024 scorecard date : సమాధానాలను మూల్యాంకణం చేసిన తర్వాత గేట్ స్కోరును లెక్కించడానికి అభ్యర్థి సాధించిన వాస్తవ (రా) మార్కులను పరిగణనలోకి తీసుకుంటారు. మల్టీ సెషన్ టెస్ట్ పేపర్లకు, వివిధ సెషన్లలో అభ్యర్థులు పొందిన రా మార్కులను ఆ నిర్దిష్ట పరీక్ష పేపర్​కు నార్మలైజ్డ్ మార్కులుగా మారుస్తారు. అందువల్ల, అర్హత మార్కుల ఆధారంగా గేట్ స్కోరును లెక్కించడానికి రా మార్కులు (సింగిల్ సెషన్ పేపర్లకు) లేదా నార్మలైజ్డ్ మార్కులు (మల్టీ సెషన్ టెస్ట్ పేపర్లకు) ఉపయోగిస్తారు. మరిన్ని వివరాల తెలుసుకునేందుకు అభ్యర్థులు ఐఐఎస్​సీ గేట్ అధికారిక వెబసైట్​ని చూడాల్సి ఉంటుంది.